ឥណ្ឌូណេស៊ី ពិភាក្សាទិញ និងសាងសង់រោងចក្រផលិតថ្នាំកូវីដ Molnupiravir

ប្រទេសឥណ្ឌូណេស៊ីកំពុងបញ្ចប់កិច្ចព្រមព្រៀងជាមួយក្រុមហ៊ុន Merck ក្នុងការទិញថ្នាំ Molnupiravir ដើម្បីព្យាបាលជំងឺកូវីដ ១៩ ។

យោងតាមរដ្ឋមន្ត្រីក្រសួងសុខាភិបាលលោក Budi Gunadi Sadikin បានប្រាប់សន្និសីទសារព័ត៌មានមួយ បន្ទាប់ពីដំណើរទស្សនកិច្ចទៅកាន់ក្រុមហ៊ុន Meck នៅសហរដ្ឋអាមេរិកថា កិច្ចព្រមព្រៀងកំពុងត្រូវបានបញ្ចប់ ដូច្នេះការដឹកជញ្ជូនដំបូងរបស់ថ្នាំ Molnupiravir អាចមកដល់នៅចុងឆ្នាំនេះ ។

លោក​បាន​បន្ត​ថា​ “​ដើម្បី​ឲ្យ​យើង​មាន​ស្តុក​គ្រប់គ្រាន់ក្នុងការ​ទប់ទល់​នឹង​រលកឆ្លង​បន្ទាប់​ដ៏​មាន​សក្ដានុពល​មួយ ឥណ្ឌូនេស៊ី និង​ក្រុមហ៊ុន Merck កំពុង​ពិភាក្សា​គ្នា​ដើម្បី​សាងសង់​រោងចក្រ​ផលិត​នៅ​ប្រទេស​ឥណ្ឌូនេស៊ី​ដើម្បី​ផលិត​វត្ថុធាតុដើមថ្នាំនេះផងដែរ” ​។

ទន្ទឹមនោះ ក្រុមហ៊ុន Merck ក៏បានចុះហត្ថលេខាលើកិច្ចព្រមព្រៀងផ្គត់ផ្គង់ថ្នាំគ្រាប់លេបតាមមាត់ជាមួយប្រទេសជិតខាងរបស់ឥណ្ឌូនេស៊ី ផងដែរដូចជា ម៉ាឡេស៊ី និងសិង្ហបុរី ជាដើម ។

គួរបញ្ជាក់ថា លទ្ធផលពីការសាកល្បងព្យាបាលដ៏ធំមួយក្នុងខែនេះបានបង្ហាញថា ថ្នាំ Molnupiravir បានកាត់បន្ថយការចូលសម្រាកព្យាបាលនៅមន្ទីរពេទ្យ និងការស្លាប់ចំនួន ៥០ ភាគរយ ៕

ប្រែសម្រួលដោយ ៖ ជីវ័ន្ត

ប្រភព ៖ CNA

ចុចអាន ៖ ថ្នាំ Molnupiravir មានប្រសិទ្ធភាពខ្ពស់បំផុតព្យាបាលកូវីដ បើធ្វើតាមលក្ខខណ្ឌនេះ