ព័ត៌មានអន្ដរជាតិ
តៃវ៉ាន់ អាចការពារខ្លួនបាន មិនចាំបាច់ពឹងប្រទេសផ្សេងឲ្យជួយទេ បើ ចិន វាយប្រហារកោះនេះ
រដ្ឋមន្ត្រីការពារជាតិតៃវ៉ាន់លោក Chiu Kuo-cheng បាននិយាយកាលពីថ្ងៃព្រហស្បតិ៍ថា តៃវ៉ាន់ត្រូវតែការពារដោយខ្លួនឯង ហើយមិនអាចពឹងផ្អែកទាំងស្រុងលើប្រទេសផ្សេងទៀតដើម្បីជួយបានទេ ប្រសិនបើចិនបើកការវាយប្រហារលើកោះនេះ បើទោះជាប្រធានាធិបតីតៃវ៉ាន់បាននិយាយថា លោកស្រីមានជំនឿលើសហរដ្ឋអាមេរិកនឹងការពារកោះនេះក៏ដោយ ។
លោករដ្ឋមន្ត្រីបានប្រាប់ក្រុមអ្នកសារព័ត៌មានថា “ប្រទេសត្រូវតែពឹងផ្អែកលើខ្លួនឯង ហើយប្រសិនបើមិត្តភ័ក្តិ ឬក្រុមផ្សេងទៀតអាចជួយយើងបាន នោះវាដូចអ្វីដែលខ្ញុំបាននិយាយពីមុនមក ។ យើងសប្បាយចិត្តដែលមានពួកគេ ប៉ុន្តែយើងមិនអាចពឹងផ្អែកលើពួកគេទាំងស្រុងនោះទេ” ។
ភាពតានតឹងរវាងតៃវ៉ាន់ និងចិនបានកើនឡើងដល់កម្រិតខ្ពស់បំផុតរបស់ពួកគេក្នុងរយៈពេលជាច្រើនទសវត្សរ៍ ដោយប្រទេសចិនបានបញ្ជូនយន្តហោះចម្បាំងក្នុងចំនួនបំបែកកំណត់ត្រាទៅកាន់ដែនអាកាសអន្តរជាតិនៅជិតកោះនេះ ។ ក្រសួងការពារជាតិតៃវ៉ាន់បាននិយាយថា ប្រទេសចិននឹងមានសមត្ថភាពទ្រង់ទ្រាយធំក្នុងការឈ្លានពានកោះនេះនៅឆ្នាំ ២០២៥ ។
លោក Chiu បានហៅភាពតានតឹងដែលកើនឡើងរវាងចិន និងតៃវ៉ាន់នាពេលនេះថាធ្ងន់ធ្ងរបំផុតដែលលោកបានឃើញក្នុងរយៈពេល ៤០ ឆ្នាំ ។
ទន្ទឹមនោះ ប្រធានាធិបតីកោះតៃវ៉ាន់លោកស្រី Tsai Ing-wen បាននិយាយនៅក្នុងបទសម្ភាសន៍ជាមួយទូរទស្សន៍ CNN ដែលបានចាក់ផ្សាយកាលពីថ្ងៃព្រហស្បតិ៍ថា លោកស្រីមានជំនឿថា សហរដ្ឋអាមេរិកនឹងការពារកោះតៃវ៉ាន់ ប្រសិនបើប្រទេសចិនមានចលនាប្រឆាំងនឹងកោះនេះ ។
លោក Tsai បាននិយាយថា “ខ្ញុំមានជំនឿលើទំនាក់ទំនងរយៈពេលវែងដែលយើងមានជាមួយសហរដ្ឋអាមេរិក និងការគាំទ្រពីប្រជាជនអាមេរិក ក៏ដូចជាសភាផងដែរ” ៕
ប្រែសម្រួលដោយ ៖ ជីវ័ន្ត
ប្រភព ៖ The Indian Express
ចុចអាន ៖ កងទ័ពអាមេរិក កំពុងបង្វឹកទាហានតៃវ៉ាន់ ស្របពេលតានតឹងខ្លាំងជាមួយ ចិន
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម២០ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ