សុខភាព

គ្រូពេទ្យឯកទេសជំងឺបេះដូង ជំរុញឲ្យមាតាបិតា យកទារក និង កុមារ មកពិនិត្យអេកូរកជំងឺបេះដូងពីកំណើត

បានផុស

៣ years មុន

នៅ

ថ្ងៃចន្ទ ១០ កក្កដា ២០២៣

ដោយ

គ្រូពេទ្យឯកទេសជំងឺបេះដូងនៅមន្ទីរពេទ្យព្រះអង្គឌួង បានជំរុញឲ្យមាតាបិតាយកទារក និងកុមារ មកពិនិត្យអេកូរកជំងឺបេះដូងពីកំណើត ដើម្បីអាចព្យាបាលទារក ឬ កុមារ ឲ្យបានទាន់ពេលវេលា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមគ្រូពេទ្យឯកទេសជំងឺបេះដូង បានពន្យល់ថា ការពិនិត្យអេកូបេះដូងទារកក្រោយកើត ឬ កុមារ ជាវិធីស្វែងរកលក្ខណៈទូទៅ ដែលមានលទ្ធផលខ្ពស់ ក្នុងការរកឃើញជំងឺបេះដូងពីកំណើត និងអាចព្យាបាលទារក ឬ កុមារ បានទាន់ពេលវេលា។ មួយវិញទៀត ការធ្វើអេកូបេះដូងលើទារក និង កុមារ ជាបច្ចេកទេសងាយ និងមិនមានការឈឺចាប់ ប៉ុន្តែតម្រូវឲ្យប្រើពេលវេលា និងត្រូវធ្វើជាមួយគ្រូពេទ្យឯកទេសផ្នែកបេះដូង។

គ្រូពេទ្យឯកទេសជំងឺបេះដូង បានមានប្រសាសន៍ថា ភាពមិនប្រក្រតីរបស់បេះដូងមាន ២ កម្រិត ដោយ ទី១-កម្រិតស្រាល គឺ មិនមានបញ្ហាទៅដល់ការលូតលាស់របស់ទារក និងកុមារ ដែលប្រភេទនេះមានចំនួនច្រើន ហើយខ្លះទៀតអាចវិវត្តទៅជាសះស្បើយដោយខ្លួនឯង ឬ បន្ទាប់ពីវះកាត់។ បើក្នុងករណីគ្រូពេទ្យរកឃើញថា ទារក ឬ កុមារ មានបញ្ហាបេះដូងពីកំណើតកម្រិតស្រាល គ្រូពេទ្យបន្តធ្វើការតាមដានក្នុងរយៈពេល ១ ខែ ទៅ ៦ ខែ ទៅតាមសភាពជាក់ស្ដែង។ ចំណែកទារក ឬ កុមារ មានជំងឺបេះដូងកម្រិតធ្ងន់ គឺ ទាមទារការព្យាបាលដោយការប្រើថ្នាំ ឬ ដោយការវះកាត់ព្យាបាលជាមួយបច្ចេកវិទ្យាទំនើបថ្មីៗ នាពេលបច្ចុប្បន្ននេះ ឲ្យបានទាន់ពេលវេលា។