ព័ត៌មានអន្ដរជាតិ

បារាំងថា កិច្ចព្រមព្រៀងការពារជាតិអាមេរិក អង់គ្លេស និងអូស្ត្រាលីដូចចាក់ពីក្រោយខ្នង

បានផុស

៣ years មុន

នៅ

ថ្ងៃសុក្រ ១៧ កញ្ញា ២០២១

ដោយ

សហរដ្ឋអាមេរិក និងចក្រភពអង់គ្លេសកំពុងប្រឈមនឹងការរិះគន់កើនឡើងពីអន្តរជាតិជុំវិញកិច្ចព្រមព្រៀងសន្តិសុខថ្មីដែលបានចុះហត្ថលេខាជាមួយប្រទេសអូស្ត្រាលី។

កិច្ចព្រមព្រៀងដែលត្រូវបានគេមើលឃើញថាជាការប្រឹងប្រែងដើម្បីទប់ទល់នឹងប្រទេសចិន នឹងមើលឃើញពីអាមេរិក និងអង់គ្លេសផ្តល់ឲ្យប្រទេសអូស្ត្រាលីនូវបច្ចេកវិទ្យាដើម្បីកសាងនាវាមុជទឹកថាមពលនុយក្លេអ៊ែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប៉ុន្តែទង្វើនេះបានធ្វើឲ្យប្រទេសបារាំងខឹងសម្បារ ដែលបាននិយាយថា វាដូចជាចាក់ពីក្រោយខ្នង ខណៈប្រទេសចិនបានចោទប្រទេសទាំង៣ពីបទធ្វើឲ្យកើតមានគំនិតសង្គ្រាមត្រជាក់។

ហើយកិច្ចព្រមព្រៀងនេះបានបង្កើនការភ័យខ្លាចដែលអាចបង្កឲ្យប្រទេសចិនធ្លាក់ចូលទៅក្នុងសង្គ្រាម។

សម្ព័ន្ធមិត្តដែលគេស្គាល់ថា Aukus ត្រូវបានប្រកាសដោយលោកប្រធានាធិបតីអាមេរិក ចូ បៃដិន លោកនាយករដ្ឋមន្ត្រីអង់គ្លេស Boris Johnson និងសមភាគីអូស្ត្រាលីលោកនារដ្ឋមន្ត្រី Scott Morrison កាលពីថ្ងៃពុធ។

ទោះជាមេដឹកនាំទាំងបីមិនបានលើកឡើងពីប្រទេសចិន ក៏សម្ព័ន្ធមិត្ត Aukus ត្រូវបានគេយល់យ៉ាងច្បាស់ថាជាការប្រឹងប្រែងដើម្បីប្រឆាំងនឹងឥទ្ធិពលរបស់ក្រុងប៉េកាំងនៅក្នុងជម្លោះសមុទ្រចិនខាងត្បូង។

ក្រោយមកលោក Johnson បានប្រាប់សមាជិកសភាថា កិច្ចព្រមព្រៀងនេះមិនមានបំណងប្រឆាំងនឹងចិនទេ។

ប៉ុន្តែលោកនាយករដ្ឋមន្ត្រីត្រូវបានអ្នកកាន់តំណែងមុនលោកស្រី Theresa May សួរថាតើកិច្ចព្រមព្រៀងនេះអាចនាំឲ្យចក្រភពអង់គ្លេសត្រូវបានអូសចូលទៅក្នុងសង្គ្រាមជាមួយចិន។

លោក Johnson បានឆ្លើយថា ៖«ចក្រភពអង់គ្លេសនៅតែបន្តប្តេជ្ញាការពារច្បាប់អន្តរជាតិ និងថា នោះគឺជាដំបូន្មានដ៏ខ្លាំងដែលយើងគួរផ្តល់ទៅមិត្តរបស់យើងទូទាំងពិភពលោក ហើយជាដំបូន្មានដ៏ខ្លាំងដែលយើងផ្តល់ទៅរដ្ឋាភិបាលក្រុងប៉េកាំង»។

ទន្ទឹមជាមួយគ្នានេះ ទីក្រុងវ៉ាស៊ីនតោនបានស្វែងរកការលុបបំបាត់កំហឹងនៅទីក្រុងប៉ារីសអំពីកិច្ចព្រមព្រៀងដែលបានចុះកិច្ចព្រមព្រៀងទិញនាវាមុខទឹករាប់សិបលានដុល្លារដែលបារាំងបានចុះហត្ថលេខាជាមួយអូស្ត្រាលី។ រដ្ឋមន្ត្រីក្រសួងការបរទេសបារាំងលោក Jean-Yves Le Drian បានហៅកិច្ចព្រមព្រៀងនេះថាជា«ការចាក់ពីក្រោយខ្នង»។

លោកបានហៅកិច្ចព្រមព្រៀងនេះថាជាការសម្រេចចិត្តដ៏ឃោឃៅ និងមិននឹកស្មានដល់ដែលបានរំលឹកលោកដល់អតីតប្រធានាធិបតី ដូណាល់ ត្រាំ។

ជាមួយគ្នានេះ មន្ត្រីបារាំងនៅអាមេរិកបានលុបចោលគម្រោងពិធីជួបជុំមួយសម្រាប់អបអរសាទរទំនាក់ទំនងរវាងអាមេរិក និងបារាំងដើម្បីជាការសងសឹក។

ប្រទេសចិនបានចោទប្រកាន់សម្ព័ន្ធមិត្តពីបទបង្កើតឲ្យមានគំនិតសង្គ្រាមត្រជាក់ដែលប៉ះពាល់ដល់ផលប្រយោជន៍ផ្ទាល់ខ្លួនរបស់ពួកគេ។

កាសែត Global Times គ្រប់គ្រងដោយរដ្ឋចិនបានព្រមានពីការប្រកួតប្រជែងពីសព្វាវុធសម្រាប់នាវាមុជទឹកនុយក្លេអ៊ែរ និងបន្ថែមថា ទាហានអូស្ត្រាលីទំនងជាស្លាប់មុនគេពីការវាយប្រហាររបស់ចិន៕

ប្រែសម្រួល៖ វីរបុត្រ
ប្រភព៖ BBC

Related Topics:ប្រទេសបារាំង