ព័ត៌មានអន្ដរជាតិ

៥សំនួរជុំវិញរោគសញ្ញាកូវីដយូរ

បានផុស

៥ years មុន

នៅ

ថ្ងៃសុក្រ ៨ តុលា ២០២១

ដោយ

អង្គការសុខភាពពិភពលោក (WHO) បានប្រកាសពីនិយមន័យនៃពាក្យ«កូវីដយូរ»នៅសប្តាហ៍នេះ។ ពាក្យនេះត្រូវបានគេប្រើដើម្បីរៀបរាប់ពីបញ្ហាសុខភាពររ៉ាំរ៉ៃដែលប៉ះពាល់ដល់អ្នករស់រានមានជីវិតពីជំងឺកូវីដ-១៩។ អ្នកវិទ្យាសាស្ត្រនៅតែកំពុងធ្វើការស្វែងយល់ពីលក្ខណៈនៃរោគសញ្ញាធ្វើទុក្ខ។

នរណាផ្តល់និយមន័យ«កូវីដយូរ»?

WHO បានកំណត់និយមនៃពាក្យកូវីដ-១៩យូរដោយវិធីសាស្ត្រ Delphi។ ជាធម្មតា កូវីដយូរត្រូវបានបញ្ជាក់ ឬឆ្លងដោយវីរុសកូរ៉ូណាដែលវាមានរយៈពេលយ៉ាងតិចបំផុតពីរខែ និងមិនអាចត្រូវបានពន្យល់ដោយរោគវិនិច្ឆ័យផ្សេងទៀត។ រោគវិនិច្ឆ័យប្រហែលជាចាប់ផ្តើមកើតមានកំឡុងពេលការឆ្លង ឬលេចឡើង បន្ទាប់ពីអ្នកជំងឺជាសះស្បើយពីការឈឺធ្ងន់ធ្ងរ។

ក្នុងចំណោមរោគសញ្ញាយូរដែលកើតមានទូទៅបំផុតគឺអស់កម្លាំង ដង្ហើមខ្លី និងចុះខ្សោយការយល់ដឹង។ អាការធ្វើទុក្ខផ្សេងទៀតដូចជា ឈឺទ្រូង បាត់ក្លិន និងរសជាតិ ទន់ខ្សោយ និងញ័រខ្លួន។ កូវីដយូរជាទូទៅប៉ះពាល់ដល់មុខងារប្រចាំថ្ងៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មន្ត្រីបាននិយាយថា និយមន័យរបស់ WHO ប្រហែលជាអាចកែប្រែ នៅពេលរកឃើញភស្តុតាងថ្មីទៀត ហើយការស្វែងយល់ពីលទ្ធផលកូវីដ-១៩នៅតែបន្តដំណើរការ។ និយមន័យផ្សេងគ្នាប្រហែលត្រូវកំណត់ចំពោះកុមារ។

តើពួកគេមានអ្វីដូចគ្នា?

ចំនួនជាក់លាក់នៃមនុស្សបានឆ្លងមិនត្រូវបានគេដឹងច្បាស់លាស់ឡើយ។ ការសិក្សាបន្ថែមលើមនុស្សជាង២៧០០០០នាក់ដែលបានជាសះស្បើយពីការឈឺកូវីដធ្ងន់ធ្ងរដោយសាកលវិទ្យាល័យ Oxford បានរកឃើញថា យ៉ាងហោចណាស់មានរោគសញ្ញាធ្វើទុក្ខមួយដល់ទៅ៣៧% ក្នុងនោះភាគច្រើនក្នុងចំណោមអ្នកឆ្លងដែលបានចូលព្យាបាលនៅមន្ទីរពេទ្យ។

ការសិក្សាផ្សេងទៀតរបស់សាកលវិទ្យាល័យ Harvard លើអ្នករស់រានមានជីវិតពីកូវីដជាង៥២០០០នាក់ដែលមានអាការស្រាល ឬគ្មានរោគសញ្ញា និងអាការយូរដែលមានអាយុក្រោម៦៥ឆ្នាំ។ វាបានបង្ហាញថា វាទំនងជាប៉ះពាល់ដល់ពួកគេ។

យោងតាមតារាងរបស់ Reuters មានអ្នកឆ្លងកូវីដជាង២៣៦លាននាក់ដែលត្រូវបានរាយការណ៍។

តើការសិក្សាបង្ហាញអ្វីផ្សេងទៀត?

នៅក្នុងការសិក្សាចេញផ្សាយដោយ The Lancet បានបង្ហាញថា អ្នកស្រាវជ្រាវចិនបាននិយាយថា ២០%ទៅ៣០% គឺមានរយៈពេល១២ខែ បន្ទាប់ពីចាកចេញពីមន្ទីរពេទ្យ។ ភាគរយនៃអ្នកជំងឺដែលមានអាការមធ្យម និងរហូតដល់៥៤%នៃអ្នកមានអាការធ្ងន់ធ្ងរនៅតែមានបញ្ហាសួត។

ការសិក្សារបស់សាកលវិទ្យាល័យ Harvard បានរកឃើញថា រោគវិនិច្ឆ័យថ្មីនៃអ្នកជំងឺទឹកនោមផ្អែម និងសរសៃប្រសាទគឺមានទូទៅក្នុងចំណោមមនុស្សឆ្លងកូវីដ-១៩ជាងអ្នកមិនបានឆ្លង។

តើមនុស្សអាចជាសះស្បើយពីកូវីដយូរទេ?

រោគសញ្ញាជាច្រើននៃកូវីដយូរត្រូវដោះស្រាយតាមពេលពេលវេលាដោយមិនគិតពីភាពធ្ងន់ធ្ងរនៃជំងឺកូវីដពីដំបូងឡើយ។ យោងតាមការសិក្សាចេញផ្សាយនៅ The Lancet បង្ហាញថា សមាមាត្រនៃអ្នកជំងឺនៅតែកំពុងកើតមានអាការយ៉ាងហោចណាស់១រោគសញ្ញាបានធ្លាក់ចុះពី៦៨%ក្នុងរយៈពេល៦ខែមកនៅត្រឹម៤៩%ក្នុងរយៈពេល១២ខែ។

WHO បាននិយាយថា រោគសញ្ញាកូវីដយូរអាចប្រែប្រួលទៅតាមពេលវេលា ហើយប្រហែលជាអាចកើតឡើងវិញ បន្ទាប់ពីមានលក្ខណៈធូរស្បើយពីដំបូង។

តើវ៉ាក់សាំងអាចជួយអ្នកជំងឺកូវីដយូរទេ?

ការសិក្សាតូចមួយបានលើកឡើងថា មនុស្សមួយចំនួនដែលមានកូវីដយូរបានធូរស្បើយបន្ទាប់ពីចាក់វ៉ាក់សាំង។ មជ្ឈមណ្ឌលគ្រប់គ្រង និងបង្ការជំងឺឆ្លង (CDC) អាមេរិកបាននិយាយថា ការសិក្សាស្រាវជ្រាវបន្ថែមទៀតត្រូវការធ្វើដើម្បីកំណត់ពីឥទ្ធិពលរបស់វ៉ាក់សាំងទៅលើជំងឺកូវីដយូរ៕

ប្រែសម្រួល៖ វីរបុត្រ
ប្រភព៖ reuters

Related Topics:កូវីដ-១៩