Connect with us

ព័ត៌មានអន្ដរជាតិ

ផ្ទុះឆ្លងកូវីដលើមនុស្សរាប់ពាន់នាក់ក្នុងការប្រគំតន្ត្រីនៅ អេស្ប៉ាញ

បានផុស

នៅ

រដ្ឋាភិបាលក្នុងតំបន់បាននិយាយកាលពីថ្ងៃពុធថា មនុស្សជិត ២,៣០០ នាក់ដែលបានចូលរួមមហោស្រពតន្ត្រីចំនួន ៣ នៅតំបន់កាតាឡូនៀនៃប្រទេសអេស្ប៉ាញ នៅរដូវក្តៅនេះបានឆ្លងជំងឺកូវីដ ១៩ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មហោស្រពតន្រ្តី Vida, Canet Rock និង Cruilla ត្រូវបានប្រគុំក្រោយការដាក់ស្លាកថា “មានសុវត្ថិភាពចំពោះកូវីដ” ដែលរួមបញ្ចូលទាំងវិធានការដូចជា ការធ្វើតេស្តរហ័សលើការចូល និងការពាក់ម៉ាសជាដើម ។

ទោះយ៉ាងណាការសិក្សាមួយបានបង្ហាញថា វិធានការសុវត្ថិភាពនៅឯមហោស្រពតន្រ្តីនោះ គឺមិនគ្រប់គ្រាន់ដើម្បីរក្សាការចម្លងរោគនោះទេ ស្របពេលដែលវីរុសកំពុងរីករាលដាលយ៉ាងខ្លាំង ក្នុងចំណោមប្រជាជនវ័យក្មេងរបស់អេស្ប៉ាញ ។

ការសិក្សាដោយរដ្ឋាភិបាលតំបន់កាតាឡូនៀ បានរកឃើញថា មនុស្សប្រមាណ ៥ ម៉ឺននាក់ដែលបានចូលរួមព្រឹត្តិការណ៍នេះមានហានិភ័យឆ្លងជំងឺកូវីដ ១៩ ទ្វេដង ជាងអ្នកដែលមានអាយុប្រហាក់ប្រហែលគ្នានៅក្នុងក្រុមត្រួតពិនិត្យ ។

ទន្ទឹមនោះ លោក Carmen Cabezas មន្រ្តីជាន់ខ្ពស់ផ្នែកសុខភាពសាធារណៈតំបន់កាតាឡូនៀ បាននិយាយថា មហោស្រពនេះកំពុងដើរតួនាទីនៅក្នុងរលកឆ្លងទី ៥ របស់តំបន់ ។

ថ្វីបើមហោស្រពតន្រ្តីខ្លះនៅតែបន្ត បន្ទាប់ពីតំបន់កាតាឡូនៀបានបិទក្លឹបរាត្រី ដើម្បីទប់ស្កាត់ការរីករាលដាលនៃវីរុសក៏ដោយ ក៏ផ្នែកខ្លះនៃការប្រគំតន្ត្រីនោះ ផ្អែកលើគំរូតេស្តដែលរកឃើញថាទទួលបានជោគជ័យនៅក្នុងព្រឹត្តិការណ៍សាកល្បងមុនៗ ។

គួរបញ្ជាក់ថា តំបន់កាតាឡូនៀ គឺជាចំណុចកណ្តាលនៃរលកឆ្លងទី ៥ របស់អេស្ប៉ាញ ដែលជះឥទ្ធិពលធំបំផុតដល់ប្រជាជនដែលមិនទាន់ចាក់វ៉ាក់សាំង របស់ប្រទេសនេះ ៕

ប្រែសម្រួលដោយ ៖ ជីវ័ន្ត

ប្រភព ៖ Anadolu

ចុចអាន ៖ អេស្ប៉ាញ ជាប្រទេសដំបូងបង្អស់នៅអឺរ៉ុប ចាប់ផ្ដើមចាក់វ៉ាក់សាំងតែមួយដូស Johnson & Johnson

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម