ព័ត៌មានអន្ដរជាតិ
មេ WHO ព្រមានថា កម្មវិធីលុបចោល ប្រសើរជាងជីវិតលុបចោល
អគ្គលេខាធិការអង្គការសុខភាពពិភពលោក (WHO) បានព្រមានថា សកម្មភាពកម្សាន្តក្នុងឱកាសថ្ងៃឈប់សម្រាកនៃបុណ្យណូអែល និងឆ្លងឆ្នាំអាចនាំឲ្យកើនឡើងជំងឺកូវីដ-១៩ ប្រព័ន្ធសុខាភិបាលលើសលប់ និងស្លាប់កាន់តែច្រើន ហើយបានជំរុញឲ្យផ្អាកការជួបជុំគ្នា។
លោកអគ្គលេខាធិការ Tedros Adhanom Ghebreyesus មានប្រសាសន៍ថា ៖«កម្មវិធីលុបចោលប្រសើរជាងជីវិតលុបចោល»។
លោក Tedros លើកឡើងថា វីរុសបំប្លែងខ្លួន Omicron បានកំពុងរីករាលដាលយ៉ាងលឿនជាងវីរុស Delta និងអាចឆ្លងអ្នកដែលបានចាក់វ៉ាក់សាំងរួចហើយ ឬអ្នកដែលបានជាសះស្បើយពីកូវីដក៏អាចឆ្លងដែរ។
ប្រធានផ្នែកវិទ្យាសាស្ត្ររបស់ WHO លោកស្រី Soumya Swaminathan បន្ថែមនៅពេលឆ្លើយសំនួរអ្នកកាសែតនៅទីក្រុងហ្សឺណែវជាមួយលោក Tedros ថា វាសមហេតុផលដែលសន្និដ្ឋានពីដំបូងថា វីរុស Omicron គ្រោះថ្នាក់ជាងវីរុសមុនៗ ដោយចំនួនឆ្លងកំពុងកើនឡើង ប្រព័ន្ធសុខាភិបាលទាំងអស់កំពុងស្ថិតក្រោមសម្ពាធ។
លោកស្រីបន្តថា វីរុសបំប្លែងខ្លួនថ្មីនេះអាចគេចផុតពីការឆ្លើយតបរបស់ប្រព័ន្ធភាពស៊ាំបានយ៉ាងជោគជ័យមួយចំនួន។ ប្រការនេះមានន័យថា ការចាក់វ៉ាក់សាំងដូសបន្ថែមត្រូវការបង្កើតនៅក្នុងប្រទេសជាច្រើន ជាពិសេសដាក់គោលដៅលើមនុស្សដែលមានប្រព័ន្ធការពារភាពស៊ាំខ្សោយ។
លោក Tedros បានប្រាប់អ្នកកាសែតថា ៖«ឥឡូវនេះមានភស្តុតាងជាក់លាក់ដែលវីរុស Omicron កំពុងរាលដាលខ្លាំងជាងវីរុស Delta។ ហើយវាដូចជាមនុស្សដែលបានចាក់វ៉ាក់សាំងរួច ឬអ្នកដែលបានជាសះស្បើយពីកូវីដអាចឆ្លង ឬឆ្លងជាថ្មីបានកាន់តែច្រើន»។
ការលើកឡើងរបស់មេដឹកនាំអង្គការសុខភាពពិភពលោកកំពូលទាំងពីរដោយផ្អែកលើការរកឃើញក្នុងការសិក្សាស្រាវជ្រាវរបស់ Imperial College London ដែលបាននិយាយកាលពីសប្តាហ៍មុនថា ហានិភ័យនៃការឆ្លងជាថ្មីរបស់ Omicron គឺខ្ពស់ជាង៥ដង និងគ្មានសញ្ញាណាដែលបង្ហាញថា វាធូរស្រាលជាងវីរុស Delta ឡើយ៕
ប្រែសម្រួល៖ វីរបុត្រ
ប្រភព៖ theguardian
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត