ព័ត៌មានអន្ដរជាតិ
យុទ្ធនាការចាក់វ៉ាក់សាំងកូវីដប្រចាំថ្ងៃនៅ ឥណ្ឌា ជិតឈានដល់កំណត់ត្រាចាស់ ខណៈករណីឆ្លងថ្មីធ្លាក់ចុះគួរកត់សម្គាល់ក្នុងរយៈពេល ៥ ខែ
ទិន្នន័យរបស់រដ្ឋាភិបាលបង្ហាញថា ប្រទេសឥណ្ឌាបានចាក់វ៉ាក់សាំងការពារជំងឺកូវីដ ១៩ ជាង ៨.៨ លានដូសក្នុងរយៈពេល ២៤ ម៉ោងចុងក្រោយ ពោលជិតដល់កំណត់ត្រាចាស់ ខណៈប្រទេសនេះកំពុងបង្កើនល្បឿនយុទ្ធនាការចាក់វ៉ាក់សាំង ដល់មនុស្សពេញវ័យនៅត្រឹមខែធ្នូ ។
ទន្ទឹមនោះ ក្រសួងសុខាភិបាលបាននិយាយកាលពីថ្ងៃអង្គារថា ការកើនឡើងនៃការវ៉ាក់សាំងបានកើតឡើងជាមួយនឹងការធ្លាក់ចុះយ៉ាងខ្លាំងនៃករណីឆ្លងប្រចាំថ្មី ដែលបានធ្លាក់ចុះដល់ ២៥,១៦៦ ករណី ហើយជាកម្រិតទាបបំផុត ចាប់តាំងពីថ្ងៃទី ១៦ ខែមីនា ។
បច្ចុប្បន្ន ប្រទេសឥណ្ឌាបានអនុវត្តការចាក់វ៉ាក់សាំងការពារជំងឺកូវីដ ១៩ ដ៏ធំបំផុតមួយនៅលើពិភពលោក ហើយរហូតមកដល់ពេលនេះបានចាក់វ៉ាក់សាំងចំនួន ៥៥៤ លានដូស ហើយប្រហែល ៤៦ ភាគរយនៃចំនួនមនុស្សពេញវ័យប្រមាណ ៩៤៤ លាននាក់ បានទទួលការចាក់ដូសដំបូង ខណៈមានតែប្រជាជនប្រហែល ១៣ ភាគរយប៉ុណ្ណោះ ដែលចាក់បាន ២ ដូស ។
បើយោងតាមទិន្នន័យដែលបានចងក្រងពីគេហទំព័រ CoWIN របស់រដ្ឋាភិបាលបានឲ្យដឹងថា កំណត់ត្រាចាស់ដែលឥណ្ឌាចាក់វ៉ាក់សាំងការពារជំងឺកូវីដ ១៩ បានច្រើនបំផុតនោះគឺចំនួន ៩.២ លានដូសនៅថ្ងៃទី ២១ ខែមិថុនា ប៉ុន្តែល្បឿននៃការចាក់វ៉ាក់សាំងប្រចាំថ្ងៃ បានធ្លាក់ចុះជាមធ្យមប្រហែល ៤.២ លានដូសក្នុងមួយថ្ងៃកាលពីខែកក្កដា ខណៈក្នុងរយៈពេល ២ សប្តាហ៍ដំបូងនៃខែសីហា ឥណ្ឌាបានចាក់វ៉ាក់សាំងប្រហែល ៥ លានដូសក្នុងមួយថ្ងៃ ។
ស្របពេលជាមួយគ្នានេះ ក្រុមអ្នកជំនាញបាននិយាយថា ឥណ្ឌាត្រូវការប្រើវ៉ាក់សាំងចំនួន ១០ លានដូសក្នុងមួយថ្ងៃ ដើម្បីសម្រេចបាននូវគោលបំណងចាក់ថ្នាំបង្ការដល់មនុស្សពេញវ័យទាំងអស់នៅត្រឹមខែធ្នូ ។
គួរបញ្ជាក់ថា គិតត្រឹមពេលនេះ ឥណ្ឌាបានកត់ត្រាករណីឆ្លងជំងឺកូវីដ ១៩ ឡើងដល់ ៣២.២៥ លានករណី ដែលជាចំនួនខ្ពស់បំផុតទី ២ នៅទូទាំងពិភពលោក បន្ទាប់ពីសហរដ្ឋអាមេរិក ខណៈចំនួនអ្នកស្លាប់កើនឡើងដល់ ៤៣២,០៧៩ នាក់ ៕
ប្រែសម្រួលដោយ ៖ ជីវ័ន្ត
ប្រភព ៖ Al Jazeera
ចុចអាន ៖ ចំនួនអ្នកស្លាប់ដោយសារកូវីដនៅ ឥណ្ឌា មិនមែនប៉ុណ្ណឹងទេ អាចច្រើនជាងតួលេខផ្លូវការ ១០ ដងឯណោះ
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
សន្តិសុខសង្គម៤ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល