ថៃ បើកមជ្ឈមណ្ឌលព្យាបាលកូវីដ សម្រាប់កុមារអាយុពី ៣-១៤ឆ្នាំ

កុមារដែលមានអាយុពី ៣-១៤ ឆ្នាំដែលបានឆ្លងកូវីដ-១៩ ប៉ុន្តែឪពុកម្តាយមិនអាចផ្តល់ការថែទាំបានត្រឹមត្រូវនៅក្រោមប្រព័ន្ធដាច់ដោយឡែក នឹងត្រូវបានអនុញ្ញាតឱ្យចូលក្នុងមជ្ឈមណ្ឌលដាច់ដោយឡែកសម្រាប់កុមារ ក្នុងទីក្រុងបាងកក។ នេះបើតាមប្រសាសន៍របស់អភិបាលក្រុងបាងកកលោក Aswin Kwanmuang បានថ្លែង កាលពីថ្ងៃអាទិត្យ ម្សិលមិញ។

ប្រភពពី The Nation បានឱ្យដឹងថា ដោយសារករណីឆ្លងប្រចាំថ្ងៃនៅទីក្រុងបាងកកកំពុងកើនឡើងជាបន្តបន្ទាប់ ជាពិសេសចំពោះកុមារ និងមនុស្សចាស់ ដូច្នេះទើបបានជាអាជ្ញាធរក្រុង បានបើកមជ្ឈមណ្ឌលព្យាបាលកូវីដសម្រាប់កុមារ ដើម្បីងាយស្រួលតាមដាន និងព្យាបាល។ ក្នុងនោះក៏មានគ្រួសារខ្លះមានការពិបាកក្នុងការដាក់កុមារឱ្យនៅដាច់ដោយឡែក ឬធ្វើចត្តាឡីស័ក ឬមិនអាចផ្តល់ការថែទាំគ្រប់គ្រាន់ ដូច្នេះហើយមជ្ឈមណ្ឌល​នឹង​ទទួល​យក​កុមារ​អាយុ​ពី ៣ ទៅ ១៤​ឆ្នាំ ដែលសង្ស័យឆ្លងកូវីដ មកធ្វើចត្តាឡីស័ក និងកុមារតេស្តវិជ្ជមាន មកថែទាំឱ្យបានល្អពីក្រុមគ្រូពេទ្យ៕

ប្រែសម្រួល៖ សន្យា

ចុចអាន៖ អូមីក្រុងបំបាំងកាយ នឹងជំរុញការឆ្លងកូវីដនៅថៃ កើនដល់ ១០ម៉ឺនករណី ក្នុងមួយថ្ងៃ