ទោះផ្ទុះកូវីដតែកោះ បាលី អនុញ្ញាតឲ្យរៀបចំពិធីឆ្លងឆ្នាំដើម្បីស្តារសេដ្ឋកិច្ច
Connect with us
Helistar Cambodia - Helicopter Charter Services

ព័ត៌មានអន្ដរជាតិ

ទោះផ្ទុះកូវីដតែកោះ បាលី អនុញ្ញាតឲ្យរៀបចំពិធីឆ្លងឆ្នាំដើម្បីស្តារសេដ្ឋកិច្ច

Published

on

រដ្ឋបាលខេត្តបាលីនឹងអនុញ្ញាតឲ្យសណ្ឋាគារ ភោជនីយដ្ឋាននិងគោលដៅទេសចរណ៍ទាំង​អស់រៀបចំពិធីអបអរសាទរបុណ្យចូលឆ្នាំថ្មីឆ្នាំសកលនាពេលខាងមុខនេះក្រោមវិធានការសុខភាពទប់ស្កាត់ជំងឺកូវីដ១៩ក្នុងគោលបំណងស្តារវិស័យទេសចរណ៍របស់កោះដែលមានភាពល្បីល្បាញនេះឡើងវិញ។

ប្រធានទីភ្នាក់ងារទេសចរណ៍កោះបាលីលោក Putu Astawa បាននិយាយថា “មិនទាន់មានការរឹតបន្តឹងនៅឡើយទេ។ យើងនៅតែអនុញ្ញាតឲ្យមានការប្រារព្ធពិធីតាមលក្ខខណ្ឌដែលពិធីសារសុខភាពត្រូវបានអនុវត្តហើយការរៀបចំត្រូវបានអនុញ្ញាតឲ្យធ្វើឡើងក្នុងទំហំត្រឹម៥០ភា​គរយប៉ុណ្ណោះ”។

ស្របពេលជាមួយគ្នានោះ ប្រធានទីភ្នាក់ងារសណ្តាប់ធ្នាប់សាធារណៈកោះបាលី (Satpol PP) លោក Dewa Nyoman Rai Darmada បាននិយាយថា ការិយាល័យរបស់លោកនឹងដាក់ពង្រាយបុគ្គលិកដើម្បីជួយឃ្លាំមើលទីតាំងដែលទំនងជាមានមនុស្សច្រើន។ ការត្រួតពិនិត្យនេះគឺជាផ្នែកមួយនៃកិច្ចខិតខំប្រឹងប្រែងដើម្បីធ្វើឲ្យប្រាកដថា គ្រប់ភាគីទាំងអស់បានប្រកាន់ខ្ជាប់នូវពិធីសារសុខភាពទប់ស្កាត់ជំងឺកូវីដ១៩ក្នុងឱកាសបុណ្យឆ្លងឆ្នាំនេះ។

ទោះបីជាយ៉ាងណាក៏ដោយ លោក Darmadi បានបន្តទៀតថា អាជ្ញាធរកោះបាលីនឹងចេញសេចក្តីអំពាវនាវមួយនាពេលឆាប់ៗនេះកុំឲ្យប្រជាជនប្រមូលផ្តុំគ្នាជាទ្រង់ទ្រាយធំសម្រាប់ការប្រារព្ធពិធីចូលឆ្នាំសកល។

វិស័យទេសចរណ៍គឺជាឆ្អឹងខ្នងនៃសេដ្ឋកិច្ចរបស់កោះបាលីដែលបានចូលរួមចំណែកប្រមាណ៦០ភាគរយនៃផលិតផលក្នុងស្រុកសរុបរបស់កោះនេះ។ ជំងឺរាតត្បាតកូវីដ១៩បានបង្កផលប៉ះពាល់យ៉ាងខ្លាំងដល់សេដ្ឋកិច្ចក្នុងខេត្តមួយដែល៨០ភាគរយគឺពឹងផ្អែកលើវិស័យទេសចរណ៍។

ទិន្នន័យរបស់ក្រសួងសុខាភិបាលបានបង្ហាញថា មនុស្សចំនួន១១២នាក់ទៀតនៅកោះបាលីបានឆ្លងវីរុសកូរ៉ូណាកាលពីថ្ងៃព្រហស្បតិ៍ដែលនាំឲ្យករណីសរុបនៅលើកោះនេះកើនដល់១៥,១៨២នាក់។ ខេត្តនេះមានអ្នកស្លាប់ចំនួន៤៥៥នាក់ខណៈមនុស្ស១៣,៧៩១នាក់បានជាសះស្បើយ៕

ប្រែសម្រួលដោយ៖ Vann Vann

ប្រភព៖ Jakarta Post

ចុចអាន៖ ឥណ្ឌូនេស៊ីធ្ងន់ធ្ងរណាស់! មួយថ្ងៃមានអ្នកឆ្លងកូវីដជាង៨ពាន់នាក់

ចុចអាន៖ រំលោភក្មេងនៅឥណ្ឌូនេស៊ី ត្រូវវាយ១៤៦រំពាត់ផ្តៅជាសាធារណៈ

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ36 mins ago

សូមប្រុងប្រយ័ត្ន! វៀតណាម ប្រកាសរកឃើញវីរុសបំប្លែងខ្លួន ៥ប្រភេទផ្សេងគ្នានៅក្នុងប្រទេស

ព័ត៌មានជាតិ1 hour ago

អាជ្ញាធរខេត្ត​​ បន្ថែមម៉ាស៊ីនបូមទឹក​ សង្គ្រោះ​ស្រូវ​ប្រាំង​ជាង ១០០០ ហិកតា​នៅស្រុកព្រះនេត្រព្រះ

ព័ត៌មានអន្ដរជាតិ2 hours ago

វីរុសបំប្លែងខ្លួនថ្មីដែលរកឃើញនៅអាមេរិក សាហាវជាងប្រភេទដើម ១១ ដង

ព័ត៌មានជាតិ2 hours ago

ឧ​ត្ត​ម​សេនីយ៍​ឯក រ័ត្ន ស្រ៊ាង បន្ត​ចុះ​ចែក​ម៉ាស របស់​សម្តេច តេ​ជោ​ ជូន​ប្រជាពលរដ្ឋ ​ក្នុង​រាជធានី​​​​

ព័ត៌មានជាតិ2 hours ago

​កិច្ចសហការ​ល្អ​របស់​ខេត្ត​ព្រះសីហនុ​ ជុំវិញ​​កម្មវិធី​ឧបត្ថម្ភ​ប្រាក់​ជូន​ស្រី្ត​មាន​ផ្ទៃពោះ និង​កុមារ​អាយុ​ក្រោម​២​ឆ្នាំ

Sokha Hotels

ព័ត៌មានពេញនិយម

Helistar Cambodia - Helicopter Charter Services