បណ្តុំវីដេអូស្តែងៗ នៃការបាញ់ប្រហារក្នុងសាកលវិទ្យាល័យ រុស្ស៊ី កាលពីម្សិលមិញ

មនុស្សចំនួន៨នាក់បានស្លាប់ និងយ៉ាងតិច ៣២ នាក់រងរបួស នៅក្នុងការសម្លាប់រង្គាល ដែលបង្កឡើងដោយខ្មាន់កាំភ្លើងវ័យក្មេង នៅសាកលវិទ្យាល័យមួយក្នុងប្រទេស រុស្ស៊ី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

និស្សិតដែលមានការភ័យខ្លាច ត្រូវបានគេឃើញលោតចុះតាមបង្អួចនៅពេលខ្មាន់កាំភ្លើងឈ្មោះ Timur Bekmansurov អាយុ១៨ឆ្នាំ បានបើកការវាយប្រហារនៅសាកលវិទ្យាល័យ Perm State ក្នុងតំបន់ជួរភ្នំ Ural នៃប្រទេសរុស្ស៊ី។

នៅក្នុងវីដេអូដ៏គួរឲ្យរន្ធត់ ខ្មាន់កាំភ្លើងរូបនេះ ត្រូវបានគេឃើញ ដើរតាមបរិវេណសាលាដោយកាន់កាំភ្លើងបរបាញ់ ខណៈស្លៀកពាក់ឈុតពណ៌ខ្មៅ។

ការវាយប្រហារបានបញ្ចប់ នៅពេលប៉ូលិសបាញ់ទៅលើគាត់។ របាយការណ៍ខ្លះលើកឡើងថា គាត់បានស្លាប់ប៉ុន្តែខ្លះទៀតនិយាយថា គាត់កំពុងស្ថិតក្នុងស្ថានភាពធ្ងន់ធ្ងរនៅមន្ទីរពេទ្យ។

ខ្មាន់កាំភ្លើងរូបនេះ ត្រូវបានកំណត់អត្តសញ្ញាណថាជានិស្សិតនៅសាកលវិទ្យាល័យ ហើយ ទទួលបានកាំភ្លើងបរបាញ់កាលពីខែឧសភា។

មានការអះអាងថា សកម្មភាពរបស់គាត់មិនពាក់ព័ន្ធនឹងនយោបាយឬសាសនាទេ ប៉ុន្តែត្រូវបានជំរុញដោយភាពស្អប់ខ្ពើម។

គួរបញ្ជាក់ថា​ នេះគឺជាការបាញ់ប្រហារលើកទី ២ នៅឯទីតាំងអប់រំ ក្នុងប្រទេសរុស្ស៊ីនៅឆ្នាំនេះ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Daily Mail

ចុចអាន៖ ផ្អើលពេញសាកលវិទ្យាល័យនៅ រុស្ស៊ី ក្រោយខ្មាន់កំភ្លើងដើរចូលបាញ់រះ ស្លាប់ ៨ នាក់