ព័ត៌មានអន្ដរជាតិ
១០ប្រទេស មានកងទ័ពធំបំផុតលើពិភពលោក
យោធាមានតួនាទីយ៉ាងសំខាន់ក្នុងការអភិវឌ្ឍន៍ប្រទេសជាតិ។ ពួកគេជួយសម្រួលដល់ការអនុវត្តគោលនយោបាយរបស់រដ្ឋាភិបាល និងការពារប្រជាពលរដ្ឋពីការគំរាមកំហែងពីខាងក្រៅ ឬខាងក្នុង។
យោធាមានសាខាដូចជា កងទ័ពជើងទឹក កងទ័ពអាកាស ហើយនៅក្នុងប្រទេសមួយចំនួន មានទាំងកងម៉ារីន និងឆ្មាំសមុទ្រផងដែរ។
ខាងក្រោមនេះ កម្ពុជាថ្មី សូមបង្ហាញពីប្រទេសដែលមានកងទ័ពធំជាងគេទាំង១០ នៅលើពិភពលោក ដោយយោងតាមទិន្នន័យគិតត្រឹមពាក់កណ្តាលឆ្នាំ២០២១៖
១. ចិន
ប្រទេសចិនឈរនៅលំដាប់កំពូលក្នុងបញ្ជីកងទ័ពធំជាងគេលើពិភពលោក ដោយមានសរុប ២,១៨៣,០០០នាក់។ កងទ័ពរំដោះប្រជាជនចិន (PLA) គឺជាកងទ័ពធំបំផុតនៅលើពិភពលោក។ ពួកគេមានបេសកកម្ម ធានាអធិបតេយ្យភាព បូរណភាពទឹកដី និងសន្តិសុខក្នុងស្រុករបស់ចិន។
២. ឥណ្ឌា
ឥណ្ឌាជាប់លេខ២ក្នុងបញ្ជីកងទ័ពធំជាងគេលើពិភពលោក។ ឥណ្ឌាមានកងទ័ពសកម្មសរុប ១,៣៦២,៥០០នាក់។ ទីបញ្ជាការកងទ័ពមានទីតាំងនៅរដ្ឋធានី New Delhi។
៣. សហរដ្ឋអាមេរិក
សហរដ្ឋអាមេរិកត្រូវបានបំពាក់បំប៉នយ៉ាងល្អ និងមានកងទ័ពសកម្មសរុប ១,២៨១,៩០០នាក់។ បង្កើតឡើងកាលពី២៤៤ឆ្នាំមុន កងទ័ពអាមេរិកគឺជាកងទ័ពធំជាងគេលំដាប់ទី៣នៅលើពិភពលោក។
៤. កូរ៉េខាងជើង
កូរ៉េខាងជើងស្ថិតនៅលំដាប់ទីបួនក្នុងបញ្ជី ដោយមានកងទ័ពសកម្មសរុប ១,២៨០,០០០នាក់។ កងទ័ពប្រជាជនកូរ៉េ ត្រូវបានគេជឿថា បង្កើតឡើងក្នុងឆ្នាំ១៩៣២។ ទីស្នាក់ការកណ្តាលមានទីតាំងនៅទីក្រុងព្យុងយ៉ាង ប្រទេសកូរ៉េខាងជើង។
៥. រុស្ស៊ី
ប្រទេសរុស្ស៊ីដែលមានកងទ័ពសកម្មសរុប ១,០១៣,៦២៨នាក់ គឺស្ថិតនៅលំដាប់ទី៥ក្នុងបញ្ជី។ កងទ័ពត្រូវបានបង្កើតឡើងក្នុងឆ្នាំ១៩៩២ ហើយការរៀបចំរចនាសម្ព័ន្ធដ៏សំខាន់របស់ខ្លួនបានចាប់ផ្តើមនៅឆ្នាំ២០០៩។
៦.ប៉ាគីស្ថាន
ប្រទេសប៉ាគីស្ថាន ឈរនៅលេខរៀងទី៦ ហើយមានកងទ័ពសកម្មសរុប ៦៥៤,០០០នាក់។ កងទ័ពប្រទេសនេះ បានចេញប្រតិបត្តិការនៅថ្ងៃទី ១៤ខែសីហាឆ្នាំ១៩៤៧ ហើយមានទីស្នាក់ការកណ្តាលនៅទីក្រុង Rawalpindi ប្រទេសប៉ាគីស្ថាន។
៧. កូរ៉េខាងត្បូង
ប្រទេសកូរ៉េខាងត្បូង ជាប់ចំណាត់ថ្នាក់ទី៧ និងមានកងទ័ពសកម្មសរុប ៦២៥,០០០នាក់។ កងកម្លាំងប្រដាប់អាវុធសាធារណៈរដ្ឋកូរ៉េ ត្រូវបានបង្កើតឡើងនៅថ្ងៃទី១៥ខែសីហា ឆ្នាំ១៩៤៨។ ទីស្នាក់ការកណ្តាលនៃកងកម្លាំងប្រដាប់អាវុធកូរ៉េខាងត្បូង ស្ថិតនៅក្នុងទីក្រុងសេអ៊ូល។
៨. អ៊ីរ៉ង់
អ៊ីរ៉ង់ស្ថិតនៅលំដាប់ទី៨ក្នុងបញ្ជី ដោយមានកងទ័ពសកម្មសរុប ៥២៣,០០០នាក់។ យោងតាមប្រវត្តិសាស្ត្រសម័យទំនើបបានបង្ហាញថា កងទ័ពអ៊ីរ៉ង់ត្រូវបានបង្កើតឡើងកាលពី ៩៧ ឆ្នាំមុន។ ទម្រង់បច្ចុប្បន្នគឺ សាធារណរដ្ឋឥស្លាម មានអាយុកាល ៣៩ឆ្នាំ។ ទីស្នាក់ការកណ្តាលមានទីតាំងនៅទីក្រុង តេហេរ៉ង់។
៩. វៀតណាម
ប្រទេសវៀតណាមជាប់ចំណាត់ថ្នាក់លេខ៩ ដែលមានកងទ័ពសកម្មសរុប ៤៨២,០០០ នាក់។ ក្នុងទិដ្ឋភាពនៃការងើបឡើងវិញនៃប្រទេសចិន សាធារណរដ្ឋសង្គមកិច្ចវៀតណាម បានពង្រឹងកងកម្លាំងប្រដាប់អាវុធរបស់ខ្លួន។ ការរៀបចំ និងបង្កើតកងទ័ពប្រជាជនវៀតណាម បានចាប់ផ្តើមនៅឆ្នាំ ១៩៤៤ ដើម្បីកម្ចាត់កងកម្លាំងអាណានិគមបារាំង និងអ្នកកាន់កាប់ជប៉ុន ក្រោមការដឹកនាំរបស់ ហូជីមិញ។
១០. អេហ្ស៊ីប
ប្រទេសអេហ្ស៊ីប ជាប់ចំណាត់ថ្នាក់ទី១០ ជាមួយនឹងកងទ័ពសកម្មសរុប ៤៤០,០០០នាក់។ ដោយត្រូវបានបង្កើតឡើងក្នុងឆ្នាំ១៩៥២ អាជ្ញាធរប្រតិបត្តិការយោធាអេហ្ស៊ីប មានទីស្នាក់ការនៅទីក្រុងគែរ៕
ប្រែសម្រួល៖ Vann Vann
ប្រភព៖ Maps of World
ស្ត្រីវៀតណាមដែលបានលក់ផ្លែពុទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអាជ្ញាធរ
ក្រសួងការងារ និងបណ្តុះបណ្តាលវិជ្ជាជីវៈ បើកវគ្គបណ្តុះបណ្តាលលើជំនាញផ្នែកកំបោរក្នុងវិស័យសំណង់
ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត
មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស
នៅខែមេសា-ឧសភា កម្ពុជានឹងក្ដៅខ្លាំង កម្រិត៣៨°C និងមានបាតុភូតផ្គរ រន្ទះ និងខ្យល់កន្ត្រាក់
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
កីឡា៥ ថ្ងៃ agoឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ agoម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ agoតាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ agoនាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ agoដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ agoមនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ agoដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ agoតួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ