ព័ត៌មានអន្ដរជាតិ
អ៊ីស្រាអែលថា អ្នកចាក់វ៉ាក់សាំងដូសជំរុញរួច អាចការពារវីរុសបំប្លែងខ្លួន Omicron បាន
ស្របពេលដែលអ្នកវិទ្យាសាស្ត្រកំពុងមមាញឹក រកវិធីទប់ស្កាត់ការគំរាមកំហែងដែលបង្កឡើងដោយវីរុសបំប្លែងខ្លួន អូមីក្រុង (Omicron) មន្ត្រីជាន់ខ្ពស់ក្រសួងសុខាភិបាលអ៊ីស្រាអែលបានអះអាងថា អ្នកចាក់វ៉ាក់សាំងដូសជំរុញរួចរាល់ នឹងទទួលបានការពារពីវីរុសបំប្លែងថ្មីនេះ។
រដ្ឋមន្ត្រីក្រសួងសុខាភិបាល អ៊ីស្រាអែល លោក Nitzan Horowitz ថ្លែងកាលពីថ្ងៃអង្គារថា មនុស្សដែលបានចាក់វ៉ាក់សាំងដូសទី៣ ឬដូសជំរុញ បាន៦ខែ រាងកាយពួកគេនឹងត្រូវបានការពារប្រឆាំងនឹងវីរុសបំប្លែងខ្លួន អូមីក្រុង។
រដ្ឋមន្ត្រីរូបនេះ មិនទាន់មានទិន្នន័យច្បាស់ការអំពីប្រសិទ្ធភាពនៃវ៉ាក់សាំងប្រឆាំងនឹង អូមីក្រុង នៅឡើយទេ ដោយត្រូវរង់ចាំប៉ុន្មានថ្ងៃទៀត ប៉ុន្តែលោកមានសុទិដ្ឋិនិយមថា អ្នកដែលបានចាក់វ៉ាក់សាំងពេញលេញ ឬបានចាក់វ៉ាក់សាំងដូសជំរុញ នឹងទទួលបានការពារពីវីរុសបំប្លែងខ្លួនថ្មីនេះ។
ស្របពេលជាមួយគ្នាដែរ បណ្ដាញសារព័ត៌មានអ៊ីស្រាអែល បានបញ្ចេញរបាយការណ៍ពីសមត្ថភាពរបស់វ៉ាក់សាំង Pfizer ប្រឆាំងនឹង អូមីក្រុង ដែលវាមានប្រសិទ្ធភាព ៩០ភាគរយក្នុងការការពារវីរុសបំប្លែងខ្លួនថ្មីនេះ ខណៈអ្នកដែលមិនបានចាក់វ៉ាក់សាំងដូសជំរុញ អាចមានឱកាសវិវត្តទៅជារោគសញ្ញាធ្ងន់ធ្ងរខ្លាំងជាងអ្នកបានដែលបានចាក់រហូតដល់ ២.៤ ដង។ របាយការណ៍កត់សម្គាល់ថា វ៉ាក់សាំង Pfizer មានប្រសិទ្ធភាព ៩៣ ភាគរយក្នុងការការពារអាការធ្ងន់ធ្ងរក្នុងចំណោមអ្នកដែលត្រូវបានចាក់វ៉ាក់សាំងពេញលេញ ឬអ្នកទទួលបានដូសជំរុញរួចរាល់។
ដោយឡែក យោងតាមរបាយការណ៍ ពីអាហ្វ្រិកខាងត្បូង សមត្ថភាពរបស់ អូមីក្រុង ក្នុងការចម្លងពីមនុស្សម្នាក់ទៅមនុស្សម្នាក់មានហានិភ័យ ១.៣ ដងខ្ពស់ជាងវីរុសបំប្លែងខ្លួន ដែលតា ប៉ុន្តែរោគសញ្ញារបស់វាមិនសូវធ្ងន់ធ្ងរនោះទេ។
ទោះយ៉ាងណា លោក Nitzan Horowitz និយាយថា វ៉ាក់សាំងពិតជាមានសារៈសំខាន់ណាស់ កំលុងពេលនេះ។ អ្នកណាដែលប៉ះពាល់នឹងវីរុសបំប្លែងខ្លួន ដោយមិនមានវ៉ាក់សាំង នឹងប្រឈមហានិភ័យខ្លាំងបំផុត៕
ប្រែសម្រួល៖ សន្យា
ប្រភព៖ Daily Mail
ចុចអាន៖ WHO ប្រាប់ ៦ ក្បាច់ ទោះ Omicron សាហាវប៉ុនណា ក៏មិនហ៊ានក្បែរ
ចុចអាន៖ ព័ត៌មានសំខាន់ៗជុំវិញវីរុសបំប្លែងខ្លួន Omicron ដែលពិភពលោកកំពុងភ័យខ្លាច
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?