ព័ត៌មានអន្ដរជាតិ

ផ្ទុះការបាញ់ប្រហារជិត១០គ្រាប់ នៅស្ពាន Phra Pok Klao ក្នុងទីក្រុងបាងកក

បានផុស

៩ ខែ មុន

នៅ

ថ្ងៃសៅរ៍ ៤ តុលា ២០២៥

ដោយ

ផ្ទុះការប្រហារយ៉ាងសាហាវនៅស្ពាន Phra Pok Klao ក្នុងទីក្រុងបាងកក ប្រទេសថៃទាំងកណ្ដាលអាធ្រាត្របណ្តាលឱ្យយុវជនពីរនាក់រងរបួស បន្ទាប់ពីជនប្រដាប់អាវុធមួយក្រុមបានបាញ់ប្រហារលើក្មេងជំទង់ដែលអង្គុយនៅមាត់ទន្លេចៅប្រាយ៉ា។ នេះបើយោងតាមការចេញផ្សាយរបស់សារព័ត៌មាន Khaosod នៅថ្ងៃទី០៤ខែតុលា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមប៉ូលិសថៃ ហេតុការណ៍បាញ់ប្រហារនេះ បានកើតឡើងនៅវេលាម៉ោង១រំលងអាធ្រាត្រ ឈានចូលថ្ងៃទី៤ ខែតុលា ដោយមានជនសង្ស័យមួយក្រុមមានគ្នា៦-៧នាក់ ជិះម៉ូតូមកឈប់នៅលើស្ពាន ហើយបានបាញ់ជាង១០គ្រាប់ សំដៅទៅក្រុមមិត្តភ័ក្តិដែលប្រមូលផ្តុំនៅខាងក្រោម។

ជនរងគ្រោះទាំង២នាក់ មានអាយុប្រហែល២០ឆ្នាំ ម្នាក់ត្រូវគ្រាប់ចំកំភួនជើងខាងស្តាំ និងម្នាក់ទៀតត្រូវជង្គង់ខាងឆ្វេង ហើយត្រូវបានក្រុមសង្គ្រោះដឹកបញ្ជូនទៅកាន់មន្ទីរពេទ្យ។ សាក្សីបានរាយការណ៍ថា ក្រោយការវាយប្រហារ ខ្មាន់កាំភ្លើងបានស្រែកថា «តើអ្នកចង់បានទៀតទេ?»។ មុននឹងភៀសខ្លួនចេញពីកន្លែង។

មន្ត្រីប៉ូលិសបានបិទតំបន់នោះ ប្រមូលសំបកគ្រាប់កាំភ្លើងជាច្រើនគ្រាប់ទុកជាភស្តុតាង និងកំពុងពិនិត្យមើល វីដេអូ CCTV ខណៈដែលក្រុមស៊ើបអង្កេតកំពុងធ្វើការតាមដានជនសង្ស័យ។

អាជ្ញាធរថៃបាននិយាយថា ការវាយប្រហារនេះបានបន្ថែមការព្រួយបារម្ភកាន់តែខ្លាំងឡើងចំពោះអំពើហិង្សារបស់យុវជន និងការប្រើប្រាស់កាំភ្លើងនៅក្នុងទីក្រុងបាងកក ប្រទេសថៃ៕