ព័ត៌មានអន្ដរជាតិ
ថៃ នឹងប្រើរូបមន្តចាក់វ៉ាក់សាំង ៥ ផ្សេងគ្នា ដើម្បីពន្លឿនយុទ្ធនាការបង្កើនភាពស៊ាំទូទាំងប្រទេស
ក្រសួងសាធារណការបានបញ្ជាក់ថា ថៃនឹងប្រើរូបមន្តចំនួន ៥ ដំណាក់កាល ដើម្បីចាក់វ៉ាក់សាំងដល់ក្រុមគោលដៅផ្សេងគ្នា ប្រឆាំងនឹងជំងឺកូវីដ ១៩ ស្របពេលមានករណីឆ្លងកើនឡើងខ្លាំង ក្នុងពេល ២៤ ម៉ោងក្នុងប្រទេស។
សម្រាប់ប្រជាជនទូទៅ មនុស្សពេញវ័យដែលមានអាយុលើសពី ១៨ ឆ្នាំ មនុស្សចាស់មានជំងឺរ៉ាំរ៉ៃ និងស្ត្រីមានផ្ទៃពោះជាង ៣ ខែ ត្រូវប្រើរូបមន្ត ២ ។ រូបមន្តចម្បងនឹងត្រូវចាក់ Sinovac បន្ទាប់មកទើបអាចទទួលវ៉ាក់សាំង Astra Zeneca មានគំលាតរយៈពេល ៣ សប្ដាហ៍ដាច់ពីគ្នា។
ដោយឡែកសម្រាប់អ្នកដែលបានចាក់វ៉ាក់សាំង Astra Zeneca ដូសដំបូងរបស់ពួកគេរួច ១២ សប្ដាហ៍ នឹងទទួលបានដូសទី ២ នៃវ៉ាក់សាំងដូចគ្នាដដែល។ សម្រាប់កុមារអាយុ ១២-១៨ ឆ្នាំដែលមានស្ថានភាពសុខភាពរ៉ាំរ៉ៃ ហើយស្ត្រីមានផ្ទៃពោះលើសពី ៣ ខែ នឹងទទួលបានវ៉ាក់សាំង Pfizer ចំនួន ២ ដងមានគំលាតដាច់ពីគ្នា ៣ សប្ដាហ៍។
បុគ្គលិកសុខាភិបាលជួរមុខនឹងត្រូវចាក់វ៉ាក់សាំងជាមួយរូបមន្តមួយក្នុងចំណោមរូបមន្តទាំង ៥ ដូចជា៖
១ អ្នកដែលបានចាក់ Sinovac ឬ Sinopharm ចំនួន ២ ដូសនឹងត្រូវចាក់ Astra Zeneca។
២ អ្នកដែលចាក់ Sinovac ឬ Sinopharm ឬ Astra Zeneca មួយដូស នឹងត្រូវចាក់ Pfizer ជា លើកទីពីរបន្ទាប់ពីរយៈពេលដែលកំណត់ក្រោយចាក់លើកដំបូង។
៣ ចំពោះអ្នកចាក់ដូសទីមួយ Sinovac នឹងត្រូវចាក់ Astra Zeneca ជាដូសទី២ក្រោយ ៣ សប្ដាហ៍ដាច់ពីគ្នា (រូបមន្តចាក់វ៉ាក់សាំងលាយ) ។
៤ ចំពោះអ្នកចាក់ Pfizer ចំនួន ២ ដូស ត្រូវមានគំលាតរយៈពេលដាច់ពីគ្នា ៣ សប្ដាហ៍។
៥ ចំណែកអ្នកចាក់ ២ ដូស នៃ Astra Zeneca ត្រូវមានគំលាតរយៈពេលដាច់ពីគ្នា ១២ សប្ដាហ៍។
ក្រសួងសុខាភិបាលថៃក៏បានលើកឡើងថាវ៉ាក់សាំង Pfizer នឹងត្រូវចែកចាយដល់ខេត្តចំនួន ១៣ ដែលស្ថិតនៅក្នុងតំបន់ក្រហមនិងមានការឆ្លងខ្ពស់ផងដែរ។
ការប្រកាសនេះបានធ្វើឡើងស្របពេលប្រទេសថៃមានករណីឆ្លងសរុបនៅថ្ងៃនេះ ១,១៣៩,៥៧១ ករណី
ស្លាប់ ១០.៥៨៧ នាក់ ជាសះស្បើយ៩៤៣.៧៨៤ ករណី៕
ប្រែសម្រួល៖ សាង ស្រីល័ក្ខ
ចុចអាន៖ថៃ យកថ្នាំសម្លាប់ប៉ារ៉ាស៊ីតក្នុងខ្លួនសត្វ ទៅព្យាបាលអ្នកជំងឺកូវីដ-១៩
-
ព័ត៌មានជាតិ៦ ថ្ងៃ agoទេសចរគួរដឹងអ្វីខ្លះ ពេលទៅកម្សាន្តតំបន់អេកូទេសចរណ៍រ៉ាមសារសម្រស់កោះហានក្នុងខេត្តស្ទឹងត្រែង?
-
ព័ត៌មានអន្ដរជាតិ៦ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៧ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៦ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១ សប្តាហ៍ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង
-
ព័ត៌មានជាតិ៥ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
សន្តិសុខសង្គម៥ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ២ ថ្ងៃ agoអាជ្ញាធរទាត់ចោលព័ត៌មានដែលផ្សាយថា ថៃបានឈ្លានពានចូលទឹកដីខ្មែរនៅខេត្តប៉ៃលិន