ព័ត៌មានអន្ដរជាតិ
ប្រសើរណាស់! វ៉ាក់សាំងចាក់តែមួយដូស Johnson & Johnson ដែល កម្ពុជា នឹងទទួលបានមានប្រសិទ្ធភាពការពារវីរុសបំប្លែងខ្លួនច្រើនប្រភេទ
លោកស្រី យក់ សម្បត្តិ រដ្ឋលេខាធិការក្រសួងសុខាភិបាល បានបង្ហើបឲ្យដឹងនៅព្រឹកថ្ងៃទី ២២ ខែកក្កដានេះថា កម្ពុជានឹងទទួលបានប្រភេទវ៉ាក់សាំង Johnson & Johnson ចំនួន ១ លានដូស តាមរយៈយន្តការ COVAX នាពេលឆាប់ៗខាងមុខនេះ ។
ដោយឡែកនៅប្រទេសមួយចំនួនដែលបានប្រើប្រាស់វ៉ាក់សាំងចាក់តែមួយដូស Johnson & Johnson ដែលផលិតនៅអាមេរិកមួយនេះ ក៏ត្រូវបានគេមើលឃើញពីប្រសិទ្ធភាពខ្លាំងក្លាការពារជំងឺកូវីដ ១៩ និងវីរុសបំប្លែងខ្លួនច្រើនប្រភេទប្រមាណ ៨៥ ភាគរយ ។
ទាក់ទិននឹងបញ្ហានេះ យោងតាមការសិក្សា ដែលចេញផ្សាយដោយក្រុមអ្នកស្រាវជ្រាវ មកពីទីក្រុង Harvard បានឲ្យដឹងថា វ៉ាក់សាំង Johnson & Johnson ជំរុញឲ្យមានការឆ្លើយតបនឹងប្រព័ន្ធភាពស៊ាំមួយចំនួន ប្រឆាំងនឹងវីរុសបំប្លែងខ្លួនជាច្រើនប្រភេទ ។
លទ្ធផលនៃការសិក្សាដំណាក់កាលទី ៣ ដែលបានចុះផ្សាយក្នុងទស្សនាវដ្ដី Nature បានបង្ហាញពីភាពសកម្ម នៃការឆ្លើយតបប្រព័ន្ធភាពស៊ាំ ប្រឆាំងនឹងជំងឺកូវីដ ១៩ ក៏ដូចជាវីរុសបំប្លែងខ្លួន ៤ ផ្សេងទៀត ក្នុងចំណោមអ្នកទទួលការចាក់វ៉ាក់សាំងជាច្រើននាក់ ។
អ្វីដែលសំខាន់នោះ វ៉ាក់សាំងចាក់តែមួយដូស Johnson & Johnson នាំឲ្យសរីរាង្គអ្នកចាក់ហើយ បង្កើតអង់ទីគ័រ ក៏ដូចជាកងការពារ និងកម្ចាត់កោសិការបស់វីរុសតែម្ដង ។
គួរបញ្ជាក់ថា វ៉ាក់សាំងចាក់តែមួយដូស Johnson & Johnson ត្រូវបានអនុម័តឲ្យប្រើប្រាស់ជាបន្ទាន់នៅក្នុងប្រទេសទាំងអស់ និងសម្រាប់យន្តការ COVAX កាលពីខែមីនា ឆ្នាំ ២០២១ នេះ ៕
ប្រែសម្រួលដោយ ៖ ជីវ័ន្ត
ប្រភព ៖ UPI
ចុចអាន ៖ កម្ពុជានឹងទទួលបានវ៉ាក់សាំង Johnson & Johnson តាមយន្តការ COVAX ចំនួន ១ លានដូស
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានអន្ដរជាតិ១ សប្តាហ៍ ago
ថ្ងៃពិសេសកូនប្រុសម្ដង ភរិយាសេដ្ឋី Ambani ពាក់គ្រឿងអលង្ការតម្លៃ ៦៦.៥ លានដុល្លារបង្អួតភ្នែកមហាជន