ព័ត៌មានអន្ដរជាតិ

ប្រទេសនៅ អឺរ៉ុប មួយទៀត ប្រកាសរកឃើញវីរុសកូវីដបំប្លែងខ្លួន Omicron

បានផុស

៥ years មុន

នៅ

ថ្ងៃសៅរ៍ ២៧ វិច្ឆិកា ២០២១

ដោយ

ក្រសួងសុខាភិបាលអ៊ីស្រាអែល បានរាយការណ៍កាលពីថ្ងៃសុក្រ ពីការផ្ទុះករណីដំបូងនៃវីរុសកូវីដបំប្លែងខ្លួនឆ្លងសាហាវ B.1.1.529 ដែលត្រូវបានរកឃើញនៅអាហ្វ្រិកខាងត្បូង និងប្រទេសដទៃទៀត ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រសួងបានកត់សម្គាល់ថា មេរោគនេះ ត្រូវបានគេរកឃើញនៅក្នុងការធ្វើតេស្តតាមលំដាប់ហ្សែន ពីជនជាតិអ៊ីស្រាអែលម្នាក់ ដែលត្រឡប់មកពីប្រទេសម៉ាឡាវីវិញ។ ក្នុងករណីនេះ ក៏មានការសង្ស័យផងដែរ អំពីករណីឆ្លងមេរោគនេះបន្ថែមទៀត នៃជនជាតិអ៊ីស្រាអែលពីរនាក់ ទើបវិលត្រឡប់មកពីបរទេសដូចគ្នា។

ក្រសួងបាននិយាយថា ខ្លួនរង់ចាំលទ្ធផលនៃការធ្វើតេស្តតាមលំដាប់របស់ពួកគេ ហើយរហូតមកដល់ពេលនេះ អ្នកទាំងពីរកំពុងស្នាក់នៅដាច់ដោយឡែក។ ដោយឡែក ជនជាតិអ៊ីស្រាអែលទាំងបីនាក់នោះ សុទ្ធតែបានចាក់វ៉ាក់សាំងប្រឆាំងនឹងមេរោគកូវីដ១៩ កាលពីពេលកន្លងមកដែរ។

គួរបញ្ជាក់ថា កាលពីយប់ថ្ងៃព្រហស្បតិ៍ អ៊ីស្រាអែលបានប្រកាសហាមឃាត់អ្នកធ្វើដំណើរមកពីប្រទេសអាហ្វ្រិក ចំនួនប្រាំពីរ បន្ទាប់ពី មានការរកឃើញមេរោគនេះនៅអាហ្វ្រិកខាងត្បូង។

នាយករដ្ឋមន្ត្រីអ៊ីស្រាអែល Naftali Bennett និងរដ្ឋមន្ត្រីសុខាភិបាល Nitzan Horowitz បានសម្រេចចិត្តដាក់ប្រទេសអាហ្វ្រិកខាងត្បូង ឡេសូថូ, បុតស្វាណា, ហ្ស៊ីមបាវ៉េ, ម៉ូសំប៊ិក, ណាមីប៊ី និងអេសវ៉ាទីនី ជា ” ប្រទេសក្រហម “៕

ប្រែសម្រួល៖ សាង ស្រីល័ក្ខ

ប្រភព៖CGTN

ចុចអាន៖WHO ប្រកាស វីរុសបំប្លែងថ្មីជាក្តីព្រួយបារម្ភ និងដាក់ឈ្មោះ Omicron

ចុចអាន៖ក្រុមហ៊ុន Pfizer សុំពេល ១០០ ថ្ងៃផលិតវ៉ាក់សាំងកម្ចាត់វីរុសបំប្លែងខ្លួន Omicron