ព័ត៌មានអន្ដរជាតិ
លោក បៃដិន ត្រៀមផ្ដល់តេស្តរហ័ស ៥០០ លានឧបករណ៍ដល់ ប្រជាជនដោយឥតគិតថ្លៃ
ជាមួយនឹងករណីឆ្លងជំងឺកូវីដ ១៩ កំពុងកើនឡើងនៅទូទាំងសហរដ្ឋអាមេរិក ប្រធានាធិបតី ចូ បៃដិន បានប្រកាសពីជំហានជាបន្តបន្ទាប់ដើម្បីកាត់បន្ថយការរីករាលដាលនៃមេរោគនេះ រួមទាំងការផ្ដល់ឧបករណ៍តេស្តរហ័សរកកូវីដ កន្លែងចាក់វ៉ាក់សាំងថ្មី និងការគាំទ្របន្ថែមមន្ទីរពេទ្យសម្រាប់ដាក់អ្នកជំងឺកូវីដជាដើម ។
លោក បៃដិន បាននិយាយថា ខណៈពេលដែលវីរុសកូវីដបំប្លែងខ្លួន Omicron រីករាលដាលលឿនជាងវីរុសបំប្លែងខ្លួនផ្សេងទៀត វ៉ាក់សាំងនៅតែបន្តផ្តល់ការការពារពីជំងឺធ្ងន់ធ្ងរ និងការស្លាប់ ។ លោកបញ្ជាក់ថា “ប្រសិនបើអ្នកមិនបានចាក់វ៉ាក់សាំងពេញដូសនោះទេ អ្នកនឹងមានការព្រួយបារម្ភ” ។
ទន្ទឹមនោះ ដើម្បីទប់ទល់នឹងការកើនឡើងនេះ លោក បៃដិន បាននិយាយថា រដ្ឋបាលរបស់លោកនឹងទិញឧបករណ៍តេស្តរហ័សរកកូវីដចំនួន ៥០០ លានឧបករណ៍ ហើយប្រជាជនអាចរកបានដោយឥតគិតថ្លៃ ចាប់ពីខែមករាឆ្នាំក្រោយ ខណៈពេលដែលរដ្ឋាភិបាលសហព័ន្ធនឹងបន្តបង្កើតកន្លែងធ្វើតេស្តតាមតម្រូវការ ។
លោកបញ្ជាក់ថា “ដោយសារតែ Omicron រីករាលដាលយ៉ាងងាយស្រួល ជាពិសេសក្នុងចំណោមអ្នកដែលមិនបានចាក់វ៉ាក់សាំង វាជារឿងសំខាន់ដែលយើងត្រូវដឹងថាអ្នកណាឆ្លងមេរោគ ។ នោះមានន័យថា យើងត្រូវការការធ្វើតេស្តបន្ថែមទៀត” ។
ផែនការនេះបានកើតឡើង នៅពេលដែលករណីឆ្លងថ្មីនៃជំងឺកូវីដ ១៩ កំពុងកើនឡើងនៅទូទាំងសហរដ្ឋអាមេរិក ខណៈមួយផ្នែកគឺដោយសារតែការរីករាលដាលនៃវីរុសបំប្លែងខ្លួន Omicron ដែលអង្គការសុខភាពពិភពលោក (WHO) កាលពីខែមុនបានចាត់ទុកថាជា “វីរុសបំប្លែងខ្លួនគួរឲ្យព្រួយបារម្ភ” ៕
ប្រែសម្រួលដោយ ៖ ជីវ័ន្ត
ប្រភព ៖ Al Jazeera
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានអន្ដរជាតិ៩ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ