ព័ត៌មានអន្ដរជាតិ
អ្នកក្រុង ហូជីមិញ មានសេរីភាពដើរហើរវិញហើយ ក្រោយរស់នៅក្នុងការ បិទខ្ទប់រយៈពេល ៣ ខែ
ប្រទេសវៀតណាមនឹងដកការបិទខ្ទប់ទីក្រុងធំបំផុតរបស់ខ្លួននៅថ្ងៃសុក្រនេះ ដោយបញ្ចប់ការរឹតត្បិតជិត ៣ ខែលើការធ្វើដំណើរដើម្បីទប់ស្កាត់ការកើនឡើងនៃករណីឆ្លងជំងឺកូវីដ ១៩ ។
ប្រជាជន ១០ លាននាក់នៅទីក្រុងហូជីមិញ នឹងអាចចាកចេញពីផ្ទះរបស់ពួកគេ ភោជនីយដ្ឋានអាចបម្រើអាហារ ឬដឹកជញ្ជូនទៅដល់ផ្ទះ ហើយអាជីវកម្មសំខាន់ៗផ្សេងទៀតក៏អាចបើកវិញបានដែរ ។
ទោះយ៉ាងណាបទបញ្ជារក្សាគម្លាតសង្គមនឹងនៅតែត្រូវបានអនុវត្ត ខណៈសាលារៀនត្រូវបានបិទ ការដឹកជញ្ជូនសាធារណៈនៅតែត្រូវបានផ្អាក ការធ្វើដំណើរក្នុង និងក្រៅទីក្រុងនឹងត្រូវបានគ្រប់គ្រង ហើយការជួបជុំសាធារណៈដែលមានមនុស្សលើសពី ១០ នាក់នៅខាងក្រៅត្រូវបានហាមឃាត់ ។
ទន្ទឹមនោះអាជ្ញាធរបាននិយាយថា ប្រជាជនដែលមានបំណងចង់ចូលរួមសកម្មភាពសង្គម នឹងត្រូវបង្ហាញភស្តុតាងនៃការចាក់វ៉ាក់សាំងដើម្បីអនុញ្ញាតឲ្យចូលក្នុងគ្រឹះស្ថានណាមួយ ។
គួរបញ្ជាក់ថា ទីក្រុងហូជីមិញរួមជាមួយខេត្តភាគខាងត្បូងចំនួន ១៨ ទៀតត្រូវបានបិទខ្ទប់នៅពាក់កណ្តាលខែកក្កដា នៅពេលដែលករណីឆ្លងបានចាប់ផ្តើមផ្ទុះឡើង ។
បើយោងតាមក្រសួងសុខាភិបាលបានឲ្យដឹងថា ក្នុងរយៈពេល ៣ ខែចុងក្រោយនេះ វីរុសបំប្លែងខ្លួនឥណ្ឌា Delta បានឆ្លងដល់មនុស្សចំនួន ៧៧ ម៉ឺននាក់ និងបានសម្លាប់មនុស្សយ៉ាងតិច ១៩,០០០ នាក់ ខណៈភាគច្រើននៃការស្លាប់ដោយសារជំងឺកូវីដ ១៩ របស់វៀតណាមបានកើតឡើងនៅក្នុងរលកថ្មីចាប់តាំងពីខែមេសា ហើយភាគច្រើននៃករណីទាំងនោះកើតឡើងនៅក្នុងទីក្រុងហូជីមិញ ។
ស្របពេលជាមួយគ្នានេះ ការប្រកាសដកការបិទខ្ទប់ទីក្រុងហូជីមិញកើតឡើង ស្របពេលដែលក្រសួងសុខាភិបាលនិយាយថា ៩៨.៥ ភាគរយនៃមនុស្សពេញវ័យនៅក្នុងទីក្រុង ទទួលការចាក់វ៉ាក់សាំងការពារកូវីដ ហើយ ៤៨ ភាគរយនៃពួកគេបានចាក់ពេញ ២ ដូស ៕
ប្រែសម្រួលដោយ ៖ ជីវ័ន្ត
ប្រភព ៖ Al Jazeera
ចុចអាន ៖ ទីក្រុង ហូជីមិញ ផ្អាកចាក់វ៉ាក់សាំង Pfizer ក្រោយមានអ្នកស្លាប់
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍៥ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ២ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore