ព័ត៌មានអន្ដរជាតិ
ជប៉ុន បញ្ជាក់មូលហេតុ មានសារធាតុកខ្វក់ក្នុងដបវ៉ាក់សាំង ចាក់ហើយមនុស្សស្លាប់
ក្រុមហ៊ុន Takeda Pharmaceutical របស់ប្រទេសជប៉ុនបាននិយាយនៅថ្ងៃសុក្រទី១ខែតុលានេះថា “កំហុសរបស់មនុស្ស” បានបណ្តាលឲ្យសារធាតុកខ្វក់ ធ្លាក់ចូលទៅក្នុងដបវ៉ាក់សាំង Moderna។
ក្រុមហ៊ុន Takeda ដែលនាំចូលនិងចែកចាយវ៉ាក់សាំងនៅប្រទេសជប៉ុន និងក្រុមហ៊ុន Moderna បាននិយាយនៅក្នុងរបាយការណ៍ថ្មីមួយថា ក្រុមហ៊ុននៅអេស្ប៉ាញមួយ បានរកឃើញសារធាតុកខ្វក់នៅក្នុងដបខ្លះ កាលពីខែកក្កដា ប៉ុន្តែការផ្គត់ផ្គង់មកពីផលិតផលដូចគ្នា ត្រូវបានអនុញ្ញាតឲ្យបញ្ជូនទៅប្រទេសជប៉ុន។
អាជ្ញាធរជប៉ុនកាលពីខែសីហា បានផ្អាកការប្រើប្រាស់វ៉ាក់សាំង Moderna ចំនួន ៣ កេសដែលស្មើនឹងចំនួន ១.៦៣ លានដូស បន្ទាប់ពីត្រូវបានគេជូនដំណឹងថា មានផ្ទុកសារធាតុកខ្វក់។
Moderna បានបើកការស៊ើបអង្កេត ដោយសហការជាមួយក្រុមហ៊ុន Takeda និងក្រុមហ៊ុនផលិត Rovi របស់អេស្ប៉ាញ ដែលរោងចក្ររបស់ខ្លួនបានបង្កកំហុសឲ្យមានសារធាតុកខ្វក់នេះ។
របាយការណ៍ថ្មីបាននិយាយថា បញ្ហានេះ ផ្តើមចេញពីការរៀបចំមិនត្រឹមត្រូវ និងបណ្តាលមកពីកំហុសរបស់មនុស្សយ៉ាងជាក់លាក់ពោលគឺរោងចក្របានតម្រូវឲ្យមានគម្លាត ១មីល្លីម៉ែត្ររវាងម៉ាស៊ីនបញ្ជូន និងម៉ាស៊ីនបិទគ្របវ៉ាក់សាំង ប៉ុន្តែបុគ្គលិកមិនបានធ្វើដូចនេះឡើយ។
វ៉ាក់សាំង Moderna សរុបចំនួន ៥ កេសដែលផលិតនៅក្រុមហ៊ុន Rovi ចន្លោះថ្ងៃទី ២៧ ខែមិថុនាដល់ថ្ងៃទី ៣ ខែកក្កដា បានស្ថិតក្រោមការស៊ើបអង្កេត។ ៣ កេសដំបូង ត្រូវបានបញ្ជូនទៅប្រទេសជប៉ុន ហើយប្រមូលមកវិញ បន្ទាប់ពីការរកឃើញភាគល្អិតដែលក្រោយមកត្រូវបានកំណត់ថាជាដែកអ៊ីណុកនៅខាងក្នុងវ៉ាក់សាំង ៣៩ ដប។
ប៉ុន្តែកេសទី ៤ មិនទទួលបានការត្រួតពិនិត្យឡើយ បន្ទាប់ពីការរកឃើញភាគល្អិតនៅថ្ងៃទី ២ ខែកក្កដាហើយកេសទី ៥ ក៏មិនត្រូវបានពិនិត្យដោយក្រុមហ៊ុន Rovi ដែរ។
គួរបញ្ជាក់ថា យោងតាមព័ត៌មានបឋមបានឲ្យដឹងថា ប្រទេសជប៉ុន មានអ្នកស្លាប់ចំនួន៣នាក់ បន្ទាប់ពីចាក់វ៉ាក់សាំង Moderna ដែលផ្ទុកសារធាតុកខ្វក់៕
ប្រែសម្រួល៖ Vann Vann
ប្រភព៖ CNA
ចុចអាន៖ មកស្គាល់ច្បាស់ អំពីវ៉ាក់សាំងកូវីដ Hayat-Vax ដែល វៀតណាម ទើបទទួលបាន
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២៤ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង