ព័ត៌មានអន្ដរជាតិ
រុស្ស៊ី ព្រមានបាញ់កម្ទេច ផ្កាយរណបអង្គការ ណាតូ
ប្រទេសរុស្ស៊ីបានព្រមានថា ខ្លួនមានសមត្ថភាពបំផ្លាញផ្កាយរណបរបស់អង្គការណាតូ ដោយប្រើបច្ចេកវិទ្យា “Star Warrior” ថ្មីរបស់ខ្លួន ដែលនឹងធ្វើឲ្យមីស៊ីលនាំផ្លូវដោយ GPS របស់លោកខាងលិច គ្មានប្រយោជន៍។
ចំពេលមានការប្រឈមមុខដាក់គ្នាថ្មីបំផុតក្នុងប្រទេសអ៊ុយក្រែន ទូរទស្សន៍រដ្ឋរុស្ស៊ីបានអះអាងថា មីស៊ីលប្រឆាំងផ្កាយរណប (ASAT) របស់ទីក្រុងមូស្គូ អាចកម្ទេចផ្កាយរណបណាតូចំនួន៣២គ្រឿង និងធ្វើឲ្យមីស៊ីល យន្តហោះ និងនាវារបស់ពួកគេ ប្រើការលែងកើត។
ប្រទេសរុស្ស៊ី បានសាកល្បងប្រព័ន្ធ ASAT ថ្មីរបស់ពួកគេ នៅលើផ្កាយរណបសូវៀតកាលពីសប្តាហ៍មុន។ ការធ្វើតេស្តនោះ បានបណ្តាលឲ្យអំបែងគ្រាប់ ខ្ទាតឆ្ពោះទៅកាន់ស្ថានីយ៍អវកាសអន្តរជាតិ (ISS) ដោយបង្កឲ្យមានការខឹងសម្បាយ៉ាងខ្លាំងពីអង្គការណាសា និងទីក្រុងវ៉ាស៊ីនតោន។
ទោះបីជាយ៉ាងណាក៏ដោយ ទូរទស្សន៍រដ្ឋបានហៅវាថាជាការបាញ់ព្រមាន ខណៈរុស្ស៊ីបានបញ្ជូនទាហានជាង ៩៤,០០០នាក់ទៅកាន់ព្រំដែនជាមួយអ៊ុយក្រែន ដែលបង្កឲ្យមានការភ័យខ្លាចថា លោក វ្ល៉ាឌីមៀរ ពូទីន បានត្រៀមខ្លួនរួចជាស្រេចសម្រាប់ការលុកលុយ ដូចការកាត់យកឧបទ្វីប Crimea ក្នុងឆ្នាំ២០១៤។
កាលពីថ្ងៃចន្ទ សេតវិមានបានសម្តែងក្តីបារម្ភយ៉ាងខ្លាំង លើការកើនឡើងនៃវត្តមានយោធា និងគ្រឿងសព្វាវុធរបស់ទីក្រុងមូស្គូ នៅតាមបណ្តោយព្រំដែនជួរមុខ ដែលរួមមានទាំងរថក្រោះ និងមីស៊ីល ក៏ដូចជាការគំរាមកំហែងជានិរន្តរភាពរបស់ខ្លួនចំពោះទីក្រុងគៀវផងដែរ៕
ប្រែសម្រួល៖ Vann Vann
ប្រភព៖ Daily Star
ចុចអាន៖ រុស្ស៊ី បញ្ជូនទាហានជិត ១០ម៉ឺននាក់ទៅព្រំដែន ត្រៀមវាយលុកអ៊ុយក្រែន ត្រឹមចុងខែមករា
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម២០ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ