ព័ត៌មានអន្ដរជាតិ
អាមេរិក ចិន កូរ៉េខាងជើង យល់ព្រមគោលការណ៍បញ្ចប់សង្គ្រាមកូរ៉េ
ប្រធានាធិបតីកូរ៉េខាងត្បូងលោក Moon Jae-in បាននិយាយកាលពីថ្ងៃចន្ទថា សហរដ្ឋអាមេរិក ចិន និងកូរ៉េខាងជើងបានយល់ព្រម “គោលការណ៍” ដើម្បីបញ្ចប់សង្គ្រាមកូរ៉េជាផ្លូវការ ។
ទីភ្នាក់ងារសារព័ត៌មាន Yonhap បានរាយការណ៍ថា កូរ៉េខាងត្បូងនឹងជំរុញឲ្យមានកិច្ចព្រមព្រៀងនេះកើតឡើង ក្នុងអំឡុងសន្និសីទសារព័ត៌មានរួមគ្នារបស់លោក Moon Jae-in ជាមួយនាយករដ្ឋមន្ត្រីអូស្ត្រាលីលោក Scott Morrison បន្ទាប់ពីកិច្ចប្រជុំកំពូលទ្វេភាគីនៅ ទីក្រុងកង់បេរ៉ា ។
លោក Moon បានបន្ថែមថា ការបញ្ចប់សង្គ្រាមជាផ្លូវការនឹងជួយដល់ការជាប់គាំងកិច្ចចរចារវាងកូរ៉េខាងត្បូង និងកូរ៉េខាងជើង ក៏ដូចជារវាងកូរ៉េខាងជើង និងសហរដ្ឋអាមេរិក ។
គួរបញ្ជាក់ថា សង្គ្រាមកូរ៉េបានកើតឡើងពីឆ្នាំ ១៩៥០ ដល់ ១៩៥៣ រវាងប្រទេសកូរ៉េខាងជើងដែលគាំទ្រដោយប្រទេសចិន និងសហភាពសូវៀត ឯកូរ៉េខាងត្បូងគាំទ្រដោយប្រទេសជាច្រើនរួមមានសហរដ្ឋអាមេរិក ចក្រភពអង់គ្លេស និងតួកគី ។
សង្រ្គាមបានចាប់ផ្តើមនៅ ថ្ងៃទី ២៥ ខែមិថុនា ឆ្នាំ ១៩៥០ នៅ ពេលដែលកូរ៉េខាងជើងបានចាប់ផ្តើមឈ្លានពានកូរ៉េខាងត្បូងតាមព្រំដែនដែលស្ថិតនៅ លើខ្សែស្របទី ៣៨ ជាខ្សែបន្ទាត់រយៈទទឹងដែលឆ្លងកាត់ឧបទ្វីបដែលពួកគេបានចែកគ្នា ហើយក្រោយមកសង្គ្រាមមួយនេះបានបញ្ចប់នៅ ថ្ងៃទី ២៧ ខែកក្កដា ឆ្នាំ ១៩៥៣ ។
ទោះបីជាយ៉ាងណាក៏ដោយ មិនទាន់មានកិច្ចព្រមព្រៀងសន្តិភាពណាមួយត្រូវបានចុះហត្ថលេខារវាងភាគីទាំងពីរនោះទេ បើទោះបីជាមានការព្យាយាមជាច្រើនដងក៏ដោយ ដូច្នេះហើយទើបជម្លោះនៅ តែបន្តកើតមាន ៕
ប្រែសម្រួលដោយ ៖ ជីវ័ន្ត
ប្រភព ៖ Anadolu
ចុចអាន ៖ ចិន ព្រមានវាយបក អាមេរិក ចំពោះការដាក់ទណ្ឌកម្ម “មិនប្រុងប្រយ័ត្ន”
-
ព័ត៌មានជាតិ៧ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២១ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore