ព័ត៌មានអន្ដរជាតិ

មហាសេដ្ឋី Gates ផ្តល់ជំនួយអាកាសធាតុ១.៥ប៊ីលានដុល្លារ បើអាមេរិកចាត់ការផ្លូវច្បាប់

បានផុស

៥ years មុន

នៅ

ថ្ងៃសុក្រ ១៣ សីហា ២០២១

ដោយ

សហស្ថាបនិកក្រុមហ៊ុន Microsoft លោកមហាសេដ្ឋី Bill Gates កាលពីថ្ងៃព្រហស្បតិ៍ ទី១២ ខែសីហា បានឲ្យដឹងថា ថវិកាអាកាសធាតុរបស់លោកនឹងផ្តល់ចំនួន១.៥ប៊ីលានដុល្លារអាមេរិកក្នុងគម្រោងនានាជាមួយសហរដ្ឋអាមេរិក ប្រសិនបើរដ្ឋាភិបាលអនុម័តកម្មវិធីដើម្បីកាត់បន្ថយការសាយភាយកាបូនដែលនឹងត្រូវឆ្លងរដ្ឋសភានៅពេលខាងមុខ។

កញ្ចប់ហេដ្ឋារចនាសម្ព័ន្ធដែលមានទឹកប្រាក់១.២ទ្រីលានដុល្លារអាមេរិកត្រូវបានអនុម័តដោយព្រឹទ្ធសភាអាមេរិកនៅសប្តាហ៍នេះនឹងផ្តល់ថវិការាប់ប៊ីលានដុល្លារអាមេរិកដល់ក្រសួងថាមពលសម្រាប់គម្រោងប្រយុទ្ធនឹងការប្រែប្រួលអាកាសធាតុ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកមហាសេដ្ឋី Gates មានប្រសាសន៍ក្នុងសេចក្តីប្រកាសមួយដែលចេញផ្សាយដោយ CNBC ថា ប្រសិនបើកញ្ចប់ហេដ្ឋារចនាសម្ព័ន្ធបានក្លាយជាច្បាប់ «កិច្ចសហការនេះនឹងមិនត្រឹមតែបញ្ជូនពួកយើងទៅលើផ្លូវដែលរឹងមាំជាមុនទេ ប៉ុន្តែនឹងបង្កើតការងាររយៈពេលវែង និងភ្លាមៗទាំងក្នុងសហគមន៍ និងទូទាំងប្រទេស។

ប៉ុន្តែតាមរយៈការផ្តល់មូលនិធិលើការងារផ្លូវថ្នល ស្ពាន និងកំពង់ផែ ព្រមទាំងទឹកស្អាត និងអ៉ីនធឺណេតល្បឿនលឿន លោកប្រធានាធិបតីសហរដ្ឋអាមេរិក ចូ បៃដិន បានលើកឡើងថា កញ្ចប់ថវិកាដែលនៅត្រូវការអនុម័តពីរដ្ឋសភានឹងបង្កើតការងារដែលមានប្រាក់ចំណូលខ្ពស់រាប់ពាន់កន្លែងដល់ប្រជាជនដោយមិនចាំមានសញ្ញាប័ត្រមហាវិទ្យាល័យ។

លោក បៃដិន មានប្រសាសន៍ក្នុងសុន្ទរកថានៅសេតវិមានថា ៖«ការវិនិយោគជាប្រវត្តិសាស្ត្រនៅក្នុងហេដ្ឋារចនាសម្ព័ន្ធនេះគឺជាអ្វីដែលខ្ញុំជឿជាក់អ្នក ប្រជាជនអាមេរិក ចង់បាន»។

ត្រូវការសំឡេងភាគច្រើន កញ្ចប់ថវិកានេះត្រូវបានបោះឆ្នោតឆ្លង៦៩ទល់នឹង៣០ដោយមានការគាំទ្រពីសមាជិកព្រឹទ្ធសភារបស់គណបក្សប្រជាធិបតេយ្យ១ភាគ៣។

ឥឡូវនេះ វិធានការប្រឈមនឹងការបោះឆ្នោតដោយសន្និវិធីនៅរដ្ឋសភាក្នុងប៉ុន្មានសប្តាហ៍ខាងមុខដែលអនាគតរបស់វាមិនទាន់ច្បាស់លាស់នៅឡើយទេ ដោយសារការបែកបាក់បានកើតឡើងក្នុងសំឡេងភាគច្រើននៅគណបក្សប្រជាធិបតេយ្យ៕

ប្រែសម្រួល៖ វីរបុត្រ
ប្រភព៖ AFP

Related Topics:មហាសេដ្ឋី Bill Gates