មកមើលផែនទីតំបន់ អ៊ុយក្រែន ដែលកាន់កាប់ដោយការវាយលុករបស់ កងកម្លាំង រុស្ស៊ី

ជិតមួយសប្តាហ៍នៃការលុកលុយរបស់រុស្ស៊ីលើអ៊ុយក្រែន កងកម្លាំងរបស់ទីក្រុងមូស្គូបានឈានទៅមុខដ៏សំខាន់នៅក្នុងតំបន់ព្រំដែននៅភាគខាងជើង ខាងកើត និងភាគខាងត្បូងនៃប្រទេសអ៊ុយក្រែន ប៉ុន្តែបានប្រឈមមុខនឹងការវាយលុកយឺតជាងការរំពឹងទុកឆ្ពោះទៅកាន់រដ្ឋធានី កៀវ ។

កងកម្លាំងរុស្ស៊ីបានវាយប្រហារទីក្រុងសំខាន់ៗពីតំបន់ជាច្រើនកាលពីថ្ងៃអង្គារ ដោយបង្កើនការទម្លាក់គ្រាប់បែករបស់ពួកគេទៅលើទីក្រុង Kharkiv ដែលជាទីក្រុងធំទី ២ របស់អ៊ុយក្រែននៅភាគឦសាន ។ ពួកគេក៏បានវាយទម្លុះទីក្រុងកំពង់ផែដែលមានការប្រកួតប្រជែងយ៉ាងខ្លាំងនៅភាគខាងត្បូង ហើយទំនងជាបានឡោមព័ទ្ធតំបន់ជាច្រើនទៀតផងដែរ ។

ទន្ទឹមនោះ រុស្ស៊ីក៏បានបង្កើនការវាយប្រហាររបស់ខ្លួនលើទីក្រុង កៀវ ផងដែរ ដោយគ្រាប់រ៉ុកកែតបានវាយប្រហារលើកន្លែងរំលឹកវិញ្ញាណក្ខន្ធ Holocaust ក្នុងទីក្រុងកាលពីថ្ងៃអង្គារ ។ កាំជ្រួចមីស៊ីល​មួយគ្រាប់​ក៏​បាន​បាញ់​ទៅ​លើ​មន្ទីរ​សម្ភព​ឯកជន​មួយ​នៅ​ជិត​ទីក្រុង​ដែរ បើ​ទោះ​ជា​គ្រប់​គ្នា​បាន​ជម្លៀស​ចេញ​ក៏​ដោយ ។

ស្របពេលជាមួយគ្នានេះដែរ បើយោងតាមរូបភាពពីផ្កាយរណប Maxar Technologies បានឲ្យដឹងថា ក្បួនរថក្រោះ រថពាសដែក និងកាំភ្លើងធំរបស់រុស្សីកំពុងធ្វើដំណើរឆ្ពោះទៅកាន់រដ្ឋធានីអ៊ុយក្រែន ៕

ប្រែសម្រួលដោយ ៖ ជីវ័ន្ត

ប្រភព ៖ CNN

ចុចអាន ៖ មកស្គាល់បុរសខ្លាំង អ៊ុយក្រែន ពាក់មួក និងអាវសាមញ្ញ អង្គុយចរចាជាមួយ រុស្ស៊ី