តៃវ៉ាន់ ប្រកាសចំណាយថវិការាប់ពាន់លានដុល្លារបន្ថែមលើវិស័យការពារជាតិ ដើម្បីទប់ទល់ការគំរាមកំហែងពី ចិន
Connect with us
Helistar Cambodia - Helicopter Charter Services

ព័ត៌មានអន្ដរជាតិ

តៃវ៉ាន់ ប្រកាសចំណាយថវិការាប់ពាន់លានដុល្លារបន្ថែមលើវិស័យការពារជាតិ ដើម្បីទប់ទល់ការគំរាមកំហែងពី ចិន

បានផុស

នៅ

នៅថ្ងៃព្រហស្បតិ៍នេះ តៃវ៉ាន់បានប្រកាសពីគម្រោងចំណាយថវិកាបន្ថែមចំនួន ២៤០ ពាន់លានដុល្លារតៃវ៉ាន់ (ស្មើនឹង ៨.៦៩ ពាន់លានដុល្លារអាមេរិក) លើវិស័យការពារជាតិរួមទាំងមីស៊ីលថ្មីផងដែរក្នុងរយៈពេល ៥ ឆ្នាំខាងមុខទៀត ដោយព្រមានពីតម្រូវការបន្ទាន់ក្នុងការធ្វើទំនើបកម្មអាវុធ ខណៈកំពុងប្រឈមមុខនឹងការគំរាមកំហែងធ្ងន់ធ្ងរ ពីប្រទេសជិតខាងដ៏ធំរបស់ខ្លួនគឺចិន ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កញ្ចប់ថវិកាដែលលើសពីផែនការយោធាឆ្នាំ ២០២២ ដែលមានចំនួន ៤៧១.៧ ពាន់លានដុល្លារតៃវ៉ាន់ នៅតែត្រូវអនុម័តដោយសភារបស់តៃវ៉ាន់ ។

ទន្ទឹមនោះព័ត៌មាននេះកើតឡើង បន្ទាប់ពីមានរបាយការណ៍កាលពីថ្ងៃពុធថា កងទ័ពអាកាសតៃវ៉ាន់បានផ្តល់ថវិកាចំនួន ៣៣ ពាន់លានដុល្លារតៃវ៉ាន់ក្នុងការធ្វើឲ្យប្រសើរឡើងនូវមូលដ្ឋានរបស់ខ្លួន ក៏ដូចជាជួសជុលផ្លូវរត់របស់យន្តហោះ និងផលិតមីស៊ីលជាដើម ។

ចំណែកក្រសួងការពារជាតិតៃវ៉ាន់បាននិយាយនៅក្នុងសេចក្តីថ្លែងការណ៍មួយ បន្ទាប់ពីកិច្ចប្រជុំគណៈរដ្ឋមន្ត្រីប្រចាំសប្តាហ៍របស់ពួកគេថា “ចិនបានបន្តវិនិយោគយ៉ាងច្រើនក្នុងថវិកាការពារជាតិ ហើយកម្លាំងយោធារបស់ពួកគេបានកើនឡើងយ៉ាងឆាប់រហ័ស ហើយពួកគេក៏បានបញ្ជូនយន្តហោះ និងនាវាជាញឹកញាប់ដើម្បីលុកលុយ និងយាយីដល់ដែនសមុទ្រ និងដែនអាកាសរបស់យើង” ។

សេចក្តីថ្លែងការណ៍បានបន្ថែមថា “ប្រឈមមុខនឹងការគំរាមកំហែងយ៉ាងធ្ងន់ធ្ងរពីសត្រូវ យោធារបស់ប្រទេសនេះបានចូលរួមយ៉ាងសកម្មក្នុងការងារកសាង និងរៀបចំយោធា ហើយវាជាការបន្ទាន់ដើម្បីទទួលបានអាវុធ និងឧបករណ៍ផលិតទ្រង់ទ្រាយធំដែលមានភាពចាស់ទុំ និងឆាប់រហ័សក្នុងរយៈពេលដ៏ខ្លី” ។

ជាចុងក្រោយក្រសួងការពារជាតិបានសន្និដ្ឋានថា តៃវ៉ាន់មានគម្រោងទិញមីស៊ីល និងនាវាចម្បាំងរួមជាមួយឧបករណ៍យោធាទំនើបៗផ្សេងទៀតផងដែរ ៕

ប្រែសម្រួលដោយ ៖ ជីវ័ន្ត

ប្រភព ៖ Taiwan News

ចុចអាន ៖ រយៈពេល ៤ ថ្ងៃប៉ុណ្ណោះ ជើងហោះហើររបស់ ហុងកុង រងការគំរាមបំផ្ទុះគ្រាប់បែកដល់ទៅ ២ លើក

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៣៩ នាទី មុន

គ្រែ​ពេទ្យ​សម្រាក​ព្យាបាល​អ្នក​ជំងឺ​ចំនួន​៦គ្រឿង​ តម្លៃ​ស្មើ​ជាង​៦.០០០​ដុល្លារ​របស់​ក្រុមហ៊ុន​កាស៊ីណូ ដាយ​មិ​ន​ស៊ី​ធី ធ្វើការ​ឧបត្ថម្ភ​ដល់​អង្គភាព​អាវុធហត្ថ

ព័ត៌មានជាតិ១ ម៉ោង មុន

រដ្ឋបាល​រាជធានី​នឹងធ្វើ​ការ​បិទ​ចរាចរ​លើ​កំណាត់​ផ្លូវ​មួយ​ចំនួន​នៅ​ក្បែរ​ការដ្ឋាន​សាងសង់​ស្ពាន​អាកាស​ថ្មើរជើង​សន្ធរម៉ុក ចាប់ពី​យប់​ថ្ងៃ​ទី​២៩ ដល់​យប់​ថ្ងៃទី​០២ ខែវិច្ឆិកា​

ព័ត៌មានជាតិ១ ម៉ោង មុន

អាជ្ញាធរ​មូលដ្ឋាន​ត្រូវ​រក្សា​គុណបំណាច់​និង​ភាព​ថ្លៃថ្នូរ​ក្នុងនាម​ឪពុក​ម្តាយ​ល្អ​របស់​ប្រជាពលរដ្ឋ

ចរាចរណ៍២ ម៉ោង មុន

ស្គាល់​អត្តសញ្ញាណ ជនរងគ្រោះ​ ៥ នាក់​ស្លាប់​​ដោយ​គ្រោះថ្នាក់​ចរាចរណ៍

ព័ត៌មានជាតិ២ ម៉ោង មុន

រដ្ឋបាលរាជធានី ប្រកាសបិទចរាចរណ៍ កំណាត់ផ្លូវមួយចំនួន ក្បែរ ការដ្ឋានសង់ស្ពានអាកាស ថ្មើរជើង​សន្ធម៉ុក

Sokha Hotels

ព័ត៌មានពេញនិយម

Helistar Cambodia - Helicopter Charter Services