ព័ត៌មានអន្ដរជាតិ
វីរុសបំប្លែងខ្លួនក្លាយពូជឆ្លងលឿនជាង Delta លើស ១០ ភាគរយទៅទៀត
វីរុសកូវីដបំប្លែងខ្លួន Delta Plus ឬប្រភេទ AY.4.2 គឺជាការវិវត្តិមកពីវីរុសបំប្លែងខ្លួនឥណ្ឌា Delta ខណៈទិន្នន័យដំបូងពីចក្រភពអង់គ្លេសបង្ហាញថា វាអាចឆ្លងលឿនជាងវីរុសបំប្លែងខ្លួន Delta ដល់ទៅ ១០ ភាគរយ ។
ប៉ុន្តែយោងតាមអនុប្រធានគណៈកម្មាធិការសុខភាពថៃបានឲ្យដឹងថា វីរុសបំប្លែងខ្លួន Delta Plus ដែលត្រូវបានរកឃើញនៅក្នុងប្រទេសថៃនាពេលថ្មីៗនេះ មិនមែនឆ្លងលឿនត្រឹម ១០ ភាគរយនោះទេ ពោលវាអាចចម្លងបានច្រើនជាងវីរុស Delta ទម្រង់ដើមដល់ទៅ ១៥ ភាគរយឯណោះ ។
ការរកឃើញនេះ ត្រូវបានប្រកាសដោយលោក Chalermchai Boonyaleephan អនុប្រធានគណៈកម្មាធិការសុខភាពថៃ ក្នុងអំឡុងពេលធ្វើសន្និសីទសារព័ត៌មានស្តីពីជំងឺរាតត្បាត ។
លោកវេជ្ជបណ្ឌិត Chalermchai បាននិយាយថា វីរុសបំប្លែងខ្លួនក្លាយពូជដែលត្រូវបានគេស្គាល់ថា AY.4.2 មួយនេះ ត្រូវបានរកឃើញនៅក្នុងខ្លួនបុរសអាយុ ៤៩ ឆ្នាំម្នាក់ ដែលធ្វើការនៅតំបន់ Bang Sai នៃខេត្ត អយុធ្យា កាលពីខែមុន ខណៈបុរសម្នាក់នោះ មិនមានប្រវត្តិធ្វើដំណើរទៅកាន់តំបន់គ្រោះថ្នាក់ ឬទៅក្រៅប្រទេសនោះទេ ។
ទោះបីជាយ៉ាងណាក៏ដោយ អ្នកជំងឺរូបនេះបានជាសះស្បើយហើយ ហើយករណីឆ្លងលើអ្នកពាក់ព័ន្ធមិនទាន់ត្រូវបានរកឃើញឡើយ ។
ទន្ទឹមនោះសារព័ត៌មាន Thai PBS World បានរាយការណ៍ថា ខណៈពេលដែលវីរុសបំប្លែងខ្លួន Delta ចំនួន ៤ ប្រភេទត្រូវបានរកឃើញនៅក្នុងប្រទេសថៃ លោកវេជ្ជបណ្ឌិត Chalermchai បាននិយាយថា គ្មានវីរុសបំប្លែងខ្លួនណាមួយក្នុងចំណោម ៤ នេះអាចបង្កឲ្យមានរោគសញ្ញាធ្ងន់ធ្ងរជាងប្រភេទដើមនោះទេ ៕
ប្រែសម្រួលដោយ ៖ ជីវ័ន្ត
ប្រភព ៖ Thaiger
ចុចអាន ៖ ប្រុងប្រយ័ត្ន! វីរុសកូវីដបំប្លែងខ្លួនក្លាយពូជឆ្លងខ្លាំងជាង Delta ចូលដល់ ថៃ ហើយ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៩ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ