យោធាមីយ៉ាន់ម៉ា រឹបអូសធុងអុកស៊ីសែននាំចូលពី ថៃ តែប្រាប់ថា ខ្ចីប្រើក្នុងមន្ទីរពេទ្យព្យាបាលអ្នកជំងឺកូវីដសិន
Connect with us
Helistar Cambodia - Helicopter Charter Services

ព័ត៌មានអន្ដរជាតិ

យោធាមីយ៉ាន់ម៉ា រឹបអូសធុងអុកស៊ីសែននាំចូលពី ថៃ តែប្រាប់ថា ខ្ចីប្រើក្នុងមន្ទីរពេទ្យព្យាបាលអ្នកជំងឺកូវីដសិន

បានផុស

នៅ

ទីភ្នាក់ងារសារព័ត៌មាន Irawadee បានរាយការណ៍ថា យោធាមីយ៉ាន់ម៉ាបានរឹបអូសធុងអុកស៊ីសែនចំនួន ១០០ ធុងដែលនាំចូលពីប្រទេសថៃ នៅឯអង្គការសប្បុរសធម៌មួយក្នុងទីក្រុងយ៉ាំងហ្គោន ដើម្បីជួយដល់អ្នកដែលឆ្លងជំងឺកូវីដ ១៩ ចំពេលមានវិបត្តិធ្ងន់ធ្ងរក្នុងប្រទេស ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមរបាយការណ៍បានឲ្យដឹងថា ធុងអុកស៊ីសែនចំនួន ១០០ ធុង ត្រូវបាននាំចូលដោយសប្បុរសជនមួយនៅទីក្រុងយ៉ាំងហ្គោន តាមរយៈស្ពានមិត្តភាពថៃ-មីយ៉ាន់ម៉ា ។

បើយោងតាមសេចក្តីថ្លែងការណ៍របស់លោកវរសេនីយ៍ឯក Myo Min Naung បានសារភាពថា លោកបានបញ្ជាឲ្យរឹបអូសយកធុងអុកស៊ីសែន ប៉ុន្តែលោកបានបដិសេធថា លោកមិនបានរឹបអូសយកធុងអុកស៊ីសែនតាមអំពើចិត្តនោះទេ គ្រាន់តែខ្ចីប្រើសម្រាប់ដាក់ក្នុងមន្ទីរពេទ្យ និងមណ្ឌលព្យាបាលដែលមានតម្រូវការបន្ទាន់ប៉ុណ្ណោះ ។

លោកបាននិយាយថា “យើងបានបញ្ជាទិញធុងអុកស៊ីសែនចំនួន ១០០ ធុង សម្រាប់ប្រើប្រាស់នៅតំបន់ Karen ហើយក៏បានបង់ថ្លៃវាហើយផងដែរ ប៉ុន្តែជាអកុសលរោងចក្រអុកស៊ីសែននៅតំបន់ Malaman ដែលផលិតអុកស៊ីសែនសម្រាប់អ្នកជំងឺនៅតំបន់ Karen ត្រូវបានបំផ្លាញ ។ ដូច្នេះយើងសម្រេចចិត្តយកធុងអុកស៊ីសែនចំនួន ១០០ ធុងមកប្រើប្រាស់ជាបន្ទាន់សិននៅមន្ទីពេទ្យ និងមជ្ឍមណ្ឌលសម្រាប់ព្យាបាលជំងឺកូវីដ ១៩” ។

ជាមួយគ្នានេះដែរ យោធាមីយ៉ាន់ម៉ាបានផ្តល់ប្រាក់ ៨០ ម៉ឺនបាត (ប្រហែល ៤០ លានគីយ៉ាតមីយ៉ាន់ម៉ា) ដល់អ្នកនាំចូលធុងអុកស៊ីសែនដើម្បីធានាធុងអុកស៊ីសែនត្រឡប់មកវិញ ប៉ុន្តែរហូតមកដល់ពេលនេះមិនមានធុងប្រភេទនេះ ត្រូវបានប្រគល់មកវិញទេ ។

បច្ចុប្បន្ន ប្រជាជនមីយ៉ាន់ម៉ារាប់រយនាក់ត្រូវបានគេរាយការណ៍ថា កំពុងរង់ចាំទិញ និងបញ្ចូលខ្យល់ក្នុងធុងអុកស៊ីសែនសម្រាប់ប្រើប្រាស់ជាលក្ខណៈគ្រួសារ ព្រោះធុងអុកស៊ីសែនកំពុងខ្វះខាតខ្លាំង ហើយការខ្វះខាតនេះ ត្រូវបានមនុស្សជាច្រើនជឿថា របបយោធាបានស្តុកអុកស៊ីសែន សម្រាប់ប្រើប្រាស់ក្នុងមន្ទីរពេទ្យរដ្ឋដើម្បីព្យាបាលទាហាន និងគ្រួសាររបស់ពួកគេ ខណៈពេលមានវិបត្តិរបស់ប្រទេសនេះ ចំនួនអ្នកស្លាប់បានកើនឡើង ៤ ទៅ ៥ ដងក្នុងរយៈពេលតែ ២ ខែប៉ុណ្ណោះ ៕

ប្រែសម្រួលដោយ ៖ ជីវ័ន្ត

ប្រភព ៖ Sanook

ចុចអាន ៖ យោធាមីយ៉ាន់ម៉ា សុំឲ្យបរទេសជួយ ស្របពេលកូវីដកាន់តែអាក្រក់

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កូវីដ-១៩២ នាទី មុន

បិទ​ខ្ទប់​វត្ត​ពោធិ​លង្ការ ក្រុង​សៀមរាប ដោយសារ​ផ្ទុះ​ការឆ្លង​ជំងឺ​កូ​វីដ​-១៩ ក្នុង​មន្ត្រី​សង្ឃ​វត្ត​

ព័ត៌មានជាតិ១៧ នាទី មុន

ស្អែកនេះ​ ​កម្ពុជា នឹង​ផ្តល់​វ៉ាក់សាំង​ Sinovac ២០​ម៉ឺនដូស ដល់ប្រទេសឡាវ​

កីឡា១ ម៉ោង មុន

Capitan ប្រាប់​ថា​វ៉ៃ​មិនទាន់​ល្អ​ទេ​ទោះ​ការពារ​ខ្សែក្រវាត់​បានសម្រេច​ក្ដី

នយោបាយ១ ម៉ោង មុន

លោក ចាប ញ៉ាលីវុធ ចេញលិខិតបដិសេធ អំពីការបញ្ចប់​សមា​ជិកភាព មន្ត្រីជាន់ខ្ពស់ហ្វ៊ុនស៊ិនប៉ិច ៣រូប

ព័ត៌មានជាតិ២ ម៉ោង មុន

លោក​មេឃុំ​ពង្រ យក​បដិមា​ធ្វើ​អំពី​លោហៈ​ប្រគល់​ជូន​មន្ទីរ​វប្បធម៌​និង​វិចិត្រសិល្បៈ​ខេត្តកំពង់ឆ្នាំង

Sokha Hotels

ព័ត៌មានពេញនិយម

Helistar Cambodia - Helicopter Charter Services