ព័ត៌មានអន្ដរជាតិ

មុននេះនៅ ថៃ ធ្លាក់យន្តហោះចម្បាំង ខណៈបំពេញបេសកកម្មហ្វឹកហ្វឺន

បានផុស

៤ years មុន

នៅ

ថ្ងៃសុក្រ ៣ ធ្នូ ២០២១

ដោយ

មានសេចក្ដីរាយការណ៍បន្ទាន់មួយថា យន្តហោះ F5 មួយគ្រឿង បានធ្លាក់នៅ ស្រុក Chai Badan ខេត្ត Lopburi ខណៈបំពេញបេសកកម្មហ្វឹកហ្វឺន នៅ ទីលានប្រយុទ្ធ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមសេចក្ដីរាយការណ៍បានបញ្ជាក់បន្ថែមថា ការធ្លាក់នេះ បានកើតឡើងក្នុងទិសដៅ ០៥០ ចម្ងាយ ២១ ម៉ាយ ពីកន្លែងហ្វឹកហាត់អាកាសនៃតំបន់ Ban Bua Chum ស្រុក Chai Badan ខេត្ត Lopburi ក្នុងពេលយន្តហោះមានបញ្ហាភ្លាមៗ ពីឡុតក៏បានចុចគន្លឹះលោតចេញទាន់ពេល រហូតបណ្ដាលឲ្យរបួសជើង និងត្រូវបានក្រុមជួយសង្គ្រោះ បានបញ្ជូនទៅ មន្ទីរពេទ្យ។

អ្នកនាំពាក្យកងទ័ពអាកាសថៃ បាននិយាយថា F5 បានធ្លាក់ ខណៈកំពុងបំពេញបេសកកម្មយុទ្ធសាស្ត្រ ហើយមូលហេតុ គឺមកពីកំហុសក្នុងការហ្វឹកហាត់។

ឧត្ដមនាវីឯក Prapas Sonjaidee អ្នកនាំពាក្យកងទ័ពអាកាសបានបង្ហើបឲ្យដឹងថា នៅ ថ្ងៃទី០៣ ខែធ្នូ ឆ្នាំ២០២១ វេលាម៉ោងប្រហែល ១១:០០ព្រឹក មានសេចក្តីរាយការណ៍ ពីយន្តហោះចម្បាំង Type 18 (F-5) ដែលជាកម្មសិទ្ធិរបស់កងវរសេនាតូចលេខ ២១១ កងវរសេនាតូចលេខ ២១ ថា បានជួបឧបទ្ទវហេតុ ខណៈកំពុងបំពេញបេសកកម្មហោះហើរយុទ្ធសាស្ត្រ នៅ ទីលានហ្វឹកហាត់អាវុធអាកាស Lopburi ។

ទោះយ៉ាងណា មកដល់ពេលនេះ មេបញ្ជាការទ័ពអាកាស បានបញ្ជាឲ្យគណៈកម្មាធិការ ធ្វើការស៊ើបអង្កេតគ្រោះថ្នាក់យន្តហោះរបស់កងទ័ពអាកាស ដើម្បីពិនិត្យមើលការខូចខាត និងមូលហេតុបន្ថែមទៀតផងដែរ ៕

ប្រែសម្រួល៖ សាង ស្រីល័ក្ខ

ប្រភព៖Sanook

ចុចអាន៖ថៃ នឹងជួបអាកាសធាតុត្រជាក់បំផុត សីតុណ្ហភាពធ្លាក់ចុះដល់ ៣ អង្សាសេ (មានវីដេអូ)