ព័ត៌មានអន្ដរជាតិ

ចក្រភពអង់គ្លេស ព្រមាន Omicron នឹងរីករាលដាលក្នុងសហគមន៍ កាន់តែខ្លាំងក្លា

បានផុស

៥ years មុន

នៅ

ថ្ងៃអង្គារ ៧ ធ្នូ ២០២១

ដោយ

រដ្ឋមន្ត្រីសុខាភិបាលអង់គ្លេស លោក Sajid Javid បាននិយាយកាលពីថ្ងៃចន្ទថា មានការឆ្លងសហគមន៍ នៃមេរោគ Omicron នៅ ក្នុងតំបន់ជាច្រើន អាចឈានកាន់តែច្រើនឡើងៗ។ជាងមុន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចក្រភពអង់គ្លេសបានរាយការណ៍ករណីថ្មីចំនួន ៩០ នៃការប្រែប្រួលដែលបានផ្លាស់ប្ដូរ កាលពីថ្ងៃច័ន្ទ ដោយនាំឲ្យចំនួនសរុបនៃការឆ្លងមេរោគ Omicron បានបញ្ជាក់ នៅ ក្នុងចក្រភពអង់គ្លេសដល់ទៅ ៣៣៦ ។

លោក Javid បាននិយាយថា ចំនួននេះ “រាប់បញ្ចូលទាំងករណីដែលគ្មានទំនាក់ទំនង ទៅ នឹងការធ្វើដំណើរអន្តរជាតិ” ដែលមានន័យថា មានតែក្នុងសហគមន៍។

លោកថា រដ្ឋាភិបាលមិនទាន់មានរូបភាពពេញលេញថា តើវីរុសបំប្លែងខ្លួននេះបង្កឲ្យមានជំងឺធ្ងន់ធ្ងរជាងប្រភេទផ្សេងៗ ឬអត់។ ប៉ុន្តែលោកបាននិយាយថា អ្នកដែលមាន Omicron អាចចម្លងវាកាន់តែលឿន បន្ទាប់ពីបានឆ្លងមេរោគរួច។

រដ្ឋាភិបាលអង់គ្លេសបាននិយាយថា ចាប់ពីថ្ងៃអង្គារនេះ មនុស្សគ្រប់រូបដែលមានអាយុចាប់ពី ១២ ឆ្នាំឡើងទៅ នឹងត្រូវតម្រូវឲ្យធ្វើតេស្តមុនពេលធ្វើដំណើរ ទៅកាន់ចក្រភពអង់គ្លេស ដោយមិនគិតពីស្ថានភាពនៃការចាក់វ៉ាក់សាំងរបស់ពួកគេឡើយ។

លោក Javid បាននិយាយថា លោកដឹងថាវិធានការនេះ នឹងប៉ះពាល់ដល់ផែនការរបស់មនុស្សក្នុងការចំណាយពេលវេលាជាមួយមនុស្សជាទីស្រលាញ់របស់ពួកគេ ក្នុងអំឡុងពេលពិធីបុណ្យ។ ប៉ុន្តែលោកបាននិយាយថា “យើងកំពុងចាត់វិធានការដំបូងនេះ ឥឡូវនេះ ដូច្នេះយើងមិនចាំបាច់ចាត់វិធានការតឹងរ៉ឹងជាងនេះ នៅពេលក្រោយទៀតទេ”៕

ប្រែសម្រួល៖ សាង ស្រីល័ក្ខ

ប្រភព៖NHK

ចុចអាន៖Omicron កំពុងអុកឡុក អង់គ្លេស មួយថ្ងៃកើនឡើងករណីឆ្លង ៥០ ភាគរយ