ព័ត៌មានអន្ដរជាតិ
គ្រាន់តែកម្ពុជា រកឃើញ អូមីក្រុង វៀតណាម រឹតបន្តឹងការគ្រប់គ្រងនៅតាមព្រំដែន ខ្លាចនាំជំងឺចូល
អាជ្ញាធរនៅភាគខាងត្បូងប្រទេសវៀតណាម បានបង្កើនការត្រួតពិនិត្យនៅតាមបណ្ដោយព្រំដែនជាប់កម្ពុជា បន្ទាប់ពីកម្ពុជារកឃើញករណីដំបូងនៃវីរុសបំប្លែងខ្លួន អូមីក្រុង។
លោកវរសេនីយ៍ឯក Doan Van An ស្នងការនយោបាយនៃបញ្ជាការដ្ឋានឆ្មាំព្រំដែនខេត្ត Long An បានប្រាប់កាសែត Tuoi Tre កាលពីថ្ងៃពុធថា មន្ត្រីការពារព្រំដែនមូលដ្ឋាន ត្រូវបានក្រើនរំលឹកឲ្យមានការប្រុងប្រយ័ត្នបន្ថែម នៅពេលបំពេញកាតព្វកិច្ច។
លោក An បានសង្កត់ធ្ងន់ថា ពួកគេត្រូវបានតម្រូវឲ្យល្បាតញឹកញាប់ជាងមុន ដើម្បីស្វែងរកអ្នកលួចឆ្លងដែន ការរត់ពន្ធ និងអ្វីដែលសំខាន់បំផុតគឺ ដើម្បីការពារហានិភ័យណាមួយនៃការឆ្លងជំងឺកូវីដ-១៩។
ក្រៅពីប៉ុស្តិ៍ព្រំដែនទាំង១២ មន្ត្រីនៅខេត្ត Long An កំពុងប្រតិបត្តិការប៉ុស្តិ៍ត្រួតពិនិត្យចំនួន៣៦ ហើយបានបង្កើតអង្គភាពល្បាតចំនួន៦ និងក្រុមការងារចំនួន៧ ដើម្បីរឹតបន្តឹងសន្តិសុខតាមបណ្ដោយព្រំដែន១៣៣គីឡូម៉ែត្រជាមួយប្រទេសកម្ពុជាក្នុងខេត្តនេះ។
នៅខេត្ត Dong Thap គណៈកម្មាធិការប្រជាជន បានបញ្ជាឲ្យស្ថាប័នពាក់ព័ន្ធ ពង្រឹងការគ្រប់គ្រងព្រំដែនប្រវែង ៥០គីឡូម៉ែត្ររបស់ខ្លួនជាមួយកម្ពុជា។
ក្រុមមន្ត្រី ត្រូវបានប្រគល់ភារកិច្ចឲ្យចុះល្បាតបន្ថែមទៀត ជាពិសេសនៅពេលយប់។
លោកវរសេនីយ៍ឯក Tran Quoc Khanh មេបញ្ជាការរងនៃបញ្ជាការដ្ឋានឆ្មាំព្រំដែនខេត្តបាននិយាយថា នៅខេត្ត An Giang រាល់ផ្លូវលំទាំងអស់នៅតាមខ្សែបន្ទាត់ព្រំដែន ត្រូវបានបិទ។ លោកបន្ថែមថា ក្រុមមន្ត្រីបានរឹតបន្តឹងការត្រួតពិនិត្យសកម្មភាពពាណិជ្ជកម្ម នៅច្រកទ្វារអន្តរជាតិទាំងពីររបស់ខេត្ត។
លោក Khanh បន្តថា កម្លាំងនគរបាលមូលដ្ឋាន ក៏បានសម្របសម្រួលជាមួយអង្គភាពការពារព្រំដែន ដើម្បីបង្កើនការល្បាតតាមព្រំដែនផងដែរ។ វិធានការស្រដៀងគ្នានេះ ក៏ត្រូវបានធ្វើឡើងផងដែរនៅខេត្ត Tay Ninh។
គួរបញ្ជាក់ថា ក្រសួងសុខាភិបាលកម្ពុជា បានប្រកាសរកឃើញករណីដំបូងនៃវីរុសបំប្លែងខ្លួន អូមីក្រុង លើស្រ្តីម្នាក់។ ស្ត្រីវ័យ២៣ឆ្នាំរូបនេះ បានវិលត្រឡប់មកពីប្រទេសហ្គាណាតាមរយៈទីក្រុងឌូបៃ និងបាងកក៕
ប្រែសម្រួល៖ Vann Vann
ប្រភព៖ Tuoi Tre
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា២ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត