ឆេះមន្ទីរពេទ្យព្យាបាលកូវីដនៅឥណ្ឌា សម្លាប់អ្នកជំងឺ ១១នាក់

អគ្គិភ័យ បានឆាបឆេះមន្ទីរពេទ្យមួយនៅភាគខាងលិចប្រទេសឥណ្ឌាកាលពីថ្ងៃសៅរ៍ទី ៦ ខែវិច្ឆិកា ដោយបានសម្លាប់អ្នកជំងឺកូវីដ១៩ យ៉ាងតិច១១នាក់។

អគ្គិភ័យ​នេះ​ គឺ​ជា​ការ​ឆាបឆេះ​ចុងក្រោយ​បង្អស់ ​ដែល​បានវាយប្រហារមន្ទីរពេទ្យព្យាបាលអ្នកជំងឺកូវីដ ទូទាំងប្រទេសឥណ្ឌា។

ក្រុមមន្ត្រីបាននិយាយថា មានអ្នកជំងឺជាង១០នាក់ ក្នុងបន្ទប់សង្គ្រោះបន្ទាន់នៃមន្ទីរពេទ្យក្នុងសង្កាត់ Ahmadnagar រដ្ឋ Maharashtra នៅពេលអគ្គិភ័យឆាបឆេះ។ អ្នកស្លាប់ភាគច្រើនគឺមានអាយុលើស ៦០ឆ្នាំ។

អភិបាលរដ្ឋ Maharashtra លោក Udhav Thackeray បានបញ្ជាឲ្យមានការស៊ើបអង្កេតលើករណីអគ្គិភ័យនេះ និងលក្ខខណ្ឌសុវត្ថិភាពនៅមន្ទីរពេទ្យ ដែលមានចម្ងាយ២៥០គីឡូម៉ែត្រពីទីក្រុង Mumbai។

គួរបញ្ជាក់ថា ​មន្ទីរពេទ្យ​ព្យាបាលជំងឺកូវីដ-១៩​មួយ​ចំនួនរបស់ប្រទេសឥណ្ឌា ​បាន​រង​គ្រោះ​ដោយ​សោកនាដកម្ម​អគ្គិភ័យ។

អ្នកជំងឺចំនួន១៦នាក់ និងគិលានុបដ្ឋាយិកា២នាក់ បានស្លាប់នៅក្នុងអគ្គិភ័យនៅមន្ទីរពេទ្យ រដ្ឋ Gujarat កាលពីខែឧសភា។ ការស៊ើបអង្កេតរបស់ប៉ូលិស បានស្តីបន្ទោសការឆ្លងចរន្តអគ្គិសនីនៅក្នុងបន្ទប់ ICU របស់មន្ទីរពេទ្យ។

ចំណែកកាលពីខែមេសា អ្នកជំងឺកូវីដ ចំនួន ១៣ នាក់ត្រូវបានសម្លាប់នៅគ្លីនិកមួយក្នុងទីក្រុង Mumbai៕

ប្រែសម្រួល៖ Vann Vann

ប្រភព៖ CNA

ចុចអាន៖ នាំគ្នាទៅប្រមូលប្រេង ពេលរថយន្តជួបគ្រោះថ្នាក់ ស្រាប់តែផ្ទុះឆេះស្លាប់និងរបួសជិត ២០០ នាក់ (មានវីដេអូ)