លោក Zelensky៖ ខ្ញុំមិនមែនជានិមិត្តរូបទេ ប្រទេស អ៊ុយក្រែន ទើបជានិមិត្តរូប (មានវីដេអូ)

ថ្លែងទៅកាន់អ្នកសារព័ត៌មានមកពី Reuters និង CNN ប្រធានាធិបតីអ៊ុយក្រែនលោក Zelensky បាននិយាយអំពីរូបភាពនិងវីដេអូរបស់គាត់ ដែលបង្កភាពល្បីល្បាញក្នុងរយៈពេលប៉ុន្មានថ្ងៃចុងក្រោយនេះ។

តួសម្តែងប្រែក្លាយជាមេបញ្ជាការរូបនេះ បានប្រាប់ CNN ថា “វិបត្តិថ្ងៃនេះគឺធ្ងន់ធ្ងរណាស់ វាមិនមែនជាខ្សែភាពយន្តឡើយ។ ខ្ញុំមិនមែនជានិមិត្តរូបទេ ខ្ញុំគិតថា ប្រទេសអ៊ុយក្រែនទើបជានិមិត្តរូប”។

មុនពេលចូលកាន់តំណែង លោក Zelensky ធ្លាប់ជាតារាកំប្លែង។ លោក​ក៏​មាន​សញ្ញាបត្រ​ច្បាប់ផងដែរ ហើយ​បាន​ទទួល​តំណែងជាប្រធានាធិបតី​ក្នុង​ឆ្នាំ២០១៩ តាម​ការ​សន្យា​ថា​នឹង​បង្ក្រាប​អំពើ​ពុករលួយ។

លោកនិយាយថា “អ៊ុយក្រែនគឺជាបេះដូងនៃអឺរ៉ុប ហើយឥឡូវនេះខ្ញុំគិតថាអឺរ៉ុបមើលឃើញថាអ៊ុយក្រែនគឺជាអ្វីដែលពិសេសសម្រាប់ពិភពលោកនេះ។ នោះហើយជាមូលហេតុដែល ពិភពលោក មិនអាចបាត់បង់អ្វីដែលពិសេសនេះបានទេ”៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ BBC

ចុចអាន៖ Biden និង Zelenskyy និយាយទូរសព្ទជាមួយគ្នាជាងកន្លះម៉ោង ម្សិលមិញ