ព័ត៌មានអន្ដរជាតិ
តាលីបង់អនុញ្ញាតឲ្យអាមេរិក២០០នាក់ចាកចេញពីអាហ្វហ្គានីស្ថាន
យោងតាមមន្ត្រីអាមេរិកម្នាក់បានឲ្យដឹងថា តាលីបង់បានអនុញ្ញាតឲ្យពលរដ្ឋអាមេរិក២០០នាក់ និងជនស៊ីវិលផ្សេងទៀតចាក់ចេញពីប្រទេសអាហ្វហ្គានីស្ថានតាមជើងហោះហើរមិនបានគ្រោងទុក។
មន្ត្រីដែលបាននិយាយជាមួយទីភ្នាក់ងារសារព័ត៌មាន Reuters ក្នុងលក្ខខណ្ឌមិនបញ្ចេញឈ្មោះថា តាលីបង់បានបញ្ជាក់ពីការអនុញ្ញាតឲ្យចាកចេញដោយតំណាងពិសេសរបស់អាមេរិក Zalmay Khalilzad។
ការហោះហើរត្រូវបានគេរំពឹងចាកចេញនៅថ្ងៃព្រហស្បតិ៍នេះពីព្រលានយន្តហោះកាប៊ុល ប៉ុន្តែមន្ត្រីមិនបានបញ្ជាក់ទេថាតើពលរដ្ឋអាមេរិក និងជនជាតិផ្សេងៗស្ថិតនៅលើយន្តហោះរាប់បញ្ចូលទាំងអ្នកដែលជាប់គាំងនៅទីក្រុង Mazar-i-Sharif ជាច្រើនថ្ងៃដោយសារយន្តហោះឯកជនរបស់ពួកគេមិនត្រូវបានអនុញ្ញាតឲ្យចាកចេញ។
ចាប់តាំងពីកម្លាំងទ័ពរបស់ប្រទេសលោកខាងលិចបានចាកចេញពីអាហ្វហ្គានីស្ថានកាលពីចុងខែសីហាមក សហរដ្ឋអាមេរិក និងចក្រភពអង់គ្លេសបានកំពុងព្យាយាមស្វែងរកវិធីជម្លៀសចេញពលរដ្ឋរបស់ខ្លួនដែលជាប់នៅក្នុងប្រទេសអាហ្វហ្គានីស្ថាន។
រដ្ឋាភិបាលអង់គ្លេសបានបង្កើតគម្រោងមួយដែលអនុញ្ញាតឲ្យអតីតបុគ្គលិកមានសិទ្ធិផ្លាស់ទីលំនៅទៅចក្រភពអង់គ្លេស និងមានមនុស្សជាច្រើនត្រូវបានសង្គ្រោះតាមរយៈគម្រោងនេះសម្រាប់ការជម្លៀសចេញ។
ប៉ុន្តែមនុស្សជាច្រើនមិនបានទទួលការឆ្លើយតបចំពោះការដាក់ពាក្យរបស់ពួកគេ ឬពាក្យរបស់ពួកគេត្រូវបានបដិសេធ ឬក៏បានទទួលហើយ តែមិនអាចទៅដល់ព្រលានយន្តហោះបាន។
កាលពីថ្ងៃពុធម្សិលមិញ អតីតអ្នកបកប្រែអាហ្វហ្គានីស្ថានម្នាក់បានបង្ហាញថា ហោចណាស់កម្លាំងពិសេសអាហ្វហ្គានីស្ថាន៤០០នាក់ដែលបង្វឹកដោយចក្រភពអង់គ្លេសកំពុងលាក់ខ្លួននៅអាហ្វហ្គានីស្ថាន និងអស់សង្ឃឹមក្នុងការរត់គេចទៅចក្រភពអង់គ្លេស។
លោក Rafi Hottak អាយុ៣៥ឆ្នាំដែលបានធ្វើការជាមួយកម្លាំងពិសេសអង់គ្លេសនៅអាហ្វហ្គានីស្ថាន និងឥឡូវស្ថិតនៅទីក្រុង Birmingham បាននិយាយថា លោកបានកំពុងប្រមូលបញ្ជីឈ្មោះអ្នកកំពុងលាក់ខ្លួនទាំងនោះដើម្បីឲ្យជួយ៕
ប្រែសម្រួល៖ វីរបុត្រ
ប្រភព៖ reuters
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១០ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ