ព័ត៌មានអន្ដរជាតិ
ត្រាំ ប្រកាសថា នឹងធ្វើទស្សនកិច្ចប្រទេសចិន
ប្រធានាធិបតីអាមេរិក ដូណាល់ ត្រាំ បានប្រកាសថា លោកនឹងធ្វើទស្សនកិច្ចប្រទេសចិន ប៉ុន្តែមិនទាន់បង្ហាញពីពេលវេលានោះទេ។ នេះបើតាមការចុះផ្សាយរបស់ BBC។

លោកត្រាំប្រកាសបែបនេះនៅលើបណ្តាញសង្គម Truth Social កាលពីថ្ងៃព្រហស្បតិ៍ទី៥ខែមិថុនាឆ្នាំ២០២៥ បន្ទាប់ពីសន្ទនាតាមទូរស័ព្ទរយៈពេល៩០នាទី ជាមួយប្រធានាធិបតីចិន ស៊ី ជីនពីង។
លោកត្រាំសរសេរថា ការជជែកគ្នានោះ គឺផ្តោតជាចម្បងលើបញ្ហាពាណិជ្ជកម្ម ហើយបានសម្រេចលទ្ធផលវិជ្ជមានសម្រាប់ប្រទេសទាំងពីរ។ នោះគឺជាការសន្ទនាដ៏ល្អក្រៃលែង។
ទន្ទឹមនោះ យោងតាមទីភ្នាក់ងារសារព័ត៌មានរដ្ឋចិន Xinhua, លោកស៊ី បានប្រាប់លោកត្រាំថា សហរដ្ឋអាមេរិកគួរតែដកវិធានការអវិជ្ជមានដែលខ្លួនបានធ្វើប្រឆាំងនឹងប្រទេសចិន ចេញវិញ។

មេដឹកនាំចិនក៏ប្រាប់ប្រមុខសេតវិមានផងដែរថា ចិនតែងតែរក្សាសន្យារបស់ខ្លួន ហើយចាប់តាំងពីការឯកភាពគ្នាលើកិច្ចព្រមព្រៀងនៅទីក្រុងហ្សឺណែវនាពេលថ្មីៗនេះមក ភាគីទាំងពីរគួរតែគោរពតាម។
សូមជម្រាបថា កិច្ចសន្ទនាតាមទូរស័ព្ទកាលពីថ្ងៃព្រហស្បតិ៍ គឺជាការសន្ទនាដោយផ្ទាល់លើកដំបូងរវាងមេដឹកនាំទាំងពីរ ចាប់តាំងពីលោកត្រាំ វិលត្រឡប់មកកាន់តំណែងជាប្រធានាធិបតីអាមេរិកអាណត្តិទី២ ហើយមានគោលបំណងធ្វើឲ្យទំនាក់ទំនងចុះត្រជាក់ បន្ទាប់ពីលោកត្រាំ បញ្ឆេះជម្លោះពាណិជ្ជកម្មជាមួយចិនកាលពីដើមឆ្នាំនេះ។
លោក ត្រាំ បានបំពេញទស្សនកិច្ចផ្លូវរដ្ឋចុងក្រោយទៅកាន់ទីក្រុងប៉េកាំងក្នុងខែវិច្ឆិកាឆ្នាំ២០១៧ ចំណែកលោកស៊ី ធ្វើដំណើរលើកចុងក្រោយទៅកាន់សហរដ្ឋអាមេរិកក្នុងខែវិច្ឆិកាឆ្នាំ២០២៣ សម្រាប់កិច្ចប្រជុំកំពូលពាណិជ្ជកម្ម៕
អត្ថបទ៖ សុខ សុវណ្ណ
ចុចអាន៖ ត្រាំ ចុះហត្ថលេខា ហាមពលរដ្ឋ១២ប្រទេស មិនឲ្យចូលទឹកដី អាមេរិក

-
ព័ត៌មានអន្ដរជាតិ៦ ថ្ងៃ ago
ពលរដ្ឋថៃ នៅជាប់ព្រំដែនមីយ៉ាន់ម៉ា កំពុងត្រៀមខ្លួនសម្រាប់ភាពអាសន្ន
-
ព័ត៌មានជាតិ១ សប្តាហ៍ ago
រុស្ស៊ីនឹងបញ្ជូនប្រតិភូកងការពារដែនអាកាសមកបង្កើតកិច្ចសហប្រតិបត្តិការជាមួយកម្ពុជា
-
ព័ត៌មានអន្ដរជាតិ៤ ថ្ងៃ ago
ថៃ អះអាងថា ជនកំសាកដែលលួចវាយទាហានកម្ពុជា គឺជាទេសចរ ប៉ុណ្ណោះ
-
ព័ត៌មានជាតិ៤ ថ្ងៃ ago
កម្ពុជា រងឥទ្ធិពលពីព្យុះមួយទៀត គឺជាព្យុះទី៥ ឈ្មោះ ណារី (Nari)
-
បច្ចេកវិទ្យា២ ថ្ងៃ ago
OPPO Reno14 Series 5G សម្ពោធផ្លូវការហើយ ជាមួយស្ទីលរចនាបថកន្ទុយទេពមច្ឆា និងមុខងារ AI សំខាន់ៗ
-
ព័ត៌មានអន្ដរជាតិ២ ថ្ងៃ ago
រដ្ឋមន្ត្រីក្រសួងថាមពលថៃ ប្រាប់ពលរដ្ឋកុំជ្រួលច្របល់ បើសង្គ្រាមផ្ទុះឡើង អ្នកខាតធំគឺខ្លួនឯង
-
ព័ត៌មានជាតិ១ សប្តាហ៍ ago
ព្យុះទី៣ និងទី៤ អស់ឥទ្ធិពល តែកម្ពុជានៅតែមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់
-
ព័ត៌មានអន្ដរជាតិ៤ ថ្ងៃ ago
«នាយករដ្ឋមន្ត្រី៣នាក់ក្នុងពេល៣ថ្ងៃ» ជារឿងដែលមួយពិភពលោក មិនអាចធ្វើបានដូចថៃ