ព័ត៌មានអន្ដរជាតិ
មិនមែនតែ អឺរ៉ុប ទេដែលកំពុងផ្ទុះឆ្លងកូវីដជាថ្មី តំបន់អាស៊ីកណ្ដាល ក៏ដូចគ្នា (មានវីដេអូ)
អង្គការសុខភាពពិភពលោក (WHO) កំពុងជំរុញឲ្យប្រទេសអឺរ៉ុប និងអាស៊ីកណ្តាលមួយចំនួនពន្លឿនការចាក់វ៉ាក់សាំងការពារជំងឹកូវីដ ១៩ ។
ការិយាល័យប្រចាំតំបន់អឺរ៉ុបរបស់ WHO កំពុងព្រមានថា ក្នុងល្បឿនបច្ចុប្បន្ន ជីវិតមនុស្សកន្លះលាននាក់នៅអឺរ៉ុបអាចនឹងត្រូវកាត់ផ្ដាច់ ត្រឹមថ្ងៃទី ១ ខែកុម្ភៈ ឆ្នាំក្រោយ ។
ការិយាល័យបានរាយការណ៍កាលពីថ្ងៃព្រហស្បតិ៍ថា ចំនួនករណីឆ្លងថ្មីដែលត្រូវបានបញ្ជាក់កាលពីសប្តាហ៍មុន បានកើនឡើងចំនួន ៦ ភាគរយនៅក្នុងប្រទេសចំនួន ៥៣ នៃតំបន់អ៊ឺរ៉ុប ក្នុងនោះករណីឆ្លងថ្មីនៅអាស៊ីកណ្តាល និងប្រទេសរុស្ស៊ីក៏កំពុងផ្ទុះឡើងផងដែរ ។
ការិយាល័យខាងលើបាននិយាយទៀតថា ការស្លាប់ដោយសារជំងឺកូវីដ ១៩ នៅក្នុងតំបន់ក៏បានកើនឡើង ១២ ភាគរយផងដែរពីសប្តាហ៍មុន ។
ស្របពេលជាមួយគ្នានេះ នាយកប្រចាំតំបន់អឺរ៉ុបរបស់ WHO លោក Hans Kluge បានសម្តែងការព្រួយបារម្ភយ៉ាងខ្លាំង ដោយនិយាយថា អឺរ៉ុបបានត្រលប់មកក្លាយជាចំណុចកណ្តាលនៃជំងឺរាតត្បាតវិញហើយ ។
ការិយាល័យក៏បានរាយការណ៍ដែរថា ជារួមមានតែប្រជាជន ៤៧ ភាគរយប៉ុណ្ណោះនៅក្នុងតំបន់ដែលត្រូវបានចាក់វ៉ាក់សាំងពេញលេញ ទោះបីជាប្រទេសចំនួន ៨ នៅក្នុងតំបន់បានអួតថា មានអត្រាការចាក់វ៉ាក់សាំងខ្ពស់ក៏ដោយ ប៉ុន្តែអត្រានេះគឺទាប ជាពិសេសនៅក្នុងបាល់ទិក និងអឺរ៉ុបខាងកើត ៕
សូមទស្សនាវីដេអូ!
ប្រែសម្រួលដោយ ៖ ជីវ័ន្ត
ប្រភព ៖ NHK
ចុចអាន ៖ អឺរ៉ុប ផ្ទុះកូវីដជាថ្មីគឺជាការព្រមានដល់តំបន់ផ្សេងទៀត
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង