ថៃ បើកទំនប់ទឹកធំៗចំនួន៤ មុនពេលព្យុះមកដល់

ទឹកបន្ថែមទៀត ត្រូវបានបញ្ចេញពីទំនប់ធំៗចំនួន៤ក្នុងខេត្ត Nakhon Ratchasima មុនពេលព្យុះមកដល់ ខណៈអាងនេះបានស្តុកទឹកពេញបាត់ទៅហើយ។

អភិបាលខេត្ត Nakhon Ratchasima លោក Vichien Chantaranothai បាននិយាយនៅថ្ងៃអង្គារនេះថា ព្យុះដ៏ធំមួយនៅចុងសប្តាហ៍នេះ នឹងធ្វើឲ្យបរិមាណទឹកដ៏ច្រើន ហូរចូលទៅក្នុងអាងស្តុកទឹក ដូចនេះទឹក​ត្រូវ​បាន​បង្ហូរ​ចេញ​ដើម្បីធ្វើឲ្យស្ថានភាពធូរស្រាល។

ទឹកជំនន់នាពេលថ្មីៗនេះបានស្រកចុះ ហើយស្ថានភាពនៅក្នុងស្រុកជាច្រើនដែលរងការជន់លិច បានវិលមករកភាពប្រក្រតីវិញ។ ទោះបីជាយ៉ាងណាក៏ដោយ ទឹក​ជំនន់​នៅ​តែ​បន្ត​កើត​មាន​ក្នុង​ស្រុក Muang (មឿង) ហើយ​ក្រុម​ការងារ​កំពុង​បង្ហូរ ​ចេញ​ទៅ​តាម​ផ្លូវ​ទឹក​ធម្មជាតិ។

លោក Vichien បាននិយាយថា ទឹកហូរចេញពីទន្លេ Lam Chiang Krai នៅតែប៉ះពាល់ដល់ស្រុក Non Sung ខណៈទឹកពីទន្លេ Lam Takhong និង Lam Mun បានហូរចូលស្រុក Phimai។

គួរបញ្ជាក់ថា អាង​ស្តុក​ទឹក Lam Takhong ​បាន​បញ្ចេញ​ទឹក​ពី ៨០០,០០០ ទៅ ៩០០,០០០ ម៉ែត្រ​គុប​ក្នុង​មួយ​ថ្ងៃ ចាប់តាំង​ពី​ថ្ងៃ​ចន្ទ​មក៕

ប្រែសម្រួល៖ Vann Vann

ប្រភព៖ Bangkok Post

ចុចអាន៖ ថៃ ប្រកាសឲ្យប្រយ័ត្ន! ក្រពើជាង ១ពាន់ក្បាល ជិតរួចចេញពីកសិដ្ឋានហើយ