ព័ត៌មានអន្ដរជាតិ
ក្រោយទីផ្សារបើកឡើងវិញ អ្នកប្ដូរប្រាក់នៅក្រុង កាប៊ុល ដាក់លុយទាំងបាច់ៗក្នុងថង់ប្លាស្ទិកអង្គុយចាំដូរឲ្យអតិថិជន
ប្រភពក្នុងតំបន់បាននិយាយថា ទីផ្សារប្តូរប្រាក់ដ៏សំខាន់នៅទីក្រុងកាប៊ុលរដ្ឋធានីអាហ្វហ្គានីស្ថាន បានបើកដំណើរការឡើងវិញកាលពីថ្ងៃសៅរ៍ ពោលរយៈពេល ១០ ថ្ងៃ បន្ទាប់ពីការចូលកាន់កាប់របស់តាលីបង់ ដោយសារវិបត្តិធនាគារនៅតែកើតមាននៅក្នុងប្រទេសអាស៊ីមួយនេះ ។
លោក Najibullah អ្នកដូរប្រាក់ម្នាក់បានប្រាប់សារព័ត៌មានចិនស៊ីនហួថា “ទីផ្សារប្តូរប្រាក់ឯកជន Sarai Shahzada បានបើកដំណើរការឡើងវិញកាលពីថ្ងៃសៅរ៍ បន្ទាប់ពីធនាគារ Da Afghanistan ឬធនាគារកណ្តាលកាលពីថ្ងៃព្រហស្បតិ៍បានប្រកាសថា ទីផ្សារនឹងចាប់ផ្តើមដំណើរការក្នុងពេលឆាប់ៗនេះ” ។
លោកបន្តថា អត្រាប្តូរប្រាក់រូបិយប័ណ្ណបរទេសនៅតែមានការប្រែប្រួល ដោយសារអត្រាការប្រាក់មិនមានស្ថិរភាព និងផ្លាស់ប្តូរជាញឹកញាប់នៅពេលថ្ងៃ ហើយយើងសម្រេចដាក់លុយក្នុងថង់ប្លាស្ទិកដើម្បីដូរឲ្យអតិថិជន ។
លោក Najibullah បាននិយាយថា “មួយដុល្លារអាមេរិកគឺដូរបានលុយអាហ្វហ្គានីស្ថានចន្លោះ ៨៧ និង ៨៩ អាហ្វហ្គានី (រូបិយប័ណ្ណរបស់អាហ្វហ្គានីស្ថាន) បន្ទាប់ពីបើកដំណើរការឡើងវិញនៅព្រឹកថ្ងៃសៅរ៍ ។
ចំណែក មជ្ឈមណ្ឌលពាណិជ្ជកម្មដែលនៅក្បែរនោះគឺតំបន់ Mandawi របស់ទីក្រុងកាប៊ុល ក៏បានបើកផងដែរ ទោះយ៉ាងណាក៏ដោយអាជីវកម្ម និងការងារប្រចាំថ្ងៃមិនល្អនោះទេ ព្រោះផ្នែកកណ្តាលនៃទីក្រុងកាប៊ុលមិនបានវិលមករកភាពប្រក្រតីវិញឡើយ ដោយនៅតែមានហ្វូងមនុស្សកកកុញ ។
លោកបានបញ្ជាក់ថា ឥឡូវនេះប្រទេសយើងកំពុងមានវិបត្តិសេដ្ឋកិច្ចធនាគារដ៏ធំមួយ ។ មនុស្សបានឈរតម្រង់ជួរយ៉ាងវែងនៅខាងក្រៅសាខាធំៗរបស់រដ្ឋាភិបាល និងធនាគារឯកជននៅជុំវិញទីក្រុងជារៀងរាល់ថ្ងៃ ។ សាខាធនាគារមិនបើកនោះទេ ហើយរហូតមកដល់ពេលនេះប្រជាជនមិនអាចដកប្រាក់បានឡើយ ។ ពួកគេទទួលបានតែ ២០០ ដុល្លារអាមេរិក ឬ ២ ម៉ឺនអាហ្វហ្គានី ជារៀងរាល់សប្តាហ៍តាមបញ្ជារបស់ធនាគារកណ្តាល ។
យោងតាមរបាយការណ៍ប្រព័ន្ធផ្សព្វផ្សាយក្នុងស្រុកបានឲ្យដឹងថា ក្រុមហ៊ុន Western Union និង Money Gram ដែលជាភ្នាក់ងារសេវាផ្ទេរប្រាក់ទាំងពីរ បានបន្តប្រតិបត្តិការរបស់ខ្លួននៅក្នុងខេត្តចំនួន ៣៤ របស់អាហ្វហ្គានីស្ថានកាលពីថ្ងៃសុក្រ ហើយឥឡូវនេះប្រជាជនអាចទទួលបានប្រាក់ពីបរទេសបាន ៕
ប្រែសម្រួលដោយ ៖ ជីវ័ន្ត
ប្រភព ៖ XINHUA
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២៤ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច៧ ថ្ងៃ ago
មួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល