លោកយាយវ័យ ១០១ ឆ្នាំនៅរស់រានមានជីវិត បើទោះឆ្លងកូវីដ ៣ ដងក៏ដោយ – Kampuchea Thmey Daily
Connect with us
Helistar Cambodia - Helicopter Charter Services

ព័ត៌មានអន្ដរជាតិ

លោកយាយវ័យ ១០១ ឆ្នាំនៅរស់រានមានជីវិត បើទោះឆ្លងកូវីដ ៣ ដងក៏ដោយ

Published

on

វេជ្ជបណ្ឌិត និងគិលានុបដ្ឋាយិកានៅប្រទេសអ៊ីតាលីមានការភ្ញាក់ផ្អើលយ៉ាងខ្លាំងចំពោះភាពធន់ និងភាពឆាប់ជាសះស្បើយរបស់លោកយាយ Maria Orsingher វ័យ ១០១ ឆ្នាំដែលបានឆ្លងកាត់ជីវិតរស់នៅក្រោមការឆ្លងជំងឺផ្តាសាយអេស្ប៉ាញ សង្គ្រាមលោកលើកទី ២ ហើយបច្ចុប្បន្ននេះក៏នៅរស់រានមានជីវិតក្រោយឆ្លងជំងឺកូវីដ ១៩ ដល់ទៅ ៣ ដង ។

លោកយាយ Maria Orsingher បានធ្វើតេស្តវិជ្ជមានដំបូងអំឡុងពេលរោគរាតត្បាតផ្ទុះឡើងកាលពីខែកុម្ភៈ ។ កូនស្រីរបស់លោកយាយឈ្មោះ Carla បាននិយាយថា “នៅក្នុងខែកុម្ភៈ ម្តាយរបស់ខ្ញុំត្រូវបានបញ្ជូនទៅមន្ទីរពេទ្យនៅទីក្រុង Sondalo ហើយបន្ទាប់មកវេជ្ជបណ្ឌិតនៃមន្ទីរពេទ្យនៅក្រុង Sondalo ជាកន្លែងដែលលោកយាយត្រូវបានគេព្យាបាលបានប្រាប់យើងថា លោកយាយមិនមែនជាមនុស្សចាស់ធម្មតានោះទេដែលឆ្លងវីរុសនេះ លោកយាយកំពុងដកដង្ហើមលើគ្រែតែម្នាក់ឯង ហើយគាត់មិនមានគ្រុនក្ដៅនោះទេ” ។

បន្ទាប់ពីជាសះស្បើយស្ត្រីម្នាក់នេះបានប្រារព្ធពិធីខួបកំណើតគម្រប់ ១០១ ឆ្នាំរបស់គាត់នៅខែកក្កដា ។ ជាអកុសលលោកយាយត្រូវបានបញ្ជូនទៅមន្ទីរពេទ្យដោយមានជំងឺគ្រុនក្តៅកាលពីខែកញ្ញាដែលនៅពេលនោះនាងបានធ្វើតេស្តវិជ្ជមានជំងឺកូវីដ ១៩ ជាលើកទី ២ ហើយបានទទួលការព្យាបាលរយៈពេល ១៨ ថ្ងៃ ។ បុគ្គលិកពេទ្យមានការភ្ញាក់ផ្អើលចំពោះភាពធន់របស់លោកយាយ និងបានប្រាប់ប្រព័ន្ធផ្សព្វផ្សាយក្នុងស្រុកថា ការសម្រាកព្យាបាលនៅមន្ទីរពេទ្យភាគច្រើនគឺមានការប្រុងប្រយ័ត្ន ។

ក្រោយមកជំងឺកូវីដ ១៩ បានឆ្លងមកលោកយាយម្តងទៀត នៅពេលលោកយាយធ្វើតេស្តវិជ្ជមានសាជាថ្មីកាលពីថ្ងៃសុក្រ ។ វាជាការធ្វើតេស្តវិជ្ជមានលើកទីបីសម្រាប់លោកយាយ Orsingher ខណៈបច្ចុប្បន្នលោកយាយមិនមានរោគសញ្ញានោះទេ ។

កើតនៅថ្ងៃទី ២១ ខែកក្កដា ឆ្នាំ ១៩១៩ នៅក្នុងភូមិតូចមួយនៃតំបន់ Gaggio ទីក្រុង Ardenno លោកយាយ Orsingher បានរស់នៅឆ្លងកាត់ភាពចូរចត់ជាច្រើន ហើយអំឡុងពេលរោគរាតត្បាតកូវីដ ១៩ លោកយាយបានធ្វើតេស្តវិជ្ជមានចំនួន ៣ ដង និងអវិជ្ជមានចំនួន ៣ ដងក្នុងរយៈពេល ៩ ខែ ៕

ប្រែសម្រួលដោយ ៖ ជីវ័ន្ត

ប្រភព ៖ RT

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ9 mins ago

លោកជំទាវ​ម៉ែន សំអន ផ្តាំផ្ញើ​ឲ្យ​ក្រុមការងារ​គណៈ​ចលនា​មហាជន ទូទាំង​ប្រទេស​បន្ត​ចុះ​ជួយ​ដោះស្រាយ​ទុក្ខ​លំបាក​ពលរដ្ឋ​ផ្ទាល់

ព័ត៌មានជាតិ22 mins ago

ធនាគារជាតិ​ប្រកាស​ដាក់​ឲ្យ​ដំណើរការ​ជា​ផ្លូវការ​នូវ​«​ប្រព័ន្ធ​រី​ធែ​ល​ផ‍េ​»​ដែល​អាច​ទូទាត់​សាច់ប្រាក់​ដោយ​មិនបាច់​ប្រើ​រូបិយប័ណ្ណ

ព័ត៌មានជាតិ33 mins ago

ខេត្ត​ព្រះសីហនុ​មាន​រោងចក្រ​អគ្គិសនី​ដំណើរការ​ដោយ​ថាមពល​ធ្យូងថ្ម​ចំនួន​៤​រោងចក្រ

ព័ត៌មានជាតិ1 hour ago

តុលា​កា​រប​ញ្ជា​ឲ្យ​នាំខ្លួនលោកស្រី​ឧកញ៉ា​ អ៊ាន​ សៀវម៉ី ប​ន្ទា​ប់​ពី​មិន​ចូល​បំភ្លឺតាមការកោះហៅ

ព័ត៌មានជាតិ1 hour ago

របាយការផ្លូវការ ប្រជាជនកម្ពុជា​កើនជាង ២ លាន​នាក់ ខេត្ត​ក្រុង ៤ មាន​ចំនួនប្រជាជនច្រើនជាងគេ

Sokha Hotels

ព័ត៌មានពេញនិយម

Helistar Cambodia - Helicopter Charter Services