ព័ត៌មានអន្ដរជាតិ
ប្រជាជន អាមេរិក ស្លាប់កើនលើស ១០ ម៉ឺននាក់ តែលើកនេះ មិនមែនដោយសាររោគរាតត្បាត
យោងតាមទិន្នន័យរបស់សហព័ន្ធបានបញ្ជាក់ថា ប្រជាជនអាមេរិកកាន់តែច្រើនឡើងៗ ស្លាប់ដោយសារការប្រើប្រាស់ថ្នាំលើសកម្រិត ក្នុងរយៈពេល ១២ ខែ ដោយសារជំងឺរាតត្បាតកូវីដ បានរំខានដល់ការថែទាំវេជ្ជសាស្រ្ត និងបង្កើនបញ្ហាសុខភាពផ្លូវចិត្តមនុស្សកាន់តែច្រើន។
កំណត់ត្រានៃការស្លាប់ដោយប្រើថ្នាំជ្រុលជាង ១០០,០០០ នៅចន្លោះខែមេសា ឆ្នាំ ២០២០ ដល់ខែមេសា ឆ្នាំ ២០២១ ដែលប្រធានាធិបតីអាមេរិក Joe Biden បានហៅថាជា “ព្រឹត្តិការណ៍សោកនាដកម្ម” តំណាងឲ្យការកើនឡើង ២៨.៥ ភាគរយពី ១២ ខែមុន នេះបើយោងតាមទិន្នន័យពីមជ្ឈមណ្ឌលគ្រប់គ្រង និងការពារជំងឺរបស់សហរដ្ឋអាមេរិក។
រដ្ឋបាល Biden បាននិយាយថា ខ្លួននឹងជំរុញឲ្យរដ្ឋនានា បង្កើតច្បាប់ដែលធ្វើឲ្យវាកាន់តែងាយស្រួល សម្រាប់មនុស្សក្នុងការទទួលបានថ្នាំ naloxone ដែលជាថ្នាំដែលអាចផ្លាស់ប្ដូរការប្រើថ្នាំអាភៀនលើសកម្រិត។
លោក Biden បាននិយាយនៅក្នុងសេចក្តីថ្លែងការណ៍មួយថា ទោះបីជាប្រទេសនេះប្រយុទ្ធប្រឆាំងនឹងជំងឺកូវីដ១៩ ក៏ដោយ “យើងមិនអាចមើលរំលងរោគរាតត្បាត នៃការបាត់បង់ ពីការស្លាប់ដោយប្រើថ្នាំជ្រុលទេ”។
ទោះយ៉ាងណា ទិន្នន័យក្នុងខែកក្កដា បានបង្ហាញថា ការប្រើប្រាស់ថ្នាំលើសកម្រិតកាលពីឆ្នាំមុន បានកើនឡើង ៣០ ភាគរយ ដោយសារការបិទខ្ទប់នៃជំងឺរាតត្បាត ធ្វើឲ្យការព្យាបាលពិបាក ហើយឈ្មួញបានចាក់ថ្នាំបន្ថែមទៀតដូចជា fentanyl ឬ copycat នៃថ្នាំព្យាបាលការញៀនអាភៀន ដ៏មានឥទ្ធិពល។
គួរបញ្ជាក់ថា រដ្ឋរបស់អាមេរិកដែលមានភាគរយខ្ពស់បំផុតនៃការស្លាប់ ដោយប្រើថ្នាំជ្រុលគឺរដ្ឋ Vermont ៧០ ភាគរយ រដ្ឋ West Virginia (៦២.២ ភាគរយ) និងរដ្ឋ Kentucky (៥៤.៥ ភាគរយ) ។ ចំណែកកាលីហ្វ័រញ៉ា ដែលជារដ្ឋដែលមានប្រជាជនច្រើនជាងគេ បានឃើញការប្រើថ្នាំជ្រុលរបស់ខ្លួនកើនឡើងជិត ៤៧.៨ ភាគរយ៕
ប្រែសម្រួល៖ សាង ស្រីល័ក្ខ
-
សេដ្ឋកិច្ច៤ ថ្ងៃ agoអ្នកជំនាញ៖ វិស័យអចលនទ្រព្យនៅកម្ពុជាមិនទាន់មានសញ្ញាងើបឡើងវិញរហូតដល់បច្ចុប្បន្ននេះ
-
ព័ត៌មានអន្ដរជាតិ១ ថ្ងៃ agoយន្តហោះមីយ៉ាន់ម៉ា ទម្លាក់គ្រាប់បែកជញ្ជ្រំព្រំដែន កក្រើកដល់ដីថៃ ធ្វើឲ្យពលរដ្ឋភ័យព្រលឹងចុងសក់ ទៀតហើយ
-
ព័ត៌មានអន្ដរជាតិ៤ ថ្ងៃ agoតើឥណ្ឌាពិតជាខ្នងបង្អែកដ៏រឹងមាំ របស់អ៊ីស្រាអែល ដូចអ្វីដែលលោក ណេតាន់យ៉ាហ៊ូ អួតអាងមែនទេ?
-
ព័ត៌មានជាតិ៣ ថ្ងៃ agoលេចចេញគំរូស្ពានឆ្លងទន្លេមេគង្គ គ្រោងសាងសង់ដោយជប៉ុនតាមផ្លូវជាតិលេខ ១
-
សន្តិសុខសង្គម៣ ថ្ងៃ agoបង្ក្រាប Online Scam នៅក្រុងសិរីសោភ័ណ ឃាត់ខ្លួនយុវជនម្នាក់ បើកកន្លែងប្រតិបត្តិការឆបោកតែម្នាក់ឯង
-
ព័ត៌មានជាតិ៤ ថ្ងៃ agoកម្ពុជា UNODC និងសមាជិកមហាអនុតំបន់ទន្លេមេគង្គឆ្នាំ១៩៩៣ នឹងបន្តរួមគ្នាដោះស្រាយបញ្ហាគ្រឿងញៀនសំយោគ
-
ព័ត៌មានអន្ដរជាតិ៤ ថ្ងៃ agoមានការផ្ទុះគ្រាប់បែក ក្បែរសណ្ឋាគារលោក Macron ស្នាក់នៅ អំឡុងដំណើរទស្សនកិច្ច ប្រទេសស៊ីរី
-
សេដ្ឋកិច្ច៣ ថ្ងៃ agoកម្ពុជា ដាក់ទិសដៅធ្វើឱ្យកាន់តែប្រសើរឡើងនូវប្រព័ន្ធភស្តុភារកម្ម ជំរុញកំណើនពាណិជ្ជកម្ម ទាក់ទាញការវិនិយោគ