ព័ត៌មានអន្ដរជាតិ

មហាអំណាចទាំង៥និយាយថា គ្មាននរណាមួយឈ្នះសង្គ្រាមនុយក្លេអ៊ែរទេ

បានផុស

៥ years មុន

នៅ

ថ្ងៃអង្គារ ៤ មករា ២០២២

ដោយ

ប្រទេសចិន រុស្ស៊ី ចក្រភពអង់គ្លេស សហរដ្ឋអាមេរិក និងបារាំងបានឯកភាពគ្នាថា ការរាលដាលអាវុធនុយក្លេអ៊ែរ និងសង្គ្រាមនុយក្លេអ៊ែរគួរតែត្រូវបានជៀសវាង។ នេះបើយោងតាមសេចក្តីថ្លែងការណ៍រួមរបស់មហាអំណាចនុយក្លេអ៊ែរទាំង៥ដែលបានចុះផ្សាយដោយវិមានក្រឹមឡាំងកាលពីថ្ងៃចន្ទ។

សេចក្តីថ្លែងការណ៍បាននិយាយថា ប្រទេសទាំង៥ដែលជាសមាជិកអចិន្ត្រៃយ៍នៃក្រុមប្រឹក្សាសន្តិសុខអង្គការសហប្រជាជាតិបានចាត់ទុកថា វាជាទំនួលខុសត្រួវចម្បងរបស់ពួកគេដើម្បីជៀសសង្គ្រាមរវាងរដ្ឋនុយក្លេអ៊ែរ និងកាត់បន្ថយហានិភ័យជាយុទ្ធសាស្ត្រ ខណៈកំពុងមានគោលដៅធ្វើការជាមួយបណ្តាប្រទេសទាំងអស់ដើម្បីបង្កើតសន្តិសុខប្រកបដោយបរិយាកាសល្អ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សេចក្តីថ្លែងការណ៍ជាភាសាអង់គ្លេសបាននិយាយថា ៖«យើងខ្ញុំសូមបញ្ជាក់ថា សង្គ្រាមនុយក្លេអ៊ែរមិនអាចឈ្នះបានទេ និងមិនត្រូវប្រយុទ្ធគ្នាឡើយ»។

«ដោយសារការប្រើប្រាស់នុយក្លេអ៊ែរមានផលវិបាកយ៉ាងខ្លាំង យើងក៏បញ្ជាក់ដែរថា អាវុធនុយក្លេអ៊ែរ ដរាបណាពួកគេនៅតែមាន គួរតែបម្រើគោលបំណងការពារ ទប់ស្កាត់ការឈ្លានពាន និងទប់ស្កាត់សង្គ្រាម»។

ប្រទេសបារាំងក៏ចេញសេចក្តីថ្លែងការណ៍ដែរថា ប្រទេសមហាអំណាចទាំង៥បានរំលឹកឡើងវិញនូវការប្តេជ្ញាចិត្តរបស់ពួកគេសម្រាប់ការគ្រប់គ្រង និងការរំលាយចោលអាវុធនុយក្លេអ៊ែរ។ ពួកគេនឹងបន្តវិធីសាស្ត្រទ្វេភាគី និងពហុភាគីដើម្បីគ្រប់គ្រងអាវុធនុយក្លេអ៊ែរ។

សេចក្តីថ្លែងការណ៍ពីប្រទេសអំណាចទាំង៥ហៅថា ក្រុម P5 បានកើតមានឡើងនៅពេលទំនាក់ទំនងទ្វេភាគីរវាងសហរដ្ឋអាមេរិក និងរុស្ស៊ីបានធ្លាក់ដល់កម្រិតទាបបំផុតចាប់តាំងពីសង្គ្រាមត្រជាក់មក ខណៈទំនាក់ទំនងអាមេរិក និងចិនក៏ឈានដល់កម្រិតទាបដែរនៅពេលមានការខ្វែងគំនិតគ្នាជាច្រើន។

ប្រែសម្រួល៖ វីរបុត្រ
ប្រភព៖ reuters

Related Topics:នុយក្លេអ៊ែរ