ព័ត៌មានអន្ដរជាតិ

ខ្លាំងមែន ត្រឹមតែ១៧ថ្ងៃ កូរ៉េខាងជើងបាញ់មីស៊ីល៤គ្រាប់ហើយ

បានផុស

៤ ខែ មុន

នៅ

ថ្ងៃអង្គារ ១៨ មករា ២០២២

ដោយ

យោងតាមប្រធានអគ្គលេខាធិការចម្រុះកូរ៉េខាងត្បូងឲ្យដឹងថា ប្រទេសកូរ៉េខាងជើងបានបាញ់សាកល្បងមីស៊ីលទី៤នៅដើមឆ្នាំនេះគិតត្រឹមថ្ងៃចន្ទ ទី១៧ ខែមករា ក្នុងនោះបាញ់២គ្រាប់ចូលទៅក្នុងមហាសមុទ្រភាគខាងកើតឧបទ្វីបកូរ៉េ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមទីភ្នាក់ងារសារព័ត៌មានមជ្ឈិមកូរ៉េ (KCNA) បានផ្សាយថា នៅថ្ងៃអង្គារ៍ ទី១៨ ខែមករានេះ កូរ៉េខាងជើងបានបញ្ជាក់ថា ខ្លួនបានកំពុងបាញ់សាកល្បងមីស៊ីលយុទ្ធសាស្ត្រនាំផ្លូវដែលជាប្រភេទមីស៊ីលប្លាស្ទិកចម្ងាយខ្លី និងបានអះអាងដែរថា ពួកគេបានបាញ់ចំគោលដៅច្បាស់លាស់របស់ខ្លួនតាមការជ្រើសរើសនៅសមុទ្រខាងកើត។

ទីភ្នាក់សារព័ត៌មានគ្រប់គ្រងដោយរដ្ឋដដែលបានផ្សាយថា ៖«ការបាញ់សាកល្បងនេះមានគោលដៅដើម្បីវាយតម្លៃមីស៊ីលយុទ្ធសាស្ត្រនាំផ្លូវដែលកំពុងត្រូវបានផលិត និងអភិវឌ្ឍ ហើយដើម្បីត្រួតពិនិត្យភាពត្រឹមត្រូវនៃប្រព័ន្ធអាវុធ»។

រដ្ឋមន្ត្រីក្រសួងការពារជាតិជប៉ុន លោក Nobuo Kishi បានឲ្យដឹងថា មីស៊ីប្លាស្ទិក២គ្រាប់ត្រូវបានបាញ់ចម្ងាយ៣នាទីភាគខាងលិចកូរ៉េខាងជើង។ ការប៉ាន់ស្មានពីដំបូងរបស់ជប៉ុនចំពោះការបាញ់បង្ហោះមីស៊ីលគឺចម្ងាយប្រហែលជា៣០០គីឡូម៉ែត្រ និងកម្ពស់អតិតបរមា៥០គីឡូម៉ែត្រ។

អ្នកនាំពាក្យក្រសួងការពារជាតិកូរ៉េខាងត្បូង លោក Boo Seung-chan និយាយកាលពីថ្ងៃចន្ទថា អាជ្ញាធរស៊ើបការណ៍កូរ៉េខាងត្បូង និងអាមេរិកកំពុងវិភាគលំអិតពីការបាញ់កាលពីថ្ងៃចន្ទ។

ការបាញ់សាកល្បងកាលពីថ្ងៃចន្ទធ្វើឡើយ បន្ទាប់ពីបាញ់២គ្រាប់កាលពីសប្តាហ៍មុន និង១គ្រាប់មុនសប្តាហ៍មុន ដូច្នេះត្រឹមតែរយៈពេល១៧ថ្ងៃនៃខែមករានេះ កូរ៉េខាងជើងបាញ់មីស៊ីល៤គ្រាប់ ហើយប្រទេសនេះនៅតែបន្តកម្មវិធីមីស៊ីលរបស់ខ្លួន។

តាមការផ្សាយរបស់ KCNA ថា កូរ៉េខាងជើងបានអះពីការបាញ់សាកល្បងមីស៊ីលល្បឿនលឿនជាងសំឡេងបានជោគជ័យកាលពីថ្ងៃទី៥ និងទី១១ ខែមករា៕

ប្រែសម្រួល៖ វីរបុត្រ
ប្រភព៖ CNN

Related Topics:កូរ៉េខាងជើង