Connect with us

ព័ត៌មានអន្ដរជាតិ

វ៉ាក់សាំងកូវីដគ្រប់ដូស បានការពារអ្នកជំងឺបេះដូងនិងសួត ពីការស្លាប់ដល់ទៅ ៩០ ភាគរយ

បានផុស

នៅ

សមាគម​គ្រូពេទ្យវះកាត់បេះដូងនៅប្រទេសថៃ ផ្ដល់​អនុសាសន៍​ដល់​អ្នក​ជំងឺ​បេះដូង​និង​សួត ​គួរ​តែ​ពន្លឿន​ការ​ចាក់​វ៉ាក់សាំងកូវីដ ១៩ បន្ទាប់ពីស្ថិតិស្រាវជ្រាវបញ្ជាក់​ជា​ផ្លូវការ​ថា វ៉ាក់សាំង​អាច​ការពារពីការឆ្លងជំងឺកូវីដ ពី ៥០-៨០ ភាគរយ ​និង​ជួយការពារ​មិន​ឲ្យឈឺ​ធ្ងន់ ​​ឬ​ផុត​ពី​ការ​ស្លាប់​រហូត​ដល់ ៩០ ភាគរយ និង​មាន​អត្រា​ហានិភ័យ​ត្រឹមតែ ០.០០២ ភាគរយ​ប៉ុណ្ណោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វេជ្ជបណ្ឌិត Penachani Chatmans មកពីមន្ទីពេទ្យ Thoracic Surgeon Rajavithi មាន​ប្រសាសន៍​ថា​ ចំពេលដែលមានកិច្ចខិតខំប្រឹងប្រែងក្នុងការប្រយុទ្ធប្រឆាំងនឹងជំងឺកូវីដ អង្គការ​សុខភាព​ពិភពលោក (WHO) និងអង្គការសុខភាព​សាធារណៈ​នៅ​ជុំវិញ​ពិភពលោក ​បាន​ឯកភាព​ថា វិធី​ល្អបំផុតដើម្បី​ដោះស្រាយ​ការរីករាលដាលនៃជំងឺកូវីដ គឺ​ពន្លឿន​ប្រជាជនឲ្យទៅទទួល​បាន​វ៉ាក់សាំង​យ៉ាងហោចណាស់ ៧០ភាគរយ ​ដើម្បី​បង្កើត​ភាព​ស៊ាំ​ក្នុង​ក្រុម ​ឬ​នៅ​ក្នុង​តំបន់​នីមួយៗ។

អង្គការសុខភាព​សាធារណៈថៃ ក៏​បានពន្លឿន​ការចាក់​ថ្នាំបង្ការ​ឲ្យ​បាន​ឆាប់តាម​ដែល​អាច​ធ្វើ​ទៅ​បាន ជាពិសេសជាមួយក្រុមដែល​មានហានិភ័យខ្ពស់ ដូចជា ​បុគ្គលិកពេទ្យជួរមុខ ក្រុម​មនុស្ស​ចាស់​អាយុ ៦០ ឆ្នាំឡើងទៅ រួមទាំង​អ្នកជំងឺដែល​មានក្រុមហានិភ័យចំនួន ៧ ដើម្បី​បង្កើត​អង់ទីគ័រ​ និង​កាត់បន្ថយភាពធ្ងន់ធ្ងរ​​ឲ្យ​តិចបំផុត។

ជាទូទៅក្រុមមនុស្សក្រុមដែលមានហានិភ័យខ្ពស់ដូចជា អ្នកជំងឺបេះដូង ជំងឺសរសៃឈាមបេះដូង និងជំងឺ​សួត ជំងឺផ្លូវ​ដង្ហើម​រ៉ាំរ៉ៃ ក្នុងចំណោមជំងឺដែល​មានហានិភ័យខ្ពស់​ទាំង ៧ តែងព្រួយបារម្ភអំពីហានិភ័យ នៃផល​ប៉ះពាល់ពី​វ៉ាក់សាំង​ដែល​អាច​ប៉ះពាល់​ដល់​ជំងឺ​មូលដ្ឋាន​ដែល​​មាន។ ប៉ុន្តែ​ការពិតទៅ អ្នកជំងឺដែលមានជំងឺទ្រូង (បេះដូង​និង​សួត) គឺ​ជា​អ្នក​ជំងឺ​ដែល​មាន​ហានិភ័យ​ខ្ពស់​បំផុត ហើយត្រូវតែ​ចាក់វ៉ាក់សាំង​ប្រឆាំងកូវីដ ឲ្យ​បាន​ឆាប់​តាម​ដែល​អាច​ធ្វើ​ទៅ​បាន។ ព្រោះប្រសិនបើអ្នក​ជំងឺ​បេះដូងនិងសួត​បានឆ្លងកូវីដ ​នោះការ​បង្ករោគនឹងរាលដាលដល់សួតជាខ្លាំង។ លើសពីនេះ ក៏​​ពិបាក​ព្យាបាល​ដល់ទៅ ១០ដង ច្រើន​ជាង​មនុស្ស​ធម្មតា​ទៅទៀត ហើយវាក៏មានហានិភ័យខ្ពស់នៃការបាត់បង់ជីវិតផងដែរ៕

ប្រែសម្រួល៖ សាង ស្រីល័ក្ខ

ប្រភព៖Sanook

ចុចអាន៖អ្នកមានជំងឺ៧មុខនេះត្រូវចាក់វ៉ាក់សាំងកូវីដដាច់ខាត ព្រោះបើឆ្លងហើយ គ្រោះថ្នាក់ដល់ជីវិត

ចុចអាន៖ចំណុចសំខាន់ៗ ឪពុកម្ដាយត្រូវដឹង មុននាំកូនអាយុ ៦-១២ ឆ្នាំ ទៅចាក់វ៉ាក់សាំង Sinovac 

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា៦ ថ្ងៃ មុន

ឈ្នះខ្សែក្រវាត់ថ្ងៃជាមួយ​ ឈឿង ល្វៃ កីឡាករ Erdene ក៏មានរថយន្តទទួល

ព័ត៌មានជាតិ៥ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

សន្តិសុខសង្គម៧ ថ្ងៃ មុន

ដកហូតមុខតំណែង មេបញ្ជាការរងស្រុកស្វាយជ្រុំ​៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ

ព័ត៌មានជាតិ៥ ថ្ងៃ មុន

ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល

ព័ត៌មានអន្ដរជាតិ៤ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

Sokha Hotels

ព័ត៌មានពេញនិយម