ព័ត៌មានអន្ដរជាតិ
ប្រជាជន ឥណ្ឌា ប្រជ្រៀតគ្នាទាំងមិនពាក់ម៉ាសសម្រុកទៅដើរលេងតាមទីក្រុងទេសចរណ៍ ដើម្បីសងសឹកពេលបិទខ្ទប់ ក្រោយខកខានយូរ
ពេលនេះ ឥណ្ឌា កំពុងឈានចូលដល់រដូវទេសចរណ៍ប្រចាំឆ្នាំរបស់ខ្លួន ។ មនុស្សជាច្រើនបាននិងកំពុងធ្វើវិស្សមកាលនៅតាមទីក្រុងតាមមាត់សមុទ្រ តំបន់ជួរភ្នំ ដើម្បូទូទាត់សំណងសម្រាប់ការស្នាក់នៅក្នុងផ្ទះអស់រយៈពេលជាយូរមកហើយ ក្នុងអំឡុងពេលការបិទខ្ទប់ដើម្បីគ្រប់គ្រងជំងឺរាតត្បាតកូវីដ ១៩ ។
ទន្ទឹមនោះ ក្រសួងសុខាភិបាលឥណ្ឌាហៅបាតុភូតទេសចរណ៍ នាពេលបច្ចុប្បន្ននេះថាជា “ដំណើរកម្សាន្តសងសឹក” បន្ទាប់ពីភាពតានតឹង និងសម្ពាធជាច្រើនខែពីការបិទខ្ទប់ ។
កន្លងមក ប្រទេសឥណ្ឌាបានប្រឈមមុខនឹងការផ្ទុះកូវីដដ៏ធំរលកទី ២ នៅខែមេសា និងឧសភា ដែលបណ្តាលឲ្យមានករណីឆ្លងដល់ទៅ ៤០ ម៉ឺនករណី និងស្លាប់រាប់ពាន់នាក់ក្នុងមួយថ្ងៃ ។ វាក៏បណ្ដាលឲ្យប្រព័ន្ធសុខាភិបាលសាធារណៈដួលរលំ ដោយមិនមានគ្រែសម្រាប់ដាក់អ្នកជំងឺ ក៏ដូចជាកង្វះខាតសម្ភារៈផ្គត់ផ្គង់ចាំបាច់ និងអុកស៊ីសែនជាដើម ។
ក្រុមអ្នកជំនាញជឿជាក់ថា ការផ្ទុះឡើងនេះបានកើតឡើង បន្ទាប់ពីការជួបជុំសាសនា ក៏ដូចជាយុទ្ធនាការនយោបាយ និងការវិលត្រឡប់ទៅកាន់ស្រុកកំណើតរបស់ពួកគេនៅទូទាំងប្រទេស រួមទាំងការវិវត្តនៃវីរុសបំប្លែងខ្លួនឥណ្ឌា “Delta” ។
បន្ទាប់ពីមានការប្រកាសពីការបិទខ្ទប់នេះ ក្រុមហ៊ុនទេសចរណ៍បានប្រកាសថា ខ្លួនកំពុងអនុវត្តការបិទខ្ទប់ ដែលមនុស្សភាគច្រើនចំណាយពេលនៅផ្ទះ និងឲ្យប្រជាជនប្រមូលផ្ដុំគ្នាទៅចាក់វ៉ាក់សាំង ។ ជាលទ្ធផលចំនួនអ្នកឆ្លង និងសម្លាប់បានថយចុះបន្តិចម្តងៗ រហូតដល់អាជ្ញាធរអាចបន្ធូរបន្ថយការបិទខ្ទប់នេះម្តងទៀត ។
ទោះយ៉ាងណា រូបភាពចង្អៀតណែនណាន់តាន់តាប់របស់សាធារណៈជននៅតំបន់ទេសចរណ៍ បានលេចចេញនៅលើបណ្តាញសង្គម ខណៈរូបភាពនេះ បណ្តាលឲ្យរដ្ឋាភិបាលមានការព្រួយបារម្ភផ្ទុះកូវីដម្តងទៀត ។
គួរបញ្ជាក់ថា ការព្រួយបារម្ភបែបនេះកើនឡើងរឹតតែខ្លាំង ព្រោះថាមានតែប្រជាជនឥណ្ឌា ៥ ភាគរយប៉ុណ្ណោះ ដែលបានទទួលការចាក់វ៉ាក់សាំង ៕
ប្រែសម្រួលដោយ ៖ ជីវ័ន្ត
ប្រភព ៖ Sanook
ចុចអាន ៖ ពេលនេះ ករណីឆ្លងកូវីដប្រចាំថ្ងៃ របស់ឥណ្ឌូណេស៊ី កើនលើស ឥណ្ឌា ទៅទៀត
-
ព័ត៌មានជាតិ១៤ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)