មិនធូរស្បើយឡើយ! វៀតណាម បន្តរកឃើញ អ្នកឆ្លងកូវីដ ច្រើនបំផុតមិនធ្លាប់មានសោះ

ក្រសួងសុខាភិបាលវៀតណាម បានបញ្ជាក់ពីការឆ្លងកូវីដថ្មីចំនួន ៣,៣៩៧ ករណីទៀត កាលពីយប់ថ្ងៃសុក្រ ដោយនាំឲ្យចំនួនសរុបប្រចាំថ្ងៃ ឈានដល់កម្រិតបំបែកកំណត់ត្រាថ្មី ៧,២៩៥ករណី។

នៅពេលយប់ ទីក្រុង ហូជីមិញ រកឃើញអ្នកឆ្លងច្រើនជាងគេ ពោលគឺ ១,៦១១ករណី បន្ទាប់មកគឺខេត្ត Binh Duong ៥៧១ករណី, Long An ៣៧៩ករណី និងនៅ ២៧ខេត្តក្រុងទៀត។

ក្នុងចំណោមករណីសរុបនៅថ្ងៃសុក្រ ការឆ្លង ៤,៩១៣ករណី ត្រូវបានកត់ត្រាក្នុងទីក្រុង ហូជីមិញ។

ស្របពេលជាមួយគ្នានោះ អ្នកជំងឺចំនួន ២,១១៥នាក់ បានជាសះស្បើយ ហើយអនុញ្ញាតឲ្យចាកចេញពីមន្ទីរពេទ្យ កាលពីថ្ងៃសុក្រ ដោយធ្វើឲ្យចំនួនអ្នកជាសះស្បើយសរុបចាប់តាំងពីរោគរាតត្បាតផ្ទុះឡើង កើនដល់ ១៥,៥៣៦នាក់។

គិតត្រឹមពេលនេះ ប្រទេស វៀតណាម បានកត់ត្រាការឆ្លងក្នុងសហគមន៍ចំនួន ៧៧,៨៨២ករណី នៅក្នុង ៦១ ខេត្តក្រុង ចាប់តាំងពីរលកទី៤ វាយប្រហារកាលពីចុងខែ មេសា។

ប្រែសម្រួល៖ Vann Vann

ប្រភព៖ VN Express

ចុចអាន៖ ស្ថានការណ៍កូវីដកាន់តែធ្ងន់ធ្ងរ! ទីក្រុង ហូជីមិញ ដាក់បម្រាម មិនឲ្យប្រជាជនចេញពីផ្ទះដាច់ខាត