ព័ត៌មានអន្ដរជាតិ
រដ្ឋាភិបាលទប់លែងបាន ដល់ថ្នាក់ UN អំពាវនាវឲ្យតាលីបង់បញ្ឈប់ការវាយប្រហារបន្ទាន់
អគ្គលេខាធិការអង្គការសហប្រជាជាតិ លោក Antonio Guterres នៅថ្ងៃសុក្រម្សិលមិញនេះបានអំពាវនាវឲ្យក្រុមតាលីបង់បញ្ឈប់ការវាយប្រហារជាបន្ទាន់នៅក្នុងប្រទេសអាហ្វហ្គានីស្ថាន និងបានព្រមានថា អាហ្វហ្គានីស្ថានកំពុងលេចចេញផុតពីការគ្រប់គ្រងលែងបានហើយ។
លោក Guterres បានឲ្យដឹងថា ៖«នេះជាពេលដែលត្រូវបញ្ឈប់ការវាយប្រហារ។ នេះជាពេលដែលត្រូវចាប់ផ្តើមការចរចារម៉ត់ចត់។ នេះជាពេលដែលត្រូវបញ្ចៀសសង្គ្រាមត្រជាក់ ឬហិង្សាលើពលរដ្ឋអាហ្វហ្គានីស្ថាន»។
រហូតមកពេលនេះ ក្រុមសកម្មយុទ្ធតាលីបង់បានដណ្តើមកាន់កាប់ទីក្រុងធំបំផុតលំដាប់ទី២ និងទី៣របស់អាហ្វហ្គានីស្ថាន ខណៈកម្លាំងតស៊ូរបស់រដ្ឋាភិបាលបានធ្លាក់ចុះយ៉ាងខ្លាំងដែលបង្កហានិភ័យដែលអាចបណ្តាលឲ្យតាលីបង់ដណ្តើមយកបានរដ្ឋធានីសំខាន់គឺកាប៉ុលនាពេលខាងមុខ។
លោកអគ្គលេខាធិការបានអំពាវនាវឲ្យគ្រប់ភាគីទាំងអស់ការពារជនស៊ីវិលឲ្យកាន់តែខ្លាំងឡើងថែមទៀត។
លោកក៏មានប្រសាសន៍ថា លោកមានការព្រួយបារម្ភយ៉ាងខ្លាំងចំពោះសញ្ញាណដំបូងដែលតាលីបង់បានដាក់ការរឹតត្បិតយ៉ាងអាក្រក់លើសិទ្ធិមនុស្សនៅក្នុងតំបន់ដែលពួកកេបានគ្រប់គ្រប់ ជាពិសេសគោលដៅលើស្ត្រី និងអ្នកកាសែត។
លោកថា ៖«វាពិតជាគួរឲ្យរន្ធត់ និងសោកស្តាយយ៉ាងខ្លាំងដែលឃើញរបាយការណ៍ពីការរំលោភបំពានលើស្ត្រី និងក្មេងស្រី»។
ស្ថិតក្រោមការគ្រប់គ្រងរបស់តាលីបង់ចន្លោះឆ្នាំ១៩៩៦ និង២០០១ ស្ត្រីមិនអាចធ្វើការងារបាន ក្មេងស្រីមិនអនុញ្ញាតឲ្យទៅសាលារៀន ហើយស្ត្រីភេទត្រូវពាក់ក្រណាត់បិទមុខ ព្រមទាំងត្រូវមានបុរសជាសាច់ញាតិទៅជាមួយ ប្រសិនបើពួកគេចង់ចាកចេញពីផ្ទះទៅក្រៅ។
អ្នកនាំពាក្យអង្គការសហប្រជាជាតិបាននិយាយកាលពីព្រឹកថ្ងៃសុក្រថា អង្គការសហប្រជាជាតិកំពុងវាយតម្លៃពីស្ថានភាពសន្តិសុខនៅអាហ្វហ្គានីស្ថានដោយផ្អែកលើមូលដ្ឋានពីម៉ោងទៅមួយម៉ោង និងផ្លាស់ប្តូរបុគ្គលិកមួយចំនួនទៅទីក្រុងកាប៉ុល ប៉ុន្តែមិនទាន់មានការជម្លៀសនរណាម្នាក់ចេញពីប្រទេសឡើយ៕
ប្រែសម្រួល៖ វីរបុត្រ
ប្រភព៖ Reuters
-
ព័ត៌មានជាតិ១ សប្តាហ៍ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៦ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៣ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៤ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៣ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១ សប្តាហ៍ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម២ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៥ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង