ព័ត៌មានអន្ដរជាតិ
បើកបាន ៣០ ថ្ងៃ ថៃ ប្រកាសបិទ ភូកេត សម្រាប់ភ្ញៀវទេសចរបរទេស
អភិបាលខេត្តភូកេតបានបញ្ជាឲ្យបិទកោះទាំងមូល ដោយមិនអនុញ្ញាតឲ្យអ្នកធ្វើដំណើរមកពីខេត្តផ្សេងទៀតចូលភូកេត ចាប់ពីថ្ងៃទី ៣ ខែសីហានេះទៅ ខណៈវាសនានៃគម្រោង “ប្រអប់ខ្សាច់ភូកេត” មិនទាន់អាចកំណត់បាននៅឡើយទេ ។
បទបញ្ជាដែលត្រូវបានចុះហត្ថលេខាដោយអភិបាលខេត្តលោក Narong Woonciew កាលពីថ្ងៃព្រហស្បតិ៍ បានគូសបញ្ជាក់ពីការរឹតត្បិតការធ្វើដំណើរកាន់តែលំបាកនៅភូកេត ។ ប្រជាជនមកពីក្រៅខេត្តត្រូវបានហាមឃាត់មិនឲ្យធ្វើដំណើរទៅភូកេត លើកលែងតែអ្នកដែលដឹកជញ្ជូនទំនិញចាំបាច់ សិស្សនិស្សិត និងសេវាកម្មវេជ្ជសាស្ត្រសង្គ្រោះបន្ទាន់ប៉ុណ្ណោះ ។
ប៉ុន្តែការលើកលែងទាំងនោះ ធ្វើឡើងតែចំពោះអ្នកដែលបានចាក់វ៉ាក់សាំងពេញ ២ ដូស និងបង្ហាញលិខិតអនុញ្ញាតនៅច្រកត្រួតពិនិត្យ ។
ក្នុងពេលជាមួយគ្នានេះ អគ្គនាយកនៃនាយកដ្ឋានត្រួតពិនិត្យជំងឺថៃ (DDC) លោក Kajornsak Kaewjaras បាននិយាយថា នាយកដ្ឋាននឹងតាមដានស្ថានភាព និងមើលចំនួនអ្នកជំងឺកូវីដនៅភូកេតរយៈពេល ២ សប្តាហ៍ទៀត ដើម្បីសម្រេចថាតើត្រូវរក្សាគម្រោង “ប្រអប់ខ្សាច់ភូកេត” ទៀតឬក៏យ៉ាង ។
លោកបាននិយាយថា ភូកេតបានធ្វើការងារយ៉ាងល្អក្នុងការគ្រប់គ្រងការចម្លងជំងឺកូវីដ ១៩ នៅក្នុងខេត្តនេះ ខណៈដែលជនបរទេសដែលបានទៅលេងនៅកោះនោះចំនួន ១២,៣៩៥ នាក់ មានអ្នកឆ្លងកូវីដតែចំនួន ៣០ នាក់ប៉ុណ្ណោះ និងបានដាក់ធ្វើចត្តាឡីស័កផងដែរ ។
គួរបញ្ជាក់ថា កាលពីថ្ងៃទី ១ ខែកក្កដា រដ្ឋាភិបាលថៃបានដាក់ចេញនូវផែនការមួយដែលមានឈ្មោះថា “ប្រអប់ខ្សាច់ភូកេត ឬ Phuket Sandbox” និងបានបើកកោះភូកេតសម្រាប់ភ្ញៀវទេសចរអន្តរជាតិ ដែលបានចាក់វ៉ាក់សាំងពេញ ២ ដូស ដោយមិនចាំបាច់ធ្វើចត្តាឡីស័ក ខណៈនៅថ្ងៃទី ៣០ ខែកក្កដានេះ បានប្រកាសបិទកោះនេះពីប្រទេសដទៃទៅវិញ ពោលមានរយៈពេល ៣០ ថ្ងៃប៉ុណ្ណោះ ៕
ប្រែសម្រួលដោយ ៖ ជីវ័ន្ត
ប្រភព ៖ Bangkok Post
ចុចអាន ៖ លោក ប្រាយុទ្ធ ចាន់អូចា ថា វិបត្តិកូវីដនៅ ថៃ នឹងចប់ក្នុងរយៈពេលយូរបំផុតត្រឹម ៤ សប្ដាហ៍ទៀត
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៩ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង