ព័ត៌មានអន្ដរជាតិ
ក្មេងទំនើងចូលបាញ់សម្លាប់ក្មេងទំនើងដូចគ្នាដល់បន្ទប់តុលាការឥណ្ឌា
ជើងកាងដ៏ល្បីល្បាញបំផុតម្នាក់នៅប្រទេសឥណ្ឌាត្រូវបានបាញ់សម្លាប់នៅក្នុងបន្ទប់តុលាការទីក្រុងដេលី បន្ទាប់ពីមានក្រុមបងធំផ្សេងទៀតលាក់ខ្លួននៅក្នុងសម្លៀកបំពាក់ឈុតធំរបស់មេធាវី និងបានបើកការបាញ់សម្លាប់តែម្តង។
យោងតាមប៉ូលិសបានឲ្យដឹងថា ការបាញ់សម្លាប់បានកើតឡើងនៅពេលបុរសឈ្មោះ Jitendra Maan ហៅ Gogi ជាបុគ្គលដែលប៉ូលិសក្រុងដេលីតាមចាប់ខ្លួនបំផុតបានចូលទៅក្នុងបន្ទប់តុលាការដើម្បីប្រឈមនឹងបទចោទប្រកាន់ពីឃាតកម្ម និងចាប់ជំរិតទារប្រាក់។ នៅពេលនោះប៉ូលិសបានបាញ់តបវិញនិងបានសម្លាប់ខ្មាន់កាំភ្លើងពីរនាក់។
ប៉ូលិសបានឲ្យដឹងថា បុរសឈ្មោះ Gogi អាយុ៣០ឆ្នាំបានបង្កើតក្រុមក្មេងទំនើងឈ្មោះ Jitendra Gogi ដែលជាប់ពាក់ព័ន្ធនឹងករណីជាច្រើនរួមមានឃាតកម្ម ចាប់ជំរិត ជំរិតទារប្រាក់ និងរំលោភដីធ្លី។ រយៈពេលជាច្រើនឆ្នាំ គាត់មានជម្លោះជាមួយក្រុមបងធំឈ្មោះ Tillu Gang ដែលជាគូប្រជែងក្នុងការបង្កឲ្យមានអំពើឃាតកម្មជាច្រើន។
ឧបទ្ទវហេតុនេះបានបង្កការព្រួយបារម្ភយ៉ាងខ្លាំងអំពីសុវត្ថិភាពនៅតុលាការក្រុងដេលីដោយមានមនុស្សជាច្រើនចោទជាសំនួរថា តើបុរសទំនើងទាំងនោះចូលទៅក្នុងបរិវេណតុលាការ Rohini និងមានអាវុធជាប់ខ្លួនដោយរបៀបណា។
លោកមេធាវី Satyanarayan Sharma បានប្រាប់ថា ករណីជាច្រើនកំពុងបើកសវនាការដោយមានការរឹតបន្តឹងខ្លាំងដើម្បីទប់ស្កាត់កូវីដ-១៩ និងមានមនុស្សតិចតួចប៉ុណ្ណោះត្រូវបានអនុញ្ញាតឲ្យចូលក្នុងបន្ទប់តុលាការនៅពេលកើតមានឧបទ្ទវហេតុបាញ់សម្លាប់នោះ។
លោក Sharma ដែលបានកំពុងមានវត្តមាននៅតុលាការនោះសម្រាប់រឿងក្តីផ្សេងទៀតបានអំពាវនាវឲ្យមានការស៊ើបអង្កេតជុំវិញហេតុការនេះ៕
ប្រែសម្រួល៖ វីរបុត្រ
ប្រភព៖ theguardian
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត