ព័ត៌មានអន្ដរជាតិ
ឯកសារលម្អិត បង្ហាញ “ហានិភ័យខ្ពស់បំផុត” ពាក់ព័ន្ធនឹងការស្រាវជ្រាវរកវីរុសកូរ៉ូណាដែលឧបត្ថម្ភដោយ អាមេរិក នៅ អ៊ូហាន
ឯកសារដែលទទួលបានដោយគេហទំព័រ The Intercept បានបង្ហាញថា រដ្ឋាភិបាលអាមេរិកបានផ្តល់មូលនិធិដល់ការសិក្សាអំពីវីរុសកូរ៉ូណាក្នុងសត្វប្រចៀវនៅទីក្រុង អ៊ូហាន ជាយូរមកហើយ មុនពេលជំងឺរាតត្បាតផ្ទុះឡើងទៅទៀត ហើយអាមេរិកបានដឹងពីហានិភ័យដែលថា អ្នកស្រាវជ្រាវនឹងឆ្លងរោគ។
ឯកសារជាង៩០០ទំព័រ ទាក់ទងនឹងការស្រាវជ្រាវនេះ ត្រូវបានបោះពុម្ពផ្សាយនៅលើគេហទំព័ររបស់ក្រុមហ៊ុនប្រព័ន្ធផ្សព្វផ្សាយមិនរកប្រាក់ចំណេញកាលពីថ្ងៃអង្គារទី៧ខែកញ្ញា។ ឯកសារទាំងនេះ ត្រូវគេទទួលបាន ជាផ្នែកមួយនៃបណ្តឹងពីច្បាប់សេរីភាពព័ត៌មានរបស់ The Intercept ប្រឆាំងនឹងវិទ្យាស្ថានសុខភាពជាតិ។
ឯកសារទាំងនោះបាននិយាយលម្អិតអំពីការងាររបស់ EcoHealth Alliance ដែលជាអង្គការសហរដ្ឋអាមេរិកមានជំនាញក្នុងការការពារប្រឆាំងនឹងជំងឺឆ្លង និងការងាររបស់ខ្លួនជាមួយដៃគូចិនលើមេរោគកូរ៉ូណាជាពិសេសមេរោគដែលមានដើមកំណើតពីសត្វប្រចៀវ។
ឯកសារនោះលម្អិតថា EcoHealth Alliance ត្រូវបានរដ្ឋាភិបាលសហព័ន្ធផ្តល់ប្រាក់ឲ្យចំនួន ៣.១លានដុល្លារ ក្នុងនោះមាន ៥៩៩,០០០ ដុល្លារត្រូវបញ្ជូនទៅវិទ្យាស្ថានសិក្សាមេរោគទីក្រុង អ៊ូហាន។ ថវិកាដែលទទួលបាននៅអ៊ូហាន ត្រូវបានប្រើមួយផ្នែកដើម្បីកំណត់និងកែប្រែហ្សែនវីរុសសត្វប្រចៀវដែលអាចឆ្លងដល់មនុស្ស។
លោក Peter Daszak ប្រធានអង្គការ EcoHealth Alliance បានដឹកនាំការសិក្សាមួយមានចំណងជើងថា “ស្វែងយល់ពីហានិភ័យនៃការលេចចេញវីរុសកូរ៉ូណាពីសត្វប្រចៀវ” ដែលបានពិនិត្យទៅលើសត្វប្រចៀវរាប់ពាន់ក្បាលដើម្បីរកមើលមេរោគនេះ។ ការស្រាវជ្រាវនេះក៏ពាក់ព័ន្ធនឹងការពិនិត្យមើលមនុស្សដែលធ្វើការជាមួយសត្វមានជីវិតផងដែរ។
ទោះបីជាយ៉ាងណាក៏ដោយ ឯកសារដែលចេញផ្សាយក៏រួមមានការទទួលស្គាល់ហានិភ័យដែលអាចកើតមានឡើងដោយគម្រោងនេះផងដែរ។ ពាក្យសុំជំនួយបាននិយាយថា “ការងារនេះ ពាក់ព័ន្ធនឹងហានិភ័យខ្ពស់បំផុតនៃការប៉ះពាល់ជាមួយមេរោគ SARS ឬ CoV ផ្សេងទៀតព្រោះត្រូវធ្វើការនៅក្នុងរូងភ្នំដែលមានដង់ស៊ីតេសត្វប្រចៀវខ្ពស់ និងសក្តានុពលនៃការស្រូបសារធាតុពីលាមក”។
ការលាតត្រដាងមួយទៀតគឺថា ការងារពិសោធន៍ជាមួយសត្វកណ្តុរដែលមានលក្ខណៈដូចមនុស្ស ត្រូវបានធ្វើឡើងនៅ សាកលវិទ្យាល័យពិសោធន៍សត្វអ៊ូហាន។
គួរបញ្ជាក់ថា កម្មវិធីនេះបានដំណើរការពីឆ្នាំ ២០១៤ ដល់ឆ្នាំ ២០១៩ ហើយត្រូវបានបន្តជាថ្មីនៅឆ្នាំ ២០១៩៕
ប្រែសម្រួល៖ Vann Vann
ប្រភព៖ RT
ចុចអាន៖ វីរុសកូវីដបំប្លែងខ្លួន Mu ដែលល្បីធន់នឹងវ៉ាក់សាំង ពេលនេះឆ្លងពេញអាមេរិកហើយ នៅសល់តែរដ្ឋមួយប៉ុណ្ណោះ
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម៣ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល