កំពុងមានការភ័យខ្លាចថា ស្ថានការណ៍ជំងឺផ្តាសាយបក្សីកាន់តែអាក្រក់នៅជប៉ុនអាចបង្កឲ្យមានរោគរាតត្បាតដូចកូវីដ

ការផ្ទុះជំងឺផ្តាសាយបក្សីនៅប្រទេសជប៉ុនកាន់តែអាក្រក់ទៅៗហើយដោយកសិដ្ឋានក្នុងខេត្តចំនួន២ទៀតកំពុងសម្លាប់សត្វមាន់ក្នុងចំនួនច្រើនបំផុតមិនធ្លាប់មានស្របពេលរដ្ឋាភិបាលបានបញ្ជាឲ្យបាញ់ថ្នាំសម្លាប់មេរោគនៅក្នុងកសិដ្ឋានចិញ្ចឹមមាន់ទាំងអស់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រភេទវីរុសបង្កជំងឺខ្ពស់ H5 ដែលភាគច្រើនត្រូវបាននាំមកដោយបក្សីដែលបម្លាស់ទីមកពីទ្វីបអាស៊ីនិងអឺរ៉ុបបានរាលដាលដល់ខេត្តចំនួន៨ក្នុងចំណោមខេត្តទាំង៤៧របស់ប្រទេសជប៉ុន។

ថ្វីបើក្រុមមន្ត្រីនិយាយថា មនុស្សមិនអាចឆ្លងជំងឺផ្តាសាយបក្សីពីស៊ុតឬសាច់នៃមាន់ដែលឆ្លងជំងឺក៏ដោយ ក៏ពួកគេមានការព្រួយបារម្ភថា វីរុសនេះអាចចម្លងពីសត្វមួយទៅសត្វមួយហើយចូលដល់មនុស្សនិងបង្កឲ្យមានជំងឺរាតត្បាតដូចវីរុសកូរ៉ូណាដែរ។

មន្រ្តីក្រសួងកសិកម្មបាននិយាយថា កសិដ្ឋានទាំងអស់នៅក្នុងប្រទេសជប៉ុនត្រូវបានគេបញ្ជាឲ្យបាញ់ថ្នាំសម្លាប់មេរោគនិងត្រួតពិនិត្យរបបអនាម័យក៏ដូចជាធានាថា សំណាញ់ដើម្បីការពារសត្វបក្សីព្រៃត្រូវបានរៀបចំបានត្រឹមត្រូវផងដែរ។

សត្វបក្សីដែលត្រូវបានគេសម្លាប់មានចំនួន២.៣៦លានក្បាលមុនពេលមានការផ្ទុះឡើង២លើកចុងក្រោយនេះពោលគឺច្រើនជាងកំណត់ត្រាមុនដែលមាន១.៨៣លានក្បាល។

រដ្ឋាភិបាលកំពុងអំពាវនាវឲ្យមានការប្រុងប្រយ័ត្នបន្ថែមទៀតដោយសារតែចំនួននៃការឆ្លងកាន់តែច្រើនឡើងៗ៕

ប្រែសម្រួលដោយ៖ Vann Vann

ប្រភព៖ Reuters

ចុចអាន៖ ជំងឺផ្តាសាយបក្សីនៅ ជប៉ុន រាលដាលដល់ខេត្តទី៥

ចុចអាន៖ កូវីដមិនទាន់ស្ងាត់ ជប៉ុនផ្ទុះជំងឺផ្តាសាយបក្សីទៀត