ព័ត៌មានអន្ដរជាតិ
មិនមានសញ្ញាថមថយភាពតានតឹងឡើយ ទោះរុស្ស៊ី ប្រកាសដកទ័ពខ្លះ
អគ្គលេខាធិការអង្គការណាតូបាននិយាយថា ការប៉ុនប៉ងផ្នែកការទូតដោយប្រយ័ត្នប្រយែងជាមួយប្រទេសរុស្ស៊ីអាចបន្តទៅបាន ប៉ុន្តែបានព្រមានថា មិនមានសញ្ញានៃការថមថយភាពតានតឹងនៅលើដីគោកឡើយ។
ថ្លែងកាលពីថ្ងៃអង្គារទី១៥ខែកុម្ភៈ លោក Jens Stoltenberg បាននិយាយថា ហាក់ដូចជាមាន ឆន្ទៈ ពីទីក្រុងមូស្គូ ក្នុងការបន្តចូលរួមក្នុងកិច្ចខិតខំប្រឹងប្រែងការទូត។
រហូតមកដល់ពេលនេះ យើងមិនឃើញមានការថយចុះភាពតានតឹងនៅលើដីគោកនោះទេ។ មិនឃើញមានសញ្ញាណាមួយនៃការថយចុះវត្តមានយោធារុស្ស៊ី នៅតាមព្រំដែននៃប្រទេសអ៊ុយក្រែនឡើយ។ ប៉ុន្តែយើងនឹងបន្តពិនិត្យ និងតាមដានយ៉ាងយកចិត្តទុកដាក់ នូវអ្វីដែលរុស្ស៊ីកំពុងធ្វើ។
ពិតណាស់ យើងនឹងតាមដានយ៉ាងដិតដល់នូវអ្វីដែលកំពុងកើតឡើងនៅលើដីគោក ហើយថាតើវាមានឥទ្ធិពលក្នុងការបន្ធូរបន្ថយភាពតានតឹងពិតប្រាកដ ពាក់ព័ន្ធការដាក់ពង្រាយយោធារបស់រុស្ស៊ីនៅក្នុង និងជុំវិញប្រទេសអ៊ុយក្រែនដែរឬទេ។
គួរបញ្ជាក់ថា ការព្រមានរបស់លោក Stoltenberg បានកើតឡើងត្រឹមតែប៉ុន្មានម៉ោងប៉ុណ្ណោះ បន្ទាប់ពីក្រសួងការពារជាតិរុស្ស៊ីអះអាងថា ទាហានរបស់ពួកគេមួយចំនួនកំពុងវិលត្រលប់ទៅមូលដ្ឋានអចិន្ត្រៃយ៍របស់ពួកគេវិញ ក្នុងសកម្មភាពដែលអាចធ្វើឲ្យភាពតានតឹងចុះកម្តៅ ចំពេលមានការព្រមានថា ស្ថានការណ៍ស្ថិតក្នុងគែមនៃសង្គ្រាម៕
ប្រែសម្រួល៖ Vann Vann
ប្រភព៖ Yahoo
-
ព័ត៌មានជាតិ៦ ថ្ងៃ agoទេសចរគួរដឹងអ្វីខ្លះ ពេលទៅកម្សាន្តតំបន់អេកូទេសចរណ៍រ៉ាមសារសម្រស់កោះហានក្នុងខេត្តស្ទឹងត្រែង?
-
ព័ត៌មានអន្ដរជាតិ៥ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៦ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៦ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១ សប្តាហ៍ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង
-
ព័ត៌មានជាតិ៤ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
សន្តិសុខសង្គម៤ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ១ ថ្ងៃ agoអាជ្ញាធរទាត់ចោលព័ត៌មានដែលផ្សាយថា ថៃបានឈ្លានពានចូលទឹកដីខ្មែរនៅខេត្តប៉ៃលិន